اعذروني ع الاخطاء الإملائيه♥️♥️
____________
ب فرنسا
كانت جالسه بالبلكونه كلعاده تشرب قهوتها وتتامل النجوم وتفكر غمضت عيونها وتنهدت
شوق: تفكرين ب وش هالمره؟
هديل فتحت عيونها وناظرتها: افكر لمتى بعيش هنا بفرنسا
شوق وهي تتاملها: لين ربي يكتب انك ترجعين لبلدك
هديل ابتسمت وهي تناظر لقدام: احس اني ارجع لبلدي صار من سابع المستحيلات
شوق وهي تقوم: مافي شي مستحيل
هديل جلست تناظرها لين دخلت تنهدت
بالسعوديه عند خال شهد
^بقول ام ممدوح وابو ممدوح^
ام ممدوح جت وهي تركض: يااحمد يااحمد الحق
ابو ممدوح: وش فيك يامره وشصاير
ام ممدوح بتوتر: شهد مهي بغرفتها
ابو ممدوح قام بصدمه: وشو فينها؟؟؟
ام ممدوح: مدري مدري من امس من رجعت ماشفتها وكنت احسبها نايمه والحين جيت بصحيها للمدرسه بس مب موجوده بغرفتها واغراضها نصها مهي موجوده
ابو ممدوح بعصبيه: ممددوووحح
ممدوح نزل: شفيك يبه
ابو ممدوح: شهد مهي مبينه
ممدوح بصدمه: شلون
ابو ممدوح بعصبيه: دور عليها بسرعه
عند شهد صحت وهي حاسه بالم بخصرها شافت هاجر نايمه ماحبت تزعجها طلعت برا وهي تعرج شافت ان محد صاحي كشرت راحت للمطبخ جلست باقرب كرسي وهي ماسكه خصرها: اهه وش ذا الالم اييي يربي
..: تستاهلين مين قالك امس تعضيني وارميك
شهد ناظرته بحقد: كله منك
عبدالله ناظرها وجلس عند رجولها وحط يده على يدها الي بخصرها: توجعك؟
شهد بتوتر: ايه
عبدالله بعد يدها عن خصرها وبعد التيشرت: بغير لك جرحك وبعطيك مسكن للألم
شهد بتوتر: ط.طيب سمعو شهقه كلهم لفو للمكان
ليلى بشهقه: وش ذاا يماا يباا جديي تعالوو بسرعهه شوفوو شاليصير فبيتكم
الكل نزل معدا هاجر ولويا على صراخ ليلى وشهد وعبدالله مستغربين
ليلى وهي تتدعي الصدمه: جدي ذول كانو يسوو اشياء مهي زينه شفتهم بعيني
تالا تناظر لهم ببرود وتناظر لملامح شهد الي انصدمت وبعدها انقلبت لغضب وواضح كاتمته
الجد بصدمه: الكلام صدق ياعبدالله؟
عبدالله رفع حاجب: وانت مصدق؟
الجد بعصبيه: جالس اسالك رد زين
عبدالله ناظر لشهد الي شوي وتنفجر كتم ضحكته: يبا اتوقع شهد عندها جرح بخصرها ونزلت وكانت تتالم وبحكم اني دارس الطب كنت افحصها بس جت ذي وسوت مناحه هي وتفكيرها
شهد اخيرا تكلمت وهي تناظر ل ليلى وهي تخزها: لا تظنين الكل زي بعض يقلبي ال مرا الجايه تاكدي بعدها تكلمي
ليلى انصدمت من كلام شهد: شقصدك
شهد ابتسمت ب براءه متصنعه: مااقصد شي بس حبيت اوضح لك ^وبملامح بارده^ ولو فهمتي قصدي افضل لك وطلعت من عندهم
تالا كانت تتابعهم بصمت ابتسمت على رد شهد ولما طلعت: اي جدي مصدقها؟ تهينو صديقتي قدامي وفبيتكم زين سويتم وطلعت ورا شهد بسرعه
عبدالله عطى الكل نظره ودخل لجناحهم هم العيال
الجد بعتاب: ليلى بتعتذرين لهم تفهمين
ليلى بغرور: ماراح اعتذر ماسويت غلط قلت الي شفته
فرح بحقد: مالت عليك زعلتي ثلاث اشخاص بشي واحد وطلعت لفوق هي بعد بقي بس الامها والاباء والجد
ام خالد جلست بهدوء: ماظنتي البنت فيها سوء والله انها حبيبه وتنحب بس بنت موضي(ام ليلى) واضح تبي تفتن
(معلومه بسيطه نسيت اذكرها ابو نايف متزوج اثنين ام نايف وام معاذ ام نايف جايبه نايف ولمياء وسالم وام معاذ معاذ وليلى طبعا ام نايف طيبه وعلى نيتها اما ام معاذ عدوانيه طبعا العيال مايفرقو بينهم كلهم يعاملونهم زي بعض) ام معاذ بصدمه: وش دخل بنيتي الحين هي قالت الي شافته حتى لو فاهمه غلط حنا محنا عارفين البنت من وهي بنت من ومانعرف طينتها ويمكن صدق الي قالته ليلى بس عبدالله يخبي
ام خالد بحده: احترمي نفسك ياموضي البنت واضح انها بنت ناس ومحترمه بس مدري بنتك شفيها عليها^وبسخريه^ واضح الغيره
ام نايف: خلاص خلاص اقصرو الشر وقفلو السالفه امشي يا ام عبدالله وام خالد نشوف البنت
ام معاذ بسخريه: وانا
ام خالد عطتها نظره: انتي وبنتك خلكم على تفكيركم امشو وراحو لغرفة شهد لقو البنات متجمعين قدام الباب
ام خالد باستغراب: شفيكم ادخلو داخل
فرح ميلة فمها: مقفله الباب ولاهي راضيه تفتح
ام عبدالله: يا ويلي لا يكون بتاذي نفسها نادو اخوها بسرعه ونادو حسين وجاء دق الباب: شهد حبيبتي فتحي الباب هذا انا حسين
شهد بعصبيه: مابي اشوف احد وحسين جهز السياره بروح المدرسه واسحب اوراقي واستأجر لي شقه اجلس فيها مابي اجلس هنا
ام نايف بحنيتها المعروفه: يابنتي افتحي الباب لي انا بس
شهد تأثرت بكلمة بنتي وفتحت الباب وجو بيدخلو كلهم: لاا مو الكل بس الامهات
هاجر طيرت عيونها: وحنا لنا ساعه هنا حرام عليك
شهد هزت كتوفها: مالي دخل الأمهات عشاني احترمهم بدخلهم دخلو ام خالد وام عبدالله وام نايف ورجعت قفلت الباب وجلست بالسرير وهي تناظر الارض
ام عبدالله ابتسمت: ليه الحزن؟
شهد رفعة عيونها وتنهدت: اكرهه احد يشكك بشي يخصني وخاصة انه بكون بشرفي
ام نايف جلست جنبها وحطت يدها على كتفها: حبيبتي نحن ماصدقناها اصلا عارفين عبدالله مو راعي هالحركات وانتي بعد واضح منتي براعية الحركات ذي
شهد تنهدت مرا ثانيه: مابي اجلس هنا اصلا مني مرتاحه اني جالسه بين ناس مااعرفها واثقل عليهم
ام عبدالله جلست من الجنب الثاني وام خالد جنبها ابتسمت لهم شهد
ام خالد بحنيه: من قال لك انك بتثقلي علينا؟ انتي من جيتي وانتي صرتي منا وفينا ووحده مننا ولا بنرضى انك تطلعي خاصة وحنا عارفين ان مالك دخل وفي ناس مااتخاف ربها تلاحقك
شهد تنهدت وابتسمت: ماعمري كان عندي ام هذي اول مرا احس بحنان الام
ام نايف بمزح: تعالي بدخلك بطني واطلعك وتصيري بنتي
ام عبدالله وهي تهز راسها: احنا امهاتك بدون ماتقولي
شهد ضحكت وهي تحضنهم كلهم مرا وحده: ياحظي بيصير عندي ثلاث امهات ابتسمو لها وهم يضموها
ام عبدالله: والحين بتنزلي معانا ونفطر مع بعض ولا بتزعلي امهاتك وترفضي؟
شهد هزت راسها: لا بجي بس بغير لبسي ومامعي لبس
ام خالد قامت فتحت الباب ولقت البنات باقي عند الباب ضحكت: خذي من بنتي فرح كلكم نفس الجسم والطول
شهد ابتسمت لهم: تقدرو تدخلو اما انتي يافرح روحي جيبي لنا كلنا لبس وخلونا نلبس راحت فرح جابت لهم لبس ولبسو
تالا بتكشيره وهي تناظر نفسها بالمرايه: اقول تالا ماعندك جينز ولا لقينز مابي فستان احس شكلي غلط
فرح: الا في اجيب لك؟
تالا هزت راسها: يب
فرح راحت جابت لقينز اسود وجابت فنيله ابيض عليها رسومات وطويل لحد الركبه تالا ناظرت نفسها بالمرايه وابتسمت برضى شالت شعرها كله بشباصه
فرح بسرعه: لا خليه مفتوح
تالا وهي طالعه: مااحب افتحه
جت لهم شهد وهي حاطه يدها على خصرها: فرح يازق مالقيتي تجيبي لي الا فستان له حزام مقدر اربطه بسبب خصري
فرح ناظرتها ميلة فمها: اجيب لك تنوره؟ ولا زي تالا
شهد ناظرت تالا: يب جيبي
راحت فرح جابت لها لقينز اسود وتيشرت اصفر طويل لحد الركبه نفس تالا لبسته وناظرت بالمرايه ضحكت على شكلها
فرح: تبين تغيريه
شهد هزت راسها: لا خليه حلو خل ننزل(طبعا هاجر رجعت لبيتها بعد ماتاكدو انها بتكون بخير وحسين بعد) نزلو كلهم مع بعض وكل وحده جلست بمكان الا شهد وتالا جلسو جنب بعض يخططو لخال شهد
تالا: لازم تروحين لبيته وتدخلين لمكتبه وتاخذين المستندات والاوراق الي هناك واذا صار اي شي بيعلمني جاك وبنساعدك ماعليك
شهد: بس متى؟
تالا بتفكير: مدري بس لازم يكون ف وقت الكل يكون نايم او مو موجود
شهد: ف الليل لما ينامو او بعد الغدا الكل يروح لغرفته بس اخاف انقفط
تالا تطمنها: حتى لو انقفطتي انا بكون هناك وجاك بعد لا تخافين
ام خالد: وش تتساسرون فيه
تالا: ولاشي
ام خالد ابتسمت: طيب الاكل جاهز امشو
شهد كشرت: بناكل كلنا حتى العيال؟
ام خالد ضحكت: ايه من زمان كذا حنا قامو كلهم وعلى الاكل هدوء
قطع الهدوء خالد: تالا وشهد اذا خلصتو اكل ابي اكلمكم ^وقام^ عن اذنكم وطلع
ليلى بنرفزه: جدي وش ذا يكلمهم ويطلعو مع بعض ولوحدهم وانت ساكت؟؟
تالا عصبت بس كتمتها وسكتت
الجد هادئ ومارد
شهد ردت بسخريه: انتي آخر من يتكلم حن زين نستاذن والكل عارف ان نيتنا زينه وواثقين مننا بس بعض الناس الله يستر عليهم عمايلهم ماودي اقول
ليلى انصدمت وبلعت ريقها وسكتت تالا حست بالراحه لرد شهد وابتسمت لها وهي ردت الابتسامه وكأنها تطمنها
عبدالله وهو يناظر الاكل ابتسم لقوتها وليلى انقهرت لان عبدالله ابتسم وكملو اكل بهدوء قامت شهد: شبعت عن اذنكم طلعت وعبدالله قام وراها وطلع وبعدهم بشوي طلعت وراهم وليلى منقهره وساكته
تجمعو بالصاله
شهد تكتفت وهي تناظر لعبدالله: ذا شيسوي معانا
خالد ناظر لعبدالله وبعدها ناظر شهد: يبغى يساعد
شهد كشرت: مانبغى مساعده منه
عبدالله ابتسم: ليه كل هالحقد
شهد: كيفيي
تالا طنشتهم: وش فيه؟
خالد: عرفت ان البيت بيطلع للمزرعه
شهد ناظرته باهتمام: كلهم؟
خالد هز راسه: يب الكل
شهد ابتسمت: حلو بقدر ادخل واطلع بدون مااانكشف متى بيطلعو
عبدالله جلس وهو يفتح الابتوب: بعد يومين
شهد ناظرته: امم متى بضبط؟ يعني الساعه كم تقريبا
عبدالله وهو يبحث: بالليل
شهد جلست جنبه وهي تناظر: اف مين بيوديني بالوقت المتأخر ذا
عبدالله ناظرها: انا
تالا: بجي معك لا تنسين
خالد رفع حاجب: مو كأنه نسيتوني
شهد ناظرته: بتوصلني انت وتالا انتي اجلسي مع عبدالله راقبو الوضع واي حرركه تحسون فيها تجو اوك؟
عبدالله ناظرها باستنكار: ياهي انا قلت بوصلك
شهد ناظرته: مابي بيوصلني خالد خلاص انتهى النقاش
عبدالله سرح وهو يناظرها تالا ضحكت عليه: خلاص قومي شهد نروح ناخذ اغراضك من المدرسه ومن بيت هاجر
شهد توترت من نظرات عبدالله وقامت: اي اي يلا خالد وراحو للمدرسه وشهد نزلت^ع هية ولد طبعا^ دخلت جناحها وكلعاده الشباب متجمعين راحت غرفتها جمعت اشيائها وطلعت من الغرفه وقف قدامها نواف كشرت: نعم
نواف قرب ل اذنها: ادري انك بنت امس شفتك
شهد توترت بس مابينت وببرود: وانت شدخلك
نواف حط عينه بعينها وهو قريب: منتي مهتمه؟
شهد توترت بس قعدت تتصنع البرود: لا بطلع اصلا لو تبي تكشف
نواف ابتسم وبعد لها الطريق وهي مرت طلعت دخلت السياره: ع بيت هاجر بأخذ اغراضي
تالا ناظرتها وجهها احمر واضح التوتر من رجفة يدها سكتت بتكلمها لما يوصلو البيت وصلو لبيت هاجر اخذت اغراضها وطلعت بسرعه وراحو ع البيت وراحت ع غرفتها نواف سبب لها قلق ماتدري ليه انسدحت عالسرير وهي تفكر فيه وف الابتسامه الي ابتسمها وغفت وهي تفكر
عند البقيه كانو بالصاله
تالا رايحه جايه رايحه جايه شافت اريج جت لها ابتسمت: اهلين بالحلوهه الي ماشفتها من امس
اريج راحت لها: لما صحيت مالقيتك ما جيتي لي وجبتي حليب
تالا ابتسمت: ياحبيبتي كنت تعبانه اسفه
اريج ابتسمت وهي تضمها: ماادعل منك
تالا ابتسمت وهي تبادلها: حبيبتي انتي وشالتها وراحو لغرفتها يسولفو ويلعبو
ام خالد تكلم خالد: ياولدي طلعاتكم مع بعض حنا متفهمين لكن الناس بتفهم غلط
خالد: طيب وش اسوي انتي عارفه يمه مو بيدنا هالشي
ام خالد وهي متفهمه: ادري بس حاولو تقللو من طلعاتكم
خالد: ان شاء الله يمه(قام) عن اذنك وراح لغرفته ولويا لحقت تالا وفرح قامت راحت لعند تالا
فرح: هايي
تالا ناظرتهم: اهلين
فرح وهي تجلس: اقول الملكه باقي لها يومين واحس بخوف مو طبيعي
تالا ناظرتها: وش تبين تحسي فيه اكيد بتخافي
فرح عطتها نظره حقت ليتك ساكته: اشووف فيك يوم
تالا ضحكت: لهدرجه حاقده علي
فرح بتنهيده: مهي قصة حقد لكن احس ماني متعوده فيه ومتوتره تخيلي ف يوم وليلى تكوني مع شخص ماتعرفينه(طبعا متفقين الكل ان الملكه والزواج مع بعض)
لويا: انتو عايشين مع بعض من زمان احس عادي بتتعودي وطبيعي بتتوتري لأن حياتك بتتغير
فرح: فديت الفاهمنيي
لويا ابتسمت لها
تالا قامت: بروح اشوف شهد واجي وراحت لغرفة شهد لقتها صاحيه تناظر السقف جلست جنبها: شفيك
شهد ناظرتها: مدري احساس غريب
تالا ناظرتها باهتمام: مثل ايش وكيف جاء
شهد جلست وقالت لها السالفه والقلق الي سببه لها نواف والاحساس الغريب
تالا: مني عارفه اوصفه لك شعور معقد الا اقولك تدرين انو اليوم الي بتروحي لبيت خالك يصادف يوم ملكة فرح
شهد فزت: وشش كيف ليهه وش بنسوي
تالا رفعت كتوفها: ممدري والمشكله انه لازم تروحي بالليل
شهد تنهدت: مصيبه ورا مصيبه اخخ الله يستر يشيخه مني مرتاحه
تالا حطت يدها علل يد شهد وهي تطمنها: ماعليك نحلها
شهد ابتسمت لها
بفرنسا صحو البنات وتجهزو وراحو المدرسه وكل وحده على فصلها
هديل وهي حاطه راسها على الطاوله اليوم تحس بارهاق قوي وتعب عكس امس كانت نشيطه ضحكت بينها وبين نفسها: شكل شوق معطيتني عين
جاء عندها عزام: جنيتي صرتي تضحكي وتتكلمي مع نفسك
هديل رفعت راسها ناظرته: لاوالله بس امس كنت نشيطه ومتحمسه واليوم العكس
عزام ابتسم: شكلك فكرتي كثير قبل ماتنامي وهذا السبب
هديل هزت راسها: ايه جاء الاستاذ خلينا نركز
عند شوق دخلت فصلها جلست ترتب اغراضها شافت مراد دخل بس ماناظرها ابتسمت انه ماناظرها شوي وشافت صديق عزام يدخل(مشعل) جلس جنبها ورتب اغراضه وهي تناظره ناظرها وابتسم: عارف اني حلو بس ترا لو كملتي نظراتك ذي بيشكون
شوق استحت: مو قصدي..
مشعل ابتسم: عادي وجاء الاستاذ وكملو وبعد ماخلصو تجمعو كلهم بالكفتيريا هديل طلبت قهوه وجلست معهم جسد لكن روحها وعقلها مهي معاها جالسه تفكر بحياتها من يوم ما صار عمرها ١٣ وهي تفكر بحياتها ماعندها شي تفكر فيه غير حياتها وشوق قاطع تفكيرها صوت ضحك ناظرت شوق تسولف مع مشعل وعادي الوضع وناظرت عزام هادئ نفسها قامت بتتمشى شافت مراد قدامها: وش تبغى
مراد بادب: بتكلم معك
هديل حطت كاسة القهوه على الطاوله ومشت مع مراد تعرف وش يبغى ومنها تفتك من هالكسل وقفو شوي بعيد
مراد بادب: انا اسف للي صار امس ماكان قصدي بس تصرف متهور
هديل ابتسمت: اهم حاجه انك اعترفت بغلطك واعتذرت
مراد كان خاق وخق أكثر مع الابتسامه: عادي نصير اصحاب ولا بعد ممنوع
هديل: زملاء دراسه نعرف مع بعض ف المدرسه غيره مااعرفك ولا تعرفني
مراد باستغراب: ليه
هديل: اذا منت موافق ف انسحب
مراد بسرعه: موافق موافق خلاص
هديل ابتسمت: اوكيهه الحين بروح أخذ قهوتي واتمشى المزاج اليوم معكر
مراد: ليه
هديل: مو معروف يلا سيو اشوفك بعدين راحت تاخذ قهوتها لقت عزام يناظرها بنظرات مهي مفهومه جلست تناظره بعدها اخذت قهوتها وراحت
شوق وهي تناظر هديل معطيتها ظهرها: اليوم هدوئها يخوف
عزام ناظرها: ليه
شوق: نادراً تكون هادئه كذا
مشعل: امس كانت نشيطه وتسولف بس اليوم حتى انا خفت ومالي دخل
شوق ضحكت: مو لهدرجه تخوف
مشعل ابتسم: والله خويتك من شفتها امس تضارب وانا اقول انها قويه وفجاء القاها هادئه لا والف لا اكيد فيه سالفه
شوق هزت راسها: اعرف وش فيه بس معليه
فالسعوديه
بختصر لكم مرت يومين هادئه على الكل شهد تطلع من غرفتها تاكل وترجع تحبس نفسها وماتكلم احد بس تتكلم مع تالا يتفقو على الخطه وبعدها تجلس بغرفتها تفكر وتفكر
تالا كانت هادئه وتتجنب المشاكل ماتبي تتمشكل خاصة بذي الظروف خلت كل تفكيرها ب الي بتسويه شهد وتفكر فيه وبس والبقيه هادئين يترقبو وش بتسوي تالا وشهد وطبعا تالا وشهد باليومين ذي صارو قريبين من بعض ويفهمو بعض
يوم الملكه او نقول الزواج لأن بيملكو وعلى طول يسافرو
الصبح
تالا جالسه بغرفة شهد: اقول شهد بتطلعي من القاعه لبيت خالك
شهد واقفه قدام المرايه: يب الي مضايقني بطلع بفستاني مابيمديني اغير
تالا: لما تطلعين انا بطلع واجلس بسيارة عبدالله منها نراقب الوضع ومنها محد يشك بشي
شهد ابتسمت لها: الله يهدي اليوم على خير تعالي نروح للبنات وقامو راحو غرفة فرح الي لويا وهاجر وفرح موجودين هناك
شهد ابتسمت: اهلين بالعروسه
فرح بتوتر: اسكتي والي يسلمك حاسه اني رايحه انقتل مو زواج مدري ليه ذا توترر
شهد جلست جنب فرح ومسكت يدها الي ترجف: بسم الله هدي ان شاء الله ما يصير شي
هاجر حابه تلطف الجو وتغير الموضوع: نروح للمشغل ولا؟ ترا كثيرين مابنلحق نخلص بسرعه امشو كلهم لبسو عباياتهم وطلعو للسواق وصلهم للمشغل وصارو يتجهزو
بفرنسا عند هديل
شوق بطفش: هديل ابي اطلع تكفينن ذبحني الطفش
هديل تغطت بالبطانيه كلها: شوقق ابعدي بنام
شوق: هديل قوميي ماصدقت يجي الويكند ونطلع
هديل جلست بطفش: وين تبين نطلع
شوق بفرحه: اي اي نروح الشانزلزيه يمدحونه وفي مكان ثاني ناسيه اسمه اذا تذكرت بنروح اوك؟
هديل ابتسمت لفرحتها: تمام قومي تجهزي انا بلبس مالي حيل اكشخ ولاشي من الحين
شوق باستها بخدها: انتي لو كشختي ولا ماكشختي حلوه ف سوي الي تبين وراحت تجهزت وطلعو مع السواق وحراس الي دايم يحرسونهم وصلو للمكان المطلوب نزلو
هديل وهي تناظر المكان: هذي اول مرا ازور هنا وربي حلوو
شوق ابتسمت بثقه: ادري كل شي اختاره حلو
هديل ابتسمت لها وصارو يتمشو ويضحكو ويسولفو لين تكلمت هديل: ترا تعبت خل نجلس شوي
شوق: ايه فيه مقاهي ومطاعم حلوه هنا تبين تاكلي ولا نروح نجلس ف مقهى
هديل: خل نروح نفطر مااكلت شي من امس
شوق: اجل نروح مقهى لأن هناك الفطور مب بالمطعم
هديل اكتفت بابتسامه وراحو لمقهى جلسو فيه وطلبو وطبعا الحراس وراهم اخذو طاوله
هديل وهي تناظر الناس: يالله قد ايش المكان حلو ومريح
شوق ابتسمت: في مكان ثاني ودي اروح بس مو لوحدنا
هديل ناظرتها باستغراب: ليه
شوق بحماس: هناك فيه منتجعات ومهرجانات وفيه اشياء كثيرر يعني لو بنروح لازم يكون معنا احد ثاني شخص او شخصين او ثلاث مايهم
هديل ابتسمت: خلاص بندور على أصدقاء ونروح
شوق: عساس يعني انتي حقت صداقه
هديل: اي فيه مراد وعزام اصدقائي
شوق بصدمه: ذول تعتبرينهم أصدقاء
هديل وهي تناظر الشوارع: بناتهم مايعجبوني
شوق ضحكت: اوكيهه جاء الفطور افطري وصارو يفطرو وهم يسولفو بعد ماخلصو قامو يكملو تمشيه طلع بوجههم مراد هديل صدت ماتبيه يشوفها وذول الحراس وراها بس على مين هيهات شافها وجاء لعندها: هايي
هديل ناظرته وابتسمت غصب: اهلين مراد
مراد: اهلين فيكِ (وناظر وراها) اوب مين ذول
هديل ناظرتهم وجاء واحد من الحراس لعندها: انستي هل هذا الفتاء يزعجك؟
هديل بضيق: لا اذهب
الرجل راح عند البقيه ومراد يتأمل وجهه هديل الي واضح فيه الضيق: شفيك
شوق كانت جنبها ولاحظت الضيق: مافي شي ماعليك ذول حراس مخصصين لنا وشكلها تضايقت منهم
مراد ناظر للحراس ورجع ناظر هديل: ماتبيهم
هديل تنهدت: دايم ورانا احس بس بالمدرسة أفتك منهم طفشت ودي مرا اطلع بدونهم
مراد ابتسم: لك الي تبين ومسك يدها وصار يركض يحاول يضيعهم والحراس وراهم واخيرا دخل للفه لصقها بالجدار وصار يناظرهم وهم يدورو كان بيضحك بس هي حطت يدها على فمه ناظرها وجلس يتاملها وبعد فتره ناظر للمكان الي كانو الحراس فيه مو موجودين تنهد براحه هديل بصوت خفيف: راحو؟
مراد هز راسه ب معنى^ايه^ لانها باقي حاطه يدها على فمه وهو محاصرها واخيرا استوعبت وبعدت يدها واستحت وهو ضحك ناظرته بصدمه: شوق
مراد وقف ضحك: احح نسيناها
هديل تجمعت الدموع بعيونها: لاا
مراد توهق: لالا تبكين لا تبكين لا تبكين
هديل بدت تبكي ومراد مو عارف شيسوي شوي وسمعو صوت شوق: اشبها ذي تصيح
هديل ناظرتها بعيون مليانه دموع وخشم احمر وخدود حمرا: شوقق
شوق ضحكت: اوهه اشتقتي لي
هديل بعدت من مراد الي محاصرها وحضنت شوق وظلت تبكي وشوق خايفه عليها مو من عوايدها تبكي كذا مشعل من وراها: ما عرفتها بكايه كذا
هديل صارت تمسح دموعها كأنها طفل: مو بكايه
شوق ابتسمت: مو بكايه بس الواضح انها كاتمه حاجه بقلبها وماودها تعلمني
هديل اخيرا هدت وابتسمت: لا مافي شي بس كيف جيتي هنا
شوق ناظرت مشعل: ذا جابني
مشعل ابتسم: مشعل مب ذا
شوق: ايه مشعل جابني
مشعل بضحكه: كانت واقفه لوحدها وشوي وتبكي شفتها ورحت لها ودورنا عليكم وبمهاراتي لقيتكم
هديل ابتسمت وهي تناظر شوق: ضيعنا الحراس الحين حرين وصارو يتمشو هم الاربعه
نرجع للسعوديه كانو بالمشغل طبعا كل اثنين بغرفه وفرح بغرفه لوحدها
شهد وهي تناظر من المرايه وتكلم الكوفيره: لا تحطين مكياج ثقيل ولا ابيه جامد ولا فخم خليه خفيف
الكوفيره اللبنانيه بطفش: هيدي ال مرا الخامسه تقوليلي نفس الكلام لك خلاص فهمت
شهد بوزت: لا تنافخين
تالا ضحكت: هيي خلي مكياجها ناعم نفسي لا تخليه خفيف لا تسمعين كلامها
شهد ناظرتها بحقد: اي مو انتي الي بتغامري
الكوفيره: الحين اخلي مكياجها خفيف ولا ناعم مافهمت
تالا: ناعم وغصبا عنها
شهد كشرت: خليه ناعم بس خلصي شعري
الكوفيره: شعرك مايحتاج له تسريحه بسم الله ماشاءالله كيرلي وجميل بس بعملك شوي تعديلات
شهد: اك
تالا تضحك على تعابير وجهه شهد
شهد بنرفزه: اوصص يامسجل
تالا مكمله ضحك: طيب ليه متنرفزه ريلاكس
شهد: ياخيي مااحب المكياج اصلا وانتي تبين تحطيه لي وع
تالا: عادي يا بنتي الحياه تجارب
عند هاجر ولويا الي مسوين حوسه للحرمه الي تصلح لهم كل شوي يقولو شي
لويا بنرفزه: يازفت خففي الروج لا يع غيريه
هاجر بضحكه: جننتيها
لويا: شسوي مهي راضيه تفهمني البقره لا وعع مابي ذا
هاجر: هيي يا انتي لا تربطين شعري خليه على طبيعته مكياجي ابغاه ناعم لالا فخم لا خلاص ناعم
لويا: ياويليي ارفعيه لفوق كذا اي اربطيه بذا ياحمارهه نزلي الخصلات من قدام اي كذا امم هاجر كيف شكلي؟
هاجر: قمر قمرر
لويا وهي ترسل لها بوسه بالهوا: حبيبيي
انتهى البارت
___________
ان شاء الله يعجبكم حبايبي🥺♥️
