اعذروني على الاخطأ الاملائيه 🤍🤍
_____________
يوم جديد
صحت شهد بس ماقامت من سريرها جلست تطالع بالسقف تنهدت وجلست: افف ليه احس ان مالي خلق اطلع وحاسه بضيق قامت بتعب وراحت للحمام وسوت روتينها وصلت وجلست بالسجاده بتعب شوي ودخلت ام عبدالله وراحت لها بخوف: يمه فيك شي
شهد بتعب: لا انا بخير
ام عبدالله: بس وجهك مصفر
شهد بلعت غصتها وقامت مع ام عبدالله: لا تخافين يمه
ام عبدالله: يلا امشي معاي عشان تفطرين
شهد: لا برجع انام
ام عبدالله: لا مو زين تنامين كثير انزلي معاي ع الاقل اجلسي مع نواف تركته لوحده
شهد نزلت مع ام عبدالله بثقل وشافت نواف بالارض يحاول يحبي ابتسمت بحب: يمه شوفيه يبي يحبي
ام عبدالله ابتسمت: اي انا حطيته عشان يتعلم
شهد راحت جلست جنبه عالارض وهي تلعبه وتعلمه وصار يضحك مابين ضحكاتهم طلع عبدالله وشهد شافته وتذكرت الي صار وطنشت وسألت نواف وجلسته بحضنها: ها ماتتعب من اللعب ولا الحركه
عبدالله ابتسم وراح خطف نواف من حضن شهد وشهد كشرت وهو ابتسم: هلا بالبطل كيفك اليوم وصار يبوسه ويستنشق عطره: ياحبي لك
طلعت شوق وهي تطالعه: والله لو انه ولدك مابوسته كذا
شهد طالعتها بنص عين: وش قصدك
عبدالله تضايق: من قال انه مو ولدي والله ان غلاوته بتكون اغلى من ولدي
شوق جلست وحطت رجل على رجل: نشوف لما تجيبون طفل انت وشهد بيكون حبكم لنواف نفس حبكم للطفل الي بيجي
شهد عصبت: نعم شوق وش تبين توصلين له أحذرك من الحين ومليون مره قلتها نواف محد يتكلم عنه والأمر منتهين منه وهو ولدي والي بيقول غير هالكلام حقطع لسانه
شوق خافت: وانا وش قلت
دخلت ام خالد: اصواتكم واصله لم المطبخ شفيكم
شهد اكتفت بأنها تقوم وتدخل غرفتها وشوق حست بتأنيب ضمير: ولاشي خاله
ام خالد بضيق على حال شهد: ليه دخلت شهد خليناها تطلع بالقوه
شوق سكتت بضيق وعبدالله تنهد: ولاشي ارجعي للمطبخ شوي وتجمعت العيله كلها وواضح الضيق بوجهه شوق
مشعل بحب: وشبه القمر حقي زعلان
شوق: ولاشي
هديل الي كانت جنبها: لا جد شوقتي شفيك من اول وجهك مو عاجبني
شوق: زعلت شهد وقالتلهم الي صار
هديل بزعل: اشبك ياشوق انتي تدرين وش نواف بنسبه لشهد ومليون مره قد حذرت الناس تجين انتي تقولين هالكلام
شوق: ماتوقعت بتزعل
دخلت ام عبدالله وهي متضايقه: يالله ع الغذا كلهم قامو ع سفره الاكل
ام خالد بضيق: وينها شهد
ليلى بحقد: عساها ماجت وش تبين بها
ام خالد بحده: احترمي نفسك ياليلى، ليلى قمطت وسكتت
ام عبدالله: والله مادري وشبها هالبنت لما جيت اقولها تطلع كان وجهها مصفر ومتضايقه وقالت مافيني شي والحين معصبه ومارضت تجي تاكل
عبدالله: محد قادر عليها الا تالا
ام خالد: حرام توهم عرسان كل يوم والثاني نقول لهم يجو
لويا: انا بقوم لها ونشوف ياانا ياهي
شوق بضحكه: انتبهي على راسك
لويا ناظرتها بنص عين: صح انها عصبيه بس مو تقتل كائن لطيف زيي
هديل بصدمه: انتي لطيفه لا هذي قويه
لويا مشت وهي مطنشتهم ودخلت غرفه شهد تلقتها منسدحه وتطالع السقف: هلا بالزين
شهد طالعتها: إذا جايه تقنعيني عشان اكل من الحين اطلعي
لويا: افا ليه معصبه
شهد: مالك دخل
لويا: ياليل مايمدي اقول كلمتين على بعض الا وانتي راده
شهد: طيب اطلعي
لويا: وإذا ماطلعت
شهد: ماعندي مشكله استغني عن اي شي بالغرفه واكسر به راسك
لويا هربت ورجعت لسفره الاكل وشوق مسكتها طقطقه: شفتي قلنالك لا تروحين انتي وسماجتك
لويا رفعت حاجب: سماجتي الناس يحبوني فيها شكلك ماتدرين
هديل قامت بهدوء: بروح اجيبها
شوق: وفقك الله واعانك
هديل ضحكت ومشت لغرفه شهد ودخلت بابتسامه: ممكن ادخل
شهد: أساسًا دخلتي
هديل ضحكت وراحت جلست جنبها وهي تتأملها: ايش مضايقة
شهد: ولاشي مين قال اني متضايقه
هديل تنهدت: بسبب عبدالله؟
شهد عدلت جلستها: شدخله
هديل: ادري انك ماتبينه واخترتيه لسببين الأول أنه ماتبين تنفضحي والثاني بسبب كلام نواف
شهد: طيب
هديل مسكت يدينها: بس ابي اقولك عبدالله تراه يحبك وممكن فالحياه هذي كلها محد بيحبك قده حتى نواف ماكان راح يحبك نفس حب عبدالله عبدالله مستعد يخسر العالم كله عشانك وعشان سعادتك لا تخسرينه بغبائك ولا توقفين حياتك
شهد سحبت يدينها بملل: كل ماشفت وحده منكم قلتو عبدالله يحبك ياعالم عبدالله مايحبني بس يحس بالشفقه والحين تأنيب ضمير ليه مصرين انه يحبني مايحبنيي
هديل: طيب طيب بكيفك وحتى لو مايحبك تقدرين تخلينه يحبك ترا مافي مثله!
شهد: أجل تزوجيه انتي
هديل كشرت: خيرر
شهد ضحكت: مو انتي قاعده تمدحيه خذيه
هديل: لا انا فارس احلامي ابيه غيرر
شهد بحماس: حكيني عن مواصفاته
هديل بتفكير: أمم اولا ابيه طبيب جراحه وابغاه مايكون مخفه الرايح والجاي ضحكت: عاد الباقي اكتشفه إذا لقيته
شهد: الله الله وش هذا
هديل: المهم تراني جوعانه ومااكلت شي ومبااكل الين تنزلين وإذا رفضتي ماعاد بسولف لك
شهد: مالي نفس والله صحيت وانا مالي خلق لشي
هديل: واختي زادتها
شهد ابتسمت: تقدري تقولي
هديل: اقول انزلي ولا ماعاد بحكي لك عن فارس احلامي ولو لقيته ماقول لك عنه
شهد رفعت حاجب وقامت: غصب عنك تقولين وطلعو مع بعض ولويا بوزت: لا غش يعني تطلعي عشانها وانا تطرديني
شهد جلست ع أقرب كنبه: عاد هديل وتالا لهم طرق خاصه بترويقي اما انتي وشوق الدفاشه بعروقكم لا وبعد سامجينن
شوق بصدمه: خيرر انا ايش دخلني مانطقت
شهد: انتي تفوزين عليها بالسماجه
هديل جلست تكمل أكلها بهدوء: وانتي الصادقه يتعاون هذول
شهد وهي تدور بعيونها: وينها هاجر ليكون رجعت بيت اخوها
شوق: لا بس أمس شفتها راجعه من برا وهي تعبانه ودخلت الغرفه حقتها وقفلت على نفسها وماعاد طلعت
شهد قامت: بروح اشوفها
ام عبدالله: وتعالو كلو
شهد مشت لغرفه هاجر وحاولت تفتح الباب مافتح جلست تدق لين تعبت ورجعت للصاله: شكلها طلعت
ام عبدالله بحنيه: طيب تعالي كلي
شهد: لاوالله مابي اكل مااحس أن لي نفس
ام عبدالله: عشان خاطري
شهد: والله انو خاطرك عزيز بس مابي اغصب نفسي
ام عبدالله تنهدت: براحتك
شهد جلست ع الكنبه وهي تطالع بعبدالله الي ياكل بهدوء: أمس قايل لي احبك وهو تعبان والكل يقول انه يحبني لايكون جد يحبني لالا ماظن دايم نتخاصم على ايش بيحبني افف ياربي قلبت عيونها وهي تطقطق ع الجوال
عبدالله كان ملاحظ انها تناظره وسرحانه استغرب وماحب يناظرها
عند تالا
صحت من كابوس جلست وهي تتنفس قعدت تقرأ المعوذات وانسدت وهي تفكر بالحلم حست باليدين تحاوط خصرها ناظرت خالد وابتسمت سحبها لحضنه: شفيك حبي
تالا تنهدت وهي تحضنه: مدري حلمت حلم يخوف
خالد: وش كان
تالا بخوف: حلمت اني حامل وانو في حرمه جت دخلت يدها ببطني وسحبت الطفل بيدها وقتلته وبعدها طلقت عليك مسدس
خالد خاف بس مابين: تعوذي من الابليس ياقلبي شكلك ماقرأتي اذكارك قبل لا تنامي
تالا تنهدت: يمكن
خالد بأس رأسها: لا تخافين ولا تفكرين بالحمل لأن خلاص شلت الفكره من راسي
تالا: بس
خالد: لا بس ولا شي بتنامين ولا نقوم
تالا: نقوم
خالد جلس وبابتسامه: اليوم كله لك وين ماتبين نروح قولي وبنروح
تالا بفرحه: جد
خالد: اي جد
تالا حضنته: شكرا
خالد: يالله قومي لااكنسل
تالا نطت بسرعه وتجهزت وخالد تجهز وجا عندها: ها جاهزه
تالا بابتسامه: جاهزه
خالد: يلا اول شي بنروح نتغدا بعدها نبدأ نشوف وين تبي تروحي
تالا هزت رأسها ب طيب وشبكت يدها بيده وطلعو السياره ودخلو مطعم واكلو وخلصو وتكلم خالد: ها وين تبين نروح
تالا بحماس: الملاهي
خالد ضحك ضحكه طويله: متزوجه وهذا كبرك وتبين ملاهي
تالا بوزت: اي شدخلك انا بقول وين ابي وانت تنفذ
خالد بحب: من عيوني كم تالا عندي انا
تالا بحيا: يلا نقوم
وقامو الملاهي وصارو يلعبو وكانت تالا مبسوطه كثير وخالد يتأمل الفرحه الباينه بعيونها: ها خلصتي نطلع لمكان ثاني
تالا: اول شي خذ لي غزل بنات وندخل بيت الرعب ونمشي
خالد راح اشترا لها غزل بنات وعطاها ودخلو بيت الرعب وتالا كانت مسويه قويه وكان باقي شوي ع الطلعه والمكان صار ظلمه وتالا رغم خوفها بس قاومت وطلع لها شي مخيف صرخت ونطت بحضن خالد وهي شوي وتبكي وهو يضحك وطلعها وكانت متمسكه بحضنه وهما برا وهو يضحك: ترا طلعنا
تالا بعدت وجهها عن حضنه وبوزت: لا تضحك علي
خالد اخذ لها اسكريم: كلي كلي بردي
تالا ضلت متمسكه بيده وتاكل وهم يمشون جتهم بنت: هايي خالد
خالد باستغراب: هلا اختي
تالا بغيره: مين ذي
البنت: هذي انا كنت ادرس معاك ماتتذكر
خالد: لاوالله ماذكر أن في بنت كانت تمشي معاي اصلا
البنت وهي تطالع تالا الي ماسكه يد خالد: هذي مين بعد لا يكون بعد من الي كانو يتلصقو فيك
خالد عصب: احترمي نفسك هذي زوجتي تالا كانت معصبه بس ساكته وشوي تقوم عالبنت
البنت بزعل: افا ياخالد تغيرت وصرت تصرخ علي وانت الي كنت تحبني وتخاف علي من كل شي وينه هالخالد
خالد بصدمه: تراك غلطانه ماعمري حبيت اصلا ولا تكلمت مع بنت غير الي من العيله
تالا بغيره ماقدرت تكتمها فكت خالد: حتى لو كان يحبك كان فعل ماضي خلاص الماضي راح وهو الحين متزوج ابعدي عن طريقنا
البنت: انتي مالك دخل
تالا العصبيه عندها صارت فل والتكريم كان بيدها حطته كله بوجهه البنت ومسكت يد خالد وهي تجاه وخالد مصدوم وقفت جنب السياره بعصبيه وفتح لها وركبو جا بيتكلم: حبيبتي
تالا بعصبيه: رجعني البيت
خالد بضيق: يابنت الناس
تالا: البيت ياخالد
وفعلا رجعو بيتهم ودخلت قبله ودخلت الغرفه وقفلت الباب وجلست فيها لوقت طويل وهو يحاول يخليها تطلع بس لا حياه لمن تنادي
فالمزرعه
شهد كانت حاطه رأسها ع رجول شوق وشعرها متناثر وتدندن وشوق تسولف مع هديل ولويا
لويا: اي والله خاينه مقفله جوالها على أساس اليوم بنروح نجيب تكمله الاغراض
شوق: زي ماقالت خالتي توهم متزوجين خل ياخذون راحتهم شوي شفيك
هديل ضحكت: صح ويمكن نست ياخي خليها
شوق وهي تشد شعر شهد: سمعت صوت عبدالله قومي شهد مطنشه ومكمله تغني
شوق: ياليل بعدها لما يدخل تصرخ ليه ماقلتولي
هديل وهي تضحك: خليها اشوفه الشرعيه عادي
لويا: عساس ماقد شافها
هديل: انتي انطمي
لويا: تزعلون من الحقيقه يعني
شوق: اي حقيقه
لويا: انه شافها مليون مره بكل أوضاعها
هديل: لا تسمعك شهد ماحد يفكها منك
لويا بوزت: قلتلكم تزعلو من الحقيقه
شوق رمت الخداديه الي جنبها ع لويا: انطمي جعلك بالي منيب قايله وش ذا بالعه راديو
لويا وهي ترجع ترمي الخداديه: ياقليلة الأدب ترمين علي اناا
شوق رجعت ومن عليها الخداديه: اي نعم
شهد جلست بنرفزه: يوه انتو محد يروق عندكم شذا مزعجين
شوق: تغطي تغطي عبدالله بيدخل سمعت صوته
شهد أخذت حجابها وتحجبت بهدوء
لويا رمت الخداديه بكل قوتها وللأسف ولحظها السيئ صفقت بوجهه علي شهقتت: والله بالغلط
علي رفع حاجب: عدمتي شعري وتقولين بالغلط
لويا باحراج: والله كنت ابي اضربها بشوق وانت طلعت فجاه
علي جلس وحط الخداديه جنبه وكالعاده مسك جواله يطقطق فيه ولويا بوزت: انا وراك ياشوق والله لااخذ حقي
شوق مدت لها لسانها: كانك رجال تعالي
لويا: لا انا انثى رقيقه وناعمه لوسمحتي لا تشبهيني بالرجال
هديل بمداخله: علمي ان الأنثى الرقيق النعمه ماترد الضرب بالضرب انما تقعد تبكي لأنها ناعمه
لويا: لا انا من نوع مختلف
شوق: اي سبحان الله الرقه والنعومه طالعين من عينكم
هديل ضحكت: شكلهم بينتحرو دخل عبدالله وجلس على أقرب كنبه بتعب
شوق بترحيب: ياهلا والله حي الله دكتورنا كثر الله خيرك عامل ايه
عبدالله طالعها: كم لهجه تكلمتي بها
شوق: متعدده اللهجات يسموني
عبدالله: سبحان الله
شوق بابتسامه: شكل اليوم الشغل اتعبك
عبدالله: اي والله وميت جوع
شوق: وليه مارحت تاكل
عبدالله: امي تقول ناكل كلنا مع بعض مابقى شي
شوق: مسكين حزنتني
عبدالله ضحك: جد والله حزنتك أجل قومي جيبي لي مويه أو سويلي قهوه حدي مصدع
شوق قامت: تأمر أمر تؤبر ئلبي
عبدالله لف ع هديل: اختك انهبلت ولا بعقلها شي
هديل وهي تضحك: نزل عليها الوحي شعرفني فيها ولف جهه شهد لقاها مندمجه مع الي تسمعه وتغني بصوت أقرب للواطي: وهذي شفيها بعد
لويا: لها ساعه على هالحال
عبدالله ابتسم على شكلها الهادي: ماتدري انو مو زين هالحاله وتقولين ساعه مافيكم وحده صاحيه كامله بعقلها تنصحها
لويا باستهبال: احنا نشجع ماننصح
عبدالله قام وراح عند شهد وسحب السماعات منها ناظرته: شفيه؟
عبدالله بهدوء: مو زين تجلسين وقت طويل تسمعين اغاني بعدين وش مستفيده غير الذنوب
شهد سكتت ومشيتها وهو رجع جلس مكانه شوي دخلت شوق وبيدها صينيه فيها قهوه وتشوكلت ومويه حطتها قدام عبدالله: التشوكلت جبته من عندي عشان ماتجلس جوعان
عبدالله بابتسامه: شكرا
شهد رفعت حاجب وش قاعده تشوف قدامها سكتت شوي وهي تسمع سوالفهم بعدها تكلمت: وش هالاحترام الي نازل عليك شوق
شوق: ابد والله رايقه قلت اروق الي مو مروق عاد هالمسكين تعبان وجوعان ومساعدته وين المشكله
شهد: سبحان الله كل ذا بدون سبب
شوق: يوه لا تكبرينها وهي صغيره
شهد قلبت عيونها: اوكي قامت وهي تسمع صوت نواف الي كان نايم راحت أخذته ورجعت حطته ع الارض ياخذ راحته وسوت له حليب ورجعت تعطيه رضاعته وهي تفكر: انا ليه تنرفزت من الي صار الوضع كان طبيعي هفف عادي وي انا مااحب احد يتعدى ع خصوصيات وخلاص عبدالله صار منها ويعني ضاقت الدنيا ليه ماطلب من أمه والا من العاملات الا ويطلب من شوق يعني حتى انا كنت جالسه ليس هو معتبرني طوفه والا اله يتحكم فيها لو طلب مني ماكان رفضت اصلا انا ليه افكر بالموضوع بطقاق تنهدت وشافت نواف رجع نام زعلت: خير انت تنام كل شوي وتخليني اجلس معاي ترا طفشانه
هديل وهي حاسه ان شهد فيها شي: وديه سريره وتعالي جنبي نسولف
شهد قامت: لا بروح انام
شوق: مابتاكلي
شهد تنهدت: لا كلو انتو انا مالي نفس
هديل: يابنتي ارحمي نفسك آخر شي اكلته امس ماطب ببطنك شي
شهد: قلتلكم مالي نفس أن صار لي نفس اكلت ودخلت غرفتها
هديل بضيق: ياليت لو اعرف وش الي مكدر خاطرها من الصبح
لويا: هرمونات هرمونات
هديل: انطمي انتي
لويا: يهوو انا اقول الصدق وانتو ماتبونه لا وبعد تسألو بتجاوبكم الطوفه يعني
دخلت ام عبدالله: الاكل جاهز يلا
هديل: خاله شهد تقول ماتبي تاكل
ام عبدالله: وليهه ليكون مسويه ريخيم مدري وش اسمه ذا الي ينحف
هديل ضحكت: رجيم ياخاله
ام عبدالله: الي هو
لويا: لا ياخاله تتدلع
ام عبدالله: والله عيالي ماتعبوني قد ماتعبتني هالبنت
شوق ضحكت: عادي خاله زوجه ولدك عاد لازم تتحمليها
ام عبدالله تنهدت: من قبل تكون زوجه ولدي وهي بنتي
شهد كانت طالعه وسمعت كلامها وابتسمت: احلى ام
ام عبدالله لفت لها بزعل: كذا تسوين بامك يعني تخلينه تقلق عليك
شهد راحت باست خدها: خلاص باكل لعيونك
ام عبدالله: بالله شوفي شكلك شكل وحده بتملك بعد كم يوم لاحول ولا قوة الا بالله
مشعل دخل وقاطع حديثهم: شوق
شوق ناظرته: نعم
مشعل: تعالي معاي
شوي باستغراب: طيب وقامت
مشعل: خاله ممكن شوي من وقتك
ام عبدالله: طيب انتو روحو غرفه الاكل وحنا بنلحقكم شهد جت تسحب نفسها بس مشعل وقفها: وانتي بعد امشي
شهد تافافت: وش تبي
مشعل بتوتر: ياخاله شوفي انا ماعندي احد الا شهد وهالبزر ماتنفع لشي عشان كذا جيتك انتي بعد
شهد شهقت: مين الي ماينفع لشي ياوصخ
ام عبدالله: خليه يكمل طيب
شهد هزت رأسها بطيب ومشعل كمل: انا رسل لي نواف وقال لي لو تحب اختي أملك عليها خلال هاليومين والا ماعد بتشوفها وقال مابي شغل اللعب واللف والدوران أملك عليها عشان تقدر تشوفها
شوق شهقت: ليه يقول كذا
ام عبدالله: طيب وين المشكله دامك تحبها وهي تحبك املكو والزواج خلوه وقت ماتبون
مشعل: بس مايمدي وانا مستحيل اخلي شوق أقل من غيرها
شوق انحرجت: عادي
شهد بهدوء: سوو ملكتكم مع ملكتنا انا وعبدالله كذا تفرح خالتي وانتو تفرحو
مشعل: جد عادي؟
ام عبدالله اعجبتها الفكره وبفرح: اكيدد ماعليكم خلو كل شي علينا انتو تجهزو وماعليكم
شهد ابتسمت وهي تحضن شوق: مبروك قبل الزحمه
شوق ضحكت بحيا: الله يبارك فيك
شهد راحت عطت مشعل بوكس ببطنه: مبروك يابطل
مشعل وهو يمسك بطنه بألم: متى تبطلي هالحركات
شهد حضنته: إذا تزوجتو
مشعل ابتسم: والله وكبرنا وبنتزوج
شهد ضحكت: بكب فضايحك عند شوق من الحين
مشعل بحب: فدا
شهد: الا يامشعل مادريت وين حسين ماهو مبين
مشعل: الا قال إنه سافر لشغل ضروري والمفروض يرجع اليوم
شهد: الله يستر قلبي مو مرتاح
ام عبدالله: تفائلي بالخير ويلا مشينا نأكل ونقول للبقيه عشان ماينصدمو بعدين مشو لغرفه الاكل وجلسو بالسفره وبعد هدوء تكلمت ام عبدالله: الكل يسمعني كل الأنظار توجهة لها
هديل وهي تشرب العصير: ياخاله كل ماتكلمتي تقولين لنا خبر حلو وش هالمره
ام عبدالله بابتسامه: مشعل خطب شوق وبإذن الله ملكتهم يوم الخميس مع عبدالله وشهد
هديل شرقت بالعصير وصارت تكح لويا الي كانت جنبها انخرشت صفقتها ع ظهرها: تنفسي لا تموتي
هديل أخذت نفس ورجعت تناظر ام عبدالله: جد تتكلمي
ام عبدالله: ايوا مشعل كلم اخوك واخوك موافق وكلمني انا وشهد وشوق
هديل بابتسامه: الله يتمم لهم على خير مبروك ياقلبي
شوق بابتسامه: الله يبارك فيك عقبالك
هديل رفعت حاجب: يصير خير
شهد وهي تضحك: مابقى الا يومين
لويا بزعل: انا ماحسبت حساب ملكه كبيره أخذت فستاني أقل من عادي لانكم قلتو الملكه عائليه ومحد بيجي من برا
شهد حطت يدها ع خدها وهي تاكل من البطاطس: والله ياحبيبتي السوق قريب انزلي خذي لك شي مناسب
لويا: وليه انتي ماتبين ولا بتجلسي بفستانك
شهد بتفكير: كثر الله خير شوق جايبه لي فستان يهبل بلبسه
شوق بفرح: جد بتلبسيه
شهد: اي وبزفك لزوجك الخبل
شوق استحت من الطاري وهديل ضحكت عليها: والله معرفتها اختي حياويه
شهد ضحكت: يحلوها
هديل: ودي اشوفك زيها تستحين لما ينذكر زواجك
شهد ناظرتها: انطمي
هديل ضحكت: ابشري
لويا: بكرا من الصباح بسحبكم للسوق
شوق رفعت رأسها باستغراب: ليش
لويا: باخذ لي فستان جديد واكسسوارات وكتب وأشياء جديده
شهد باستهزاء: وحنا شدخلنا تسحبينا
لويا: لانكم ماقلتو من بدري
شهد: ماني جايه
شوق: انا بجي عشان اخذ فستان ثاني فستاني ماينفع لملكتي
لويا ناظرت هديل الي تاكل بهدوء خزتها وهديل حاسه بنظراتها: ماني رايحه شوفي رجلي ويدي للان تعبانين صح عبدالله ولازم ارتاح
عبدالله فاق من سرحانه: صح لازم ترتاح ويكفي بيوم الزواج بتنكرف هالمسكينه تكرفينها بالسوق بعد
لويا بوزت: وش يعني نروح لوحدنا حنا البزران
شوق: انا مو بزر!
لويا وهي تسلكلها: اوكي منتي بزر
ام خالد بتفكير: انا ابي كم حاجه من السوق بجي معاكم
لويا ارتاحت: تمام
ام خالد توجهه كلامها لولدها: علي انت الي بتودينا وترجعنا
علي: ياكثر السواقين ليه بذات انا
ام خالد: والله عاد كيفي ابيك تودينا عندك مانع
علي: لا عادي
ام خالد: اتجهزو من بدري يابنات عشان يمديني أمر ع الأماكن الي اباها
لويا: حااضر
ام عبدالله: ونامو بدري خلو عنكم السهر
شهد كتمت ضحكتها وشوق بوزت: ليه تخلون العذال يتشمتو
ام عبدالله: منهم
شوق: شوفي شهد
شهد ببرائه: وش سويت قاعده اكل ماتبيني اكل يعني عبدالله كتم ضحكته لأنه شافها
شوق: كذابه
ام عبدالله: خلاص اسكتو كلو
اكلو بهدوء وكل واحد توجهه لغرفته وشهد راحت غرفه هاجر وحاولت تفتح الباب بس مافتح رجعت غرفتها بيأس والكل نام
يوم جديد
عند تالا
صحت بعد ليله مليانه دموع تنهدت وهي حاسه عظامها توجعها من نومتها والبكاء قامت وحسن بدوخه رجعت جلست وهي تأخذ نفس راحت فتحت الباب ولقت خالد نايم ع الكنبه طنشت ومشت للمطبخ وأخذت كأس وشربت مويه وهي راجعه الغرفه داهمتها الدوخه مره ثانيه تمسكت بالباب وهي تتافاف جاها خالد: انتي بخير
تالا: ايه
خالد: بس اشوف غير كذا
تالا تركته ودخلت الغرفه وانسدحت ع السرير جا لها خالد: حبيبتي
تالا: همم
خالد: حبيبتي
تالا فتحت عيونها: نعم
خالد: حبيبتي
تالا بتعب: هااا
خالد: زعلانه
تالا: لا
خالد: والله مااعرفها ولا قد شفتها
تالا: طيب
خالد: فيك شي بس ماتبين تقولين
تالا: لا بس عشاني نمت غلط جسمي يوجعني
خالد: متأكده
تالا: ايه
خالد: طيب قومي تروشي
تالا: لا ابي انام
خالد: تبين تحرمني منك زياده مايكفي نومتيني بعيد عنك
تالا: تستاهل عشان المره الجايه ماتوقف مع بنت
خالد: بس مو لهدرجه
تالا: الا تراني اغااارر حرام عليك
خالد بابتسامه: وياحلوها الي تغار تجمعت الدموع بعيونها: لالا الا دموعك ماقدر عليها
تالا دفنت رأسها بحضنه: حيوان
خالد ضحك: ليهه
تالا: لاني احبك
خالد وهو ينسدح وهي بحضنه: لو تحبيني ماطردتيني
تالا وهي تمسح دموعها: احسن
خالد: الحين من جدك بتنامي
تالا وهي تغمض عيونها: ايه
خالد: يلا نامي
نروح المزرعه
صحت لويا وتجهزت وراحت صحت شوق بالقوه ونزلو الصاله ولقو علي جالس وتكلمت شوق: خالتي وين
علي رفع عيونه: بالمطبخ
شوق راحت للمطبخ ولويا جلست ع جوالها علي ترك جواله وقعد يطالع فيها طالعت فيه: خير شايف شي بوجهي
علي: يب
لويا: وش!
علي: والله مو ذنبي القمر يجلس قدامي ومااطالع
لويا عدلت جلستها وطنشت كلامه وجلست تطقطق بالجوال وتدعي يجون ام خالد وشوق دخلو مع بعض وبيدهم ساندويتشات
خالد وهو يطالع أمه: يمه ماكان له داعي كنت أخذت لكم من برا مع قهوه
ام خالد: معليه يمه ذا ناكله الحين وبعدين حنا مطولين برا يعني تقدر تأخذ لنا الي تبيه بعدين
لويا أخذت الساندويتش واكلته بهدوء وكلهم خلصو وطلعو للسياره علي وعلي تضايق من لويا إلى مو حاطه الحجاب عدل: عدلو حجابتكم
شوق بدون رد عدلته وهي مستغربه لانو حجابها زين بس استوعبت انه يقصد لويا كتمت ضحكتها ولويا تنرفزت: انا ابيه كذا
خالد ارخى ظهره: انا مابمشي الين تعدلينه
ام خالد: يابنتي هو صادق عدلي حجابك اصلا غلط تمشين كذا بالشارع
لويا مدت بوزها وعدلت حجابها وهي اتحلطم وهو حرك السياره ومبتسم وهذا الي قهرها أكثر وصلو المول الي يبونه ونزلو وعلي وراهم دخلو محل ولويا تدور ع فستان يعجبها ماعجبها شي وماكان في شي مناسب ل شوق وكل ماختارت شي يطلع أكبر منها أو ضيق دخلو محل ثاني وعلي جلس برا يستناهم واخيرا حصلو الي يبونه بعد عناء طويل وطلعو لمحل حق ام خالد ولويا رفضت تنزل وجلست بالسياره عبالها علي بينزل لأنه غثها بالسوق ينتقد كل شي غمضت عيونها وهي تأخذ نفس طويل وتزفره
علي: سلامتك
لويا فزت: بسم الله انت مانزلت
علي: وليه انزل
لويا: وليه ماتنزل
علي: تخيلي احد يجي يسرق سيارتي ولا يكسرها!
لويا: وليه طوفه انا مايشوفني
علي: انتي بتكونين السبب بأنه يكسرها
لويا: نعم خير
علي: اي شوفي بنت لوحدها بالسياره مين بيخليها
لويا: هفف خلاص اسكت صدعتني
علي: وان ماسكتت يعني
لويا: بهفك بالشنطه
علي: يلا جربي تهفيني
لويا طنشته وصارت تطالع بالشارع وتتأمل عقدت حواجبها وهي تشوف وحده تشبه ل هاجر ومعها واحد مو باين شي من وجهه وصارت تكلم نفسها: ذي هاجر ولا يتهيألي الا والله هي هذي عيونها بس مين ذا الي معاها وليه لابس كل ذا
علي: انهبلتي تسولفي مع نفسك
لويا: لا بس شفت وحده تشبه هاجر وعبالي هي بس معاها واحد
علي بلا مبالاه: عادي يمكن هي والي معاها اخوها تحبين تسوين دراما
لويا بتفكير: اي والله انا ماقد شفت هيئة اخوها يمكن هو طيب بنزل اكلمها
علي قفل البيبان: يابنت الحلال تبين تفجعين البنت خليها
لويا خافت: هيه انت ليه سكرت البيبان
علي: اخاف تهربين
لويا: وين اهرب يعني
علي: مااثق فيك
لويا: ولا انا اثق فيك اجلس لوحدي معك!
علي: ليه وش بسوي فيك
لويا: كل شي جايز عاد ماثق فيك
علي: وش يعني باكلك ترانا فمكان عام وامي شوي وتجي يعني مافيك عقل ولا ماتفكرين
لويا: شدخلك كيفي مااثق فيك
علي كان بيرد بس دق جواله سكت ورد الجوال: الو.. هلا.... أي.... لالا انا برا الحين.... وش يعني ضروري... اوف وانتي ايش دخلك مع مين... لا مو الحين... يمكن بعد ساعه.... طيب طيب يلا باي انا بتصل عليك بعدين وقفل لويا بوزت وهي تفكر بالمكالمه وتهز رجلها بتوتر تبغى تسأل وخايفه من الرد سمعته رجع يتكلم بالجوال: هلا يمه متى طالعين طيب طيب استعجلو عندي مشوار لويا ميلت فمها وهي تتكلم بصوت واطي: لهدرجه مهمه عنده يستعجل أمه عشانها اف وانا شدخلني بالطقاق يطقهم شوي وجت ام خالد وشوق وحرك السياره أسرع مايمكن ام خالد حطت يدها ع قلبها: يمه شفيك هدي السرعه والله لو انك بتروح تلحق اختبار ماكان سقت كذا
علي: يمه قلتلك عندي مشوار ضروري
لويا: هوا رايح يلحقها قلك مشوار ضروري يع
علي سمعها اكتفى بابتسامه: مشوار أهم من حياتي يمه
وصلو ولويا اول وحده نزلت وهي حدها واصله ودخلت غرفتها وهي تاكل بنفسها: اكيد حبيبته ولا ليه مستعجل كل هالقد دخلت شوق: ياكلبه مخليه اغراضك بالسياره مين شغال عندك
لويا بطفش: يوه خلاص جبتيهم وش تبين
شوق: انقلعي انتي واغراضك وراحت غرفتها تأخذ لها غفوه
بعد مرور وقت صحت شهد وشافت البيت كله هادئ جلست بالكرسي تستنى اي احد يقوم شافت عبدالله داخل الصاله قامت بسرعه بتطلع بس وقفها صوته: إذا بكل مره تشوفيني بتهربين كيف تبين تعيشين معاي
شهد غمضت عيونها وهي تضغط يدينها ببعض أخذت نفس وزفرته ورجعت جلست بمكانها وهو جا جلس جنبها: اي كيف التجهيزات
شهد بهدوء: تمام
عبدالله حط يده ع خده وهو يناظرها: بتلبسين الفستان الأبيض ذاك
شهد ناظرته ووخرت عيونها: لا بعدين انت كنت تعبان كيف تتذكر
عبدالله: انتي قلتيها كنت تعبان مو ميت ولا فاقد للذاكره
شهد ميلت فمها: زين
عبدالله: بس تراه حلو
شهد بنرفزه: وش تبي توصل له يعني
عبدالله: ابد كنت مستغرب اصلا انك للان ماتهاوشتي قلت اخليك تطلعين الطاقه الايجابيه
شهد: شكرا مايحتاج
عبدالله ابتسم: عفوا دايم بالخدمه
شهد قعدت تدعي اي احد غيره يطلع وفعلا طلعت هديل ابتسمت بسعاده: اهلينن
عبدالله بصدمه: لهدرجه ماتبين تجلسي معاي
شهد حطت عينها بعينه: وأكثر
عبدالله ابتسم: حاضرك ومستقبلك يعني لازم تتقبليني
شهد عصبت وقامت للمطبخ تطلع حرتها ب اي شي وجتها هديل وهي تضحك: ريلاكس
شهد: مستفز مستفزز ماتشوفيننهه مقدرر اتحمله
هديل وهي تجلس ع الكرسي: لازم تتحمليه والا كيف بتعيشي معاه
شهد بعصبيه: لا تقولين نفس كلامه
هديل ضحكت: طيب هذا الصدق لو ماصدقتي كيف حتتعايشي مع الموضوع
شهد: خلينا نملك بعدها اتعايش ع قولتك
هديل: تبين مره ثانيه اعيد الكلام
شهد: لا حفظته حبيبتي مره انتي مره تالا شفيكم خلاص حفظتها عبدالله مافي مثله ويحبني لا اضيعه لاني راح اندم
هديل ماتت ضحك: زين حفظتيه عشان بعدين تقولين اننا قلنا لك وانتي ماسمعتي
شهد طنشتها وطلعت حرتها بالاكل وصارت تطبخ اي شي يطلع ببالها وبعد مرور وقت دخلت ام خالد وهي مصدومه من الريحه والاكلل الكثير: لايكون عندنا عزيمه
هديل وهي تاكل من المكسرات: شكيت بالموضوع ماشاءالله شهد هبدت كل شي ببالها
ام خالد بصدمه: كل ذا لوحدها
هديل: وبدون مساعده
أم خالد وهي تذكر الله: بسم الله ماشاءالله الله لا يضرك يابنتي والله لو ان عندنا عزيمه ماسوينا كل هالاكل
شهد: عادي كل واحد ياكل الي يبغاه والباقي وزعوه أو أي شي
ام خالد وهي تضحك: الله يسعدك يابنتي والله كنت شايله هم الطبخ
شهد ابتسمت: وانا كأني حاسه بك
دخلت ام عبدالله: يازهره قلتلك انا ب... سكتت وهي منبهره وهي تشوف الاكل وشهد واقفه: اوهه
ام خالد: شهد طابخه
ام عبدالله: كل هذا لمين!
شهد: مدري
ام خالد: لا وتخيلي انها لوحدها بدون مساعده
ام عبدالله: وهذا اللوح الي جالس هنا
هديل بصدمه: انا لوح ياخالتي
ام عبدالله: حشاك ياروحي بس من الصدمه
هديل: ابد والله كانت معصبه من ولدك ومني وطبخت كل شي جا ببالها اليوم يوم سعدنا كل أصناف الاكل اللذيذه موجوده
ام عبدالله براحه وفرح: الله لا يضرك
شهد ابتسمت: صحي الكل ناكل ولا
ام عبدالله: ايوا كلهم بالصاله خلونا نجهز السفره ونناديهم
هديل قامت: يلا
ام عبدالله: اجلسي اجلسي الله يهديك انتي ورجلك المجبسه ذي تبين عبدالله يرجعك المستشفى شكلك
هديل ضحكت: مايدري ماعليك
ام عبدالله: انا بقوله
هديل: افا خالتي
ام خالد: يلا روحي الصاله بنناديكم حنا
هديل سمعت كلامهم ومشت للصاله وعينها طاحت تشوف لويا الي شوي وتذبح علي جلست جنبها: شدعوه كل هالعصبيه
لويا وهي تهز رجلها: اي عصبيه تتكلمي عنها
هديل: اوهه لالا واصله حدها
لويا: يختي اسكتي تحبين تسوين دراما
هديل: وش مسوي علي مخليك مفوره كذا
لويا: شدخله
هديل: عارفتكم ماحد يعصبكم الا الي تحبونهم
لويا: ومن قال اني احبه!! يخسي مابقى الا هو
هديل: دامك قلتي كذا انتي تعشقينه غيرك قالها كثيرر
لويا طنشتها وقامت للمطبخ وهديل صارت تضحك: صار ملجئهم المطبخ!
شوق جلست جنبها: انهبلتي
هديل وهي لسه تضحك: اضحك ع قصص العشق المجنونه الي اشوفها
شوق بحماس: مينن ومين
هديل بروقان: كثيرين وبعدين تعرفينه دحين امشي لسفره الاكل فيها كل مالذ وطاب
شوق: طالبين من برا
هديل: شهد طابخه كل مالذ وطاب ويمكن احلى من المطاعم المنظر لوحده يكفي يبنت
شوق بحماس: كل يوم شهد تصدمني بس هالمره صدمتي شكلها بتكون اكبر
جتهم ام خالد وقالت امشو ع الاكل ومشو كلهم وانصدمو من كميه الاكل
علي بانبهار: لايكون عازمين احد
ام عبدالله وهي أكثر وحده فرحانه وودها تقول لكل العالم: هذا كله شهد طبخته
لويا: مستحيلل!
هديل ضحكت: للأسف كنت قدامها لو تشوفو كيف كانت مندمجه وهي تطبخ
شوق بحسره: ليه تونا نعرف انها تعرف تطبخ كان استغليت كل ثانيه اخليها تطبخ طبخه جديده
شهد رفعت حاجب: وش شايفتني يابنت
شوق: اوهه انتي موجوده سوريي بس بعد كل ذا ماتوقع بيكون عندك مانع
شهد: لا انا انسانه عندها حياه اليوم صحيت مرا بدري وقلت امارس هوايتي المفضله
شوق: كمان هوايهه
شهد: بتاكلون ولا أخذه اوزعه على خلق الله برا
كلهم جلسو بحماس ينقو وياكلو ويتلذذو وأكثر واحد اكل بكل حب وهدوء ويتلذذ بكل لقمه وكان يحاول مايناظر ب شهد بكل لقمه
قامت شهد اول وحده من السفره وراحت أخذت نواف كالعاده وصارت تلعبه وتفكر ببكرا الي بتكون بذمه عبدالله: حبيبي نواف انت تحب عبدالله صح؟ بس انا عجزت اتقبله ليه كلهم يقولو نفس الكلام وانا مو قادره أصدق أو اتقبله تتوقع الغلط مني ولا منه
لو تدري بس انو انت الشي الوحيد الي مخليني اتقبل الدنيا ومتاعبها لو تدري قديش احبك وحضنته بكل قوتها لين بكي ورجعت تلعبه لكن مارضى يسكت حاولت وحاولت بس مافي فايده: لايكون فهمت كلامي وتأثرت ياولد
...: أو يمكن اشتاق لي
شهد لفت له: يمكن ليش لا خذ
عبدالله اخذ نواف: هلا بالحلو هلا بالزين كله وحطه بحضنه وصار يستنشق عطره كالعاده يشم ريحه شهد فيه ونواف سكت: يازينه المشتاق
شهد تكتفت: يتدلع كثير
عبدالله: يحق له دامي ابوه
شهد كانت بتعترض بس سكتت وهي تتذكر انه بكرا بيصير زوجها ولازم تتعود خلاص: اذا بكى وديه عند خالتي
عبدالله: وين رايحه
شهد كانت بتقول شدخلك بس ردت بادب: برتاح تعبت بالمطبخ
عبدالله: تمام نواف بيكون معاي اليوم كله
شهد: براحتك لو جاع عطيه الرضاعه حقته
عبدالله ابتسم: ابشري تبين شي
شهد: سلامتك ومشت لغرفتها وهي تحس بكتمه جلست بسريرها: كم دقيقه وحسيت كتمه شلون باقي العمر افف مقدر مقدر أخذت جوالها واتصلت ع تالا بس ماردت تنهدت وقامت توضت وصلت وجلست تقرأ قرآن لعل وعسى تهدى الأمواج إلى بداخلها
عند تالا صحت وهي لسه حاسه بتعب صحت خالد وهي تبكي: خالد انا تعبانه
خالد بخوف: ليه شفيك
تالا: مدري مدري اخاف اكون حامل ويصير زي الحلم
خالد ضحك: مو لهدرجه تحملي من ثالث يوم
تالا وهي تبكي: لا تضحك علي
خالد: تبين نروح المستشفى
تالا: ايه
خالد: يلا قومي البسي عباتك لبست عبايتها وطلعو للمستشفى وأخذو لها فحوصات وحطو لها مغذي وانتظر النتايج وخالد توتر من بكى تالا: يابنت الحلال حتى لو حامل ماراح يصير له شي بعدين من متى احد يقدر يدخل يدو ببطن انسان
تالا: اسكت اسكت لو ماتبي تواسيني
خالد تنهد: الحين انتي رافضه الحمل ولا خايفه من الحلم
تالا: خايفه من الحلم
خالد: يعني لو طلعتي حامل بتسقطينه
تالا شهقت: حرام اقتل روح بريئه
دخلت الممرض وفز خالد وتالا جلست: ها بشري
الممرضه: مافي حمل كله ارهاق نفسي وأثر عليك جسديا اهتمي بنفسك أكثر
تالا ارتاحت: شكرا ريحتيني
الممرضه بصدمه: والله ناس كثير قلتلهم هالخبر كلهم ينهارو ويبكو وانتي تقولي ريحتيني!!
تالا بضيق: اطلعي اطلعي
الممرضه: جد ناس رافسه النعمه وطلعت خالد انفجر ضحك وهو يقلدها: جد ناس رافسه النعمه
تالا ابتسمت: مدري شفيها نفست علي فجاه
خالد: يمكن انها تتمنى تحمل وهي مهي قادره ولما شافتك فهمت موقفك غلط
تالا: مايحق لها تتدخل
خالد: اي والله صادقه
تالا: يوهه نسيت شهد اكيد تستناني
خالد: ليه
تالا: مبلكتها بكرا وتقول ليه!
خالد: اوهه شكلي نسيت عاد انتي ماخليتي فيني عقل
تالا باسته بخده: اسفه حبيبي تعبتك معاي
خالد: ماكفتني هالبوسه بس بحاول اصبر نفسي فيها
تالا: طيب خلينا نطلع للمزرعه وبننام هناك ترا
خالد: اختاري من الحين غرفتي ولا غرفتك
تالا وهي تقوم تلبس عبايتها: الي تبين بس خلنا نوصل لا تقتلني شهد وركبو السياره وحركو للمزرعه وتالا انصدمت: يوهه كل هالزينه عشان ملكه شهد وعبدالله مو على اساس عائليه ومحد بيحضر
خالد وهو يركن السياره: يمكن في شي صار وحنا ماندري تعالي بس ودخلو جوا وهما يشوفو العمال شغالين تالا: واوو شافت ام خالد راحت لها وسلمت: وش السالفه يمه
ام خالد: ابد قالو ملكه مشعل على شوق مع عبدالله وشهد
تالا بصدمه: امااا من متى
أم خالد: من امس
تالا: وليه محد علمني
ام خالد: ماتردي
تالا: بروح اشوف البنات بعدها ابغى اكلل
ام خالد وهي تشوف يد تالا: بسم الله عليك شفيك يمه
تالا: كنا بالمستشفى
ام خالد: لايكون حامل
تالا: لا إرهاق بس
ام خالد: تمام روحي للبنات وبعدها المطبخ فيه أنواع الاكل اختاري الي تبين
تالا: طبختو حق بكرا ولا ايش
ام خالد: لاوالله شهد طبخت كثيرر ووزعنا شوي منها وخلينا شوي
تالا: شعندها شهوده
ام خالد: والله مدري هالبنت من امس ماهيب طبيعيه
تالا: شفيها
ام خالد قالت لها: هذا الي صاير
تالا: زين زين بروح لها ماعليك اليوم انا موجوده لا تحاتين شي
ام خالد: الله يرضى عليك
خالد: شكلي منسي
ام خالد: حشى كيف انساك وانت روحي
تالا ابتسمت: تراه غيورر يمه
خالد رفع حاجب: شوفو مين يتكلم عن الغيره
تالا: انا رايحه اشوفك بالمطبخ عشان ناكل
خالد ابتسم: طيب
تالا راحت بغرفه شهد ودخلت بدون استئذان: يااهلاا بالي واحشتني
شهد بزعل: انقلعي ناسيتني لك يومين وتقولي واحشتني
تالا ضحكت: مادريت اني مهمه لهدرجه
شهد: خلي عنك سمعتي الخبر
تالا بحماس: ايي واستانست لهم حيلل
شهد: زين وش رأيك نخطب لحسين
تالا: هاجر؟ فكره حلوه
شهد: تمام بعد مانخلص من ملكتي نخطب له
تالا: تم
شهد ابتسمت: يختي من فين الوحده تلقى صديقه مثلك
تالا وهي تنسدح ع السرير: وين الصديقه الي تخبي ع صديقتها
شهد: متى خبيت عنك
تالا: اي ماتبين تقولين لي وش مكدر خاطرك من يومين
شهد: يوه الملكه مكدره خاطري
تالا حطت يدها ع خدها: للحين مانفعت نصيحتي مايكفي انه يحبك
شهد: يوه حتى هديل مسويتلي سيناريو شكبره شعرضه
تالا: زين طيب وين المشكله
شهد: اني مو قادره اتقبله مهما سويت
تالا: عادي بعد الزواج تتقبلينه أهم شي ماتهربي
شهد: قمي قمي خليني انام
تالا ضحكت: تنامي ولا تستعدي نفسيا لبكرا
شهد تنهدت: كلها
تالا: زين بعتقك هالليله بس بكرا ياويلك مني
شهد ضحكت: تمام تمام اذلفي لزوجك
تالا: يوه على طاري زوجي صارت سالففههه
شهد بحماس: حكيني
تالا: مو توك تطرديني
شهد: بتقولين ولا
تالا: تمام تمام وقالت لها الي صار معاهم من يوم راحو للملاهي لين تو
شهد: والله انك غبيهه كان هبدتيه من بدت تتكلم
تالا: يختي قلت احترم نفسي شوي بس ماش ماتنعطي وجهه
شهد: عاد تحفه وانتي تبكين ورايحه المستشفى ومسويه سالفه وش يعني حامل عادي يختي احملي ترا الامومه مره حلوه واذا على الحلم لا تخافين دايم امي كانت تقول لي الأحلام المو حلوه تتبدل لحلوه ماتدرين يمكن هذي اشاره انك تقبلي تحملي
تالا بضيق: بس احمد
شهد ابتسمت ومسكت يدينها: وانا معك لا تخافين من احمد ولا غيره ولو حملتي صدقيني انتي وطفلك ماراح يصير لكم شي
تالا: أن شاء الله
شهد: هيا عطيتك وجهه اذلفي لزوجك
تالا ضحكت: كلبهه وطلعت وشهد انسدحت وهي تتنهد: انصحها وانا احتاج من ينصحني تقلبت للجنه الثانيه لمحاوله نوم وتالا راحت للمطبخ واحتارت وش تأكل حطت يدها ع خدها وجلست تستنى خالد وشوي جا خالد وضحك ع حالتها: شفيك
تالا بحزن: كل شي لذيذ موجود بس بطني مايكفي
خالد اختار كم طبق وحطهم قدامها: عادي بكرا الملكه بيكون في أكثر والي خاطرك فيه اجيبه لك لو من المريخ
تالا ابتسمت: يانصاب
خالد اخذ قطعه وهو يأكل تالا: ثقي فيني
تالا أكلت من يده: اممم صار لذيذ أكثر لما أكلت من يدك
خالد ابتسم: دايم بالخدمه
تالا: ترا اتدلع اكثر
خالد: كم مره اقول فداك يابنت
تالا: يلا طيب اكلني خالد صدق وصار يأكلها وهي تضحك وتاكله ودخلت عليهم ام خالد وهي مبتسمه: الله يخليكم لبعض ويقر عيني بشوفه عيالكم
تالا انحرجت ونزلت رأسها وخالد رد: اممييننن
خالد رفع يده بيكمل يأكلها أخذته بيدها وصارت تاكل وهو ياكل وخلصو ونظفو إلى اكلو فيه تالا رجعت حطت يدها ع خدها: خلودي
خالد: يا عيونه انتي
تالا وهي تطالعه: الحين لو قلتلك انا ابي عيال بتفرح
خالد بابتسامه: طبعا في احد يرفض زوجته حبيبته وعمره تجيب له قطعه منها
تالا ابتسمت: خلودي
خالد: عمره
تالا: تحب الاطفال
خالد: مين مايحبهم
تالا للمره الثالثه: خلودي
خالد: ارحمي قلب هالخالد
تالا ضحكت: طيب انا اقتنعت بفكره الأطفال
خالد: يوه كل يوم لك رأي مااحس اني انصدمت
تالا: طيب طيب
خالد ضحك: ياويلي على حبيبتي بتجيب لي طفله حلوه زيها
تالا: وليه مو ولد
خالد: عشان تأخذ جمالك ويصير عندي ثنين منك
تالا: وليه ماتصير طماعه زيك واقول ابي ولد زيك
خالد: بنجلس نتجادل كذا لين السنه الجايه عشان كذا نختصرها ونقول الي يجي من الله حياه الله
تالا قامت: بروح لشوق وهديل
خالد: تمام انا بكون بغرفتي الشباب مو موجودين راحو يجيبو أغراض
تالا: طيب ومشت لغرفه شوق وهديل ودخلت: مبررووكك
شوق ضحكت: الله يبارك فيك هلا بالساحبه
هديل وهي تغني: الي لقى احبابه نسى اصحابه
تالا ضحكت: شفيكم ياخي انسانه متزوجه انا عاد بكرا تجربون وتشوفون حلاوه الشعور
شوق بحماس: يوهه تحمست مراا
تالا: لا تتحمسين حيل في اشياء حلوه وأشياء حلوه وياكثر الاحراجات
هديل: هيا خذلك بتعطينا محاضرات عن الزواج هالحين
تالا ضحكت: لا ابد احمسكم عشان تصيرون كلكم متزوجات زيي
باقي انتي ولويا وهاجر وعن قريب بإذن الله الله يعجل بنصيبكم
هديل بصدمه: تدعين علي ليه خافي ربك
تالا: ادعي لك يهبله
هديل: واضح!! اقول قمي طلعي هش هش بنام بكرا ورانا كرف كثر شعر رؤوسنا
تالا ضحكت: من كل مكان مطروده
شوق: يعوضك الله
تالا طلعت ودخلت غرفه لويا: يامرحبا بالي مهي داريه عن الدنيا
لويا ضحكت: والله مايندري مين الي مب داري عن الدنيا تزوجتي ونسيتينا
تالا: يوهه يوم واحد غبت مسكتوه علي شفيكم
لويا: والله عاد انتي جبتيها لنفسك حتى ماحطيتي لنا خبر
تالا: لايكون انتو زوجي وانا مدري ليه احط لكم خبر
لويا: مدري عاد كيفي
تالا: طيب وش اخبارك
لويا: زينه
تالا: جديد قديم
لويا: ابد
تالا: ب لسانك شي طلعيه
لويا: كنت بسألك بس كيف الحب
تالا ضحكت: واضح طحتي ومحد سمى عليكي حبيبتي انتي مجرد ماتسالي نفسك هالسؤال وببالك شخص معين يعني انتي تحبينه وإذا نكرتي هالشي بكل مره يعني انتي تحبينه والباقي يهون
تالا ميلت فمها: اها
تالا: مين مين علميني
لويا: محد بس جا ببالي السؤال ذا شفته بموقع
تالا: اكذبي على غيري لكن بمشيها لك
لويا كشرت: اطلعي اطلعي ليتني سألت غيرك
تالا: يوه من كل مكان طردتوني عيب عليكم والله
لويا: روحي لزوجك
تالا: رايحه اصلا من غير ماتقولي وطلعت ولويا قعدت تفكر بالموضوع لين غلبها النوم وتالا دخلت غرفه خالد طالع فيها: غريبه جايه بدري
تالا: كلهم طردوني تخيل
خالد: محد قلك تنامي بالظهر
تالا جلست جنبه ع السرير وهي مبوزه: وانت بعد مشغول عني
خالد قفل التلفزيون ولف لها: لا طبعا لو مني فاضي أفضى لك يابنت الناس
تالا ابتسمت وانسدحت: يلا قول لي قصه
خالد ضحك: انتي طفله شلون تبين تجيبين طفل
تالا: ترا اتركك واروح غرفتي
خالد: لالا تعالي بحضني وبقولك احلى قصه
تالا قربت وحطت رأسها بحضنه وهو صار يخبص لها قصص من كيسو لين تعب: يوه تدرين تعبت من اللقلقه
تالا: بس مجاني نوم
خالد: انا عارف كيف بيجيك النوم
تالا: كيف
خالد باسها: كذا
تالا: لا خالد مو اليوم
خالد: أجل نامي
تالا: مافيني نوم
خالد: لا يا تنامي يا ها
تالا غمضت عيونها: هذاني نمت خالد ضحك وقفل النور
انتهى
______&&&&&&§
