هااي مدري متى حنزل البارتات بس اتمنى ان يعجبكم واتمنى من كل قلبي ماياخذو مني طاقه ويكون سهل دعواتكمم لي لاني احتاجها فعلياً💛.
بسم الله الرحمن الرحيم نبدأ
اعذروني ع الأخطاء الإملائية.
____________________
هبطت طيارة هاجر واخوها باارض فرنسا وطبعا محد يعرف الا تالا وخالد ووصلو الفندق وكانت شهد نايمه من التعب لانها مانامت من جت راحو الكل استقبلو هاجر واخوها الا شهد نايمه(هذي تذكرني بوحده ماتنام الا بالمناسبات السعيده الللهه يستر عليها)
عند هاجر والبقيه تالا حضننت هاجر: توها نورت فرنسا
هاجر وهي تدور بعيونها: هذا نورك حبيبتي
تالا تغمز: اشوف عيونك رايحه يمين شمال على مين تدورين
هاجر استحت: هاه ادور على شهد
تالا مكمله تغمز: شهد ولا الحبيب
هاجر صفقتها بكتفها: امشي نروح غرفنا ترا حديي تعبانه
تالا: تمام شوي والحقك ووصفت لها فين غرفتهم بضبط هاجر راحت تمشي وراحت للمكان الي وصفته لها تالا عقدت حواجبها: هنا في بابين اي واحد غرفة البنات؟ افف تالا ماقالت لي امم فين ادخل وقامت تعد حجره بقره اختارت غرفه ودخلت سمعت صوت مويه: اوه شكلها صحت وجالسه تتروش فصخت الجزم(الله يكرمكم) وشالت العبايه الي كانت عليها وراحت قدام المرايه فكت شعرها وخلته ع طبيعتو وقف صوت المويه وهي مو منتبه جالسه تعدل بشعرها ماحست الا بقطرات المويه ع رقبتها و احد يحاوط خصرها وهي متصنمه تناظر المرايه ومااحكيكم وش صار لها
شرايكم نترك هاجر شوي ونروح عند ابطالنا البقيه يلا امشو
عند تالا كانت واقفه مع خالد وتتفق معاه على الملكه
خالد: اذا رجعنا نملك والزواج انتي الي تختاريه
تالا وهي تفكر: تمام حلو
خالد ابتسم: هذا القرار اخذته بعد تفكير طويل
تالا ضحكت: ماشاءالله تفكيرك عميق وتفكر بكل النواحي
خالد ابتسم اكثر انه السبب بضحكتها: انا دايم افكر بكل النواحي وافكر بالطرف الثاني بعد
تالا رفعت حاجب: اي واضح عندك شي؟ بروح عند شهد وهاجر
خالد: سلامتك انتبهي لنفسك
تالا: ان شاء الله وراحت
خالد حط يده ع قلبه: اهه عذبتني
عبدالله من وراه: خف علينا يالعاشق بس غريبه مااشوف القرده تتلقف
خالد: ايي تسال عنها ويقول مااحبها
عبدالله وهو يتافاف ويمشي: ياخي آخر وحده افكر احبها بتكون هالقرد خالد جاء معه وهو يضحك وعم السلام امزح
خلونا نرجع لهجورتنا
هاجر بصدمه: حسين
حسين بابتسامه: اي حسين
هاجر صارت تحاول تفك نفسها: فكني
حسين حاوطها اكثر وحط راسه برقبتها: امم افكر
هاجر وهي شوي تبكي: حسينن
حسين اول ما سمع نبرة البكي بصوتها تركها على طول: عيونه هاجر ناظرته بعيون فيها دموع وجت بتمشي لكنه مسكها ثاني: هاجر اشبك
هاجر حاولت تفك نفسها: فكنيي ياحسين فكني
حسين بدت أعصابه تتلف: هاجرر انا جالس اقول شفيكِ بتتكلمي ولا كيف
هاجر فكت نفسها غصب: خلاص اتركني مافيني شي
حسين راح الباب وقفله بالمفتاح ورمى المفتاح فوق الدولاب: هيا وريني كيف توصلين له
هاجر والدموع بعينها وبدت تتنرفز: حسين بلا حركات اطفال وافتح الباب
حسين تكتف: مابفك الباب لين تقولين وشفيك
هاجر عطته ظهرها: ما فيني شي تعبانه من السفره وابي ارتاح
حسين قرب لها وميل وجهه عليها: متاكده
هاجر توترت من قربه وبعدت: اي متاكده يلا افتح الباب
حسين: تكذبين
هاجر ناظرته وهي رافعه حاجب: وشو اكذب!!
حسين ابتسم: شكله عاجبك شكلي بالمنشفه
هاجر قلب وجهها الوان ولفت: ياوقح البس
حسين ضحك: تو الناس
هاجر غطت وجهها من الاحراج وحسين جاء من وراها وحضنها: امم الحلوه باقي زعلانه
هاجر بصوت يالله ينسمع: مو زعلانه
حسين يطقطق: مااسمع
هاجر بعد ماستوعبت الوضع الي هم فيه نطت وصرخت وركضت لاخر الغرفه ورجعت غطت وجهها: اااءءء لاتقربني
طبعاا حسين ميت ضحك عليها: ياطفله اشبك
هاجر: لاتقرب البس بعدها نتفاهم
حسين: واذا قربت
هاجر: كف
حسين قرب لها: عطيني كف
هاجر وخرت يدينها عن وجهها وناظرته ورجععت غطت: حسيننن بعدد عني
حسين بهدوء: ماني مبعد
هاجر عطته ظهرها: طيب على الاقل البس
حسين: لو البس تكلميني؟
هاجر: اي
حسين: وتقولي شفيكِ لانو ماقنعتيني
هاجر بطفش: طيب البس بالأول
حسين قام للغرفه ولبس له اي شي خرج شاف هاجر تحاول توصل للمفتاح راح من وراها وشألها: تحاولين توصلين للمفتاح وتشردين يالقصيره
هاجر بدت ترافس: نزلني نزلني
حسين: بنزلك بنزلك لا تصيحي
هاجر عضته ما بين كتفه ورقبته(يارب وصل): ماني بزر عشان تقول لا تصيحي
حسين: احح قدهاا!!
هاجر: نزلنييي
حسين: اقولك قدها؟
هاجر: قد وشو
حسين: العضه
هاجر: هاه
حسين: لا تستغبين قدها؟؟
هاجر تهايط: يعني وششوو اكيد ماسوي شي الا وانا قدها
حسين نزلها بس كان محاوطها من خصرها(صاير شرحي بيض بس يارب تكونو فاهمين: ايوا قلتيلي انك قدها
هاجر وهي تحاول تشيل يده من خصرها وتسوي قويه: ايوا طبعا قدها وبعدين فكنيي
حسين نزل لمستواها وقرب من وجهها وو...
طولنا عند ذول خلونا نروح السعوديه الحب نشوف ناس منزمان عنهم؟ أي نروح عند لويا كانت طفشانه جالسه لوحدها وفكرت تروح لعند تالا(ماعندها خبر انه تالا مسافره) تجهزت وجهزت كل شي يخصها وطيران ع بيت تالا وفتحت لها المساعده بتاعت البيت(صايره مااحب اقول شغاله أو خدامه ف اشوف مساعده احسن): اهلين مدام
لويا ابتسمت لها: غريبه البيت هدوء
المساعده: ايوا كلو في يخرج
لويا: مالت وأنا ووجهي مسويه اني حق سبرايزات بس خليني استكشف البيت وقالت للمساعده تروح وفصخت عبايتها وقامت تتمشى بالبيت وراحت ورا البيت(>> المكان الي ضاعت فيه شهد فبارت ٤ اذا تتذكرو) وصارت تتمشى لين: فين طريق الرجعه افف مو وقته اضيع
صوت من وراها: وأنا كل يوم القى وحده ضايعه بذا المكان>عرفتوهه عليي
لويا التفت له وتوترت المساعده قايله مافي احد منين طلع ذا: ااء كنت ادور تالا وكذا شسمه اسفه ع اللقافه
علي فهى فيها وماعرف يرد وصار يكلم نفسه: هي والله هي نفسها علي اشبك البنت ضايعه وانت مفهي فيها وببرود ظاهري: عادي بعدين ماقالت لك سونيا ان تالا وشهد سافرو؟
لويا لاارادي صرخت: الكلباتت
علب كتم ضحكته: تعالي ارجعك لجوا ودخلو وطول الطريق لويا تتحلطم علي كان بيسالها بس بعدين تراجع وجلس يتاملها
لويا بحيا بس مسويه نفسها عصبيه: خيرر مضيع شي بوجهي
علي بدون وعي: جمالك من فين جايبتيه؟
لويا استحت اكثر وما عرفت ترد وبغت تشرد بس مسك علي يدها: اصبري لفت عليه وناظرها شوي ثم: سبحان من خلق هالعيون وباس بين عيونها ولويا صارت مويه وعلى طول راحت واخيرا اخونا استوعب الي صار وبدا يكلم نفسه: وش ذا التصرفات الي طلعت مني انا ماكنت كذا اهه ياربيي الحين بتقول عني وصخ ياليللل ام الحاله وراح وراها بسرعه
عند لويا:
بعد ماركضت من عندو وبعدت: يمهه وش ذي الجراءه بس افف يجنن بس ياخي تصرفه قليل ادب بس واضح رومنسي يجنن افف(تناقض اكثر من كذا مفيش) جت بتمشي طلع قدامها وهو يلقط انفاسه وهي تناظر مفهيه اخذ نفس عميق بس شاف الفهاوه اللي فيها ضحك بكل قوته وهي راحت بسرعه اخذت اغراضها وخرجت
نرجع لفرنسا مو عند هاجر وحسين نونو نروح عند هديل دي اليومين ماخذنا اخبارها(نذاله صح هيهيهي)
كانت كيس النوم اقصد هديل نايمه كلعاده وشوق تلح فوق راسها: هديلل هديلوه قوميي
هديل وهي تتغطى: اف شوق يانشبه وش تبينن
شوق بوزت: طفشانه يعني وش ابي
هديل جلست وكشرت: ماتخلين الواحد ينام
جوال شوق دق واول ماشافت المتصل طارت
هديل رجعت انسدحت: الله يشفيك ورجعت تنام
عند شوق طبعا المتصل مشعل: الوو
مشعل بابتسامه: كيفك شوقي
شوق شوي وتطير اول مره يدلعها: بخير كيفك انت
مشعل وهو يحك رقبته: بخير امم شوق داق عليك عشان اختي وصاحبتها مايعرفون احد هنا زي ماقلتلك ف ابغى انتي وهديل تجون عادي ولا مشغولين؟
شوق افضى لعيونك ياشيخ: لالا ماعندنا شي جالسين بالبيت امم بشوف هديل واردلك خبر طيب؟
مشعل تمام ياعمري انتبهي لك وقفل طبعا مايحتاج اقولكم كمية الفرحه الي حستها شوق والي شوي تخليها فالسماء فوقق وراحت ركض لهديل ونطت بسريرها: هديلل
هديل: 💤💤💤💤
شوق بصوت عالي: هدديلللل
هديل: نعم
شوق: مشعل قايل انو يبغانا نطلع مع البنات وكذا
هديل جلست: و يعني
شوق: طبعا طبعا طبعا حنطلع معهم
هديل وهي تحك عيونها: وبدون تاخذي رايي!
شوق ببراءه: ادري انك مابترفضي
هديل بطفش: متى طيب؟
شوق: بعد شوي قال بيمرنا
هديل وهي تثاوب: اها طيب يصير خير
شوق: هديللل بلا عبط قومي تجهزي هذي اول مره يطلب مني ومابي ارده
هديل وهي تقوم وتربط شعرها: اها ومين قال ان الحراس بيفارقونا؟
شوق: عادي يجون معنا بس من بعيد
هديل وهي تدخل الحمام(الله يكرمكم) طيب لا تاكليني
يلا نروح عند هاجر وحسين
حسين: متاكده انك قدها؟
هاجر توترت من قربه بس تحاول ماتبين: اي قدها قرب منها وفجاء اندق الباب(نذاله صح نيهيهيي)
حسين: ربي يحبك وانقذك هالمره
هاجر اخذت نفس طويل وزفرته: بروح افتح
حسين ضحك على وجهها الي قلب طماطمه: ارجعي يا هبله
هاجر كشرت: وش بعد
حسين: نسيتي انو المفتاح فوق الدولاب ولا ايش؟
هاجر تكتفت: طيب يابو العمالقه افتح الباب
حسين راح يجيب المفتاح وهو ميت ضحك وفتح الباب وعلى طول خرجت هاجر من الغرفه وشردت لغرفة البنات
مشعل: بسم الله الرحمن الرحيم وش ذا الي طلع من عندك طبعا حسين مو قادر يتكلم من كثر الضحك
نروح عند هاجر دخلت وهي تركض بغرفة البنات وغطت وجهها تالا كانت توها مقومه شهد من النوم وثنينهم يناظرو هاجر مستغربين ونطو عندها وشهد تحاول تبعد يدين هاجر عن وجهها: يبنتي فتحي مابناكلك اخيرا وخرت يدينها عن وجهها الي قالب احمر وحرارته وصلت الستين شهد ماتت ضحك
تالا: وشفيك مسخنه؟ وش جاكِ
هاجر وهي شوي تصيح: ليتها سخونه اهونن
شهد من بين ضحكاتها: وجهها ما يصير كذا الا اذا انحرجت بس اهني الي احرجك وصلك المرحله الي ماكنت متوقعه توصلين لها
هاجر بتوتر: ممرا وجهي محمر؟
شهد سكتت شوي ورجعت تضحك: جالسه ترجفين
هاجر: تالا سكتيها لااقوم اتوطاها الحين
شهد حطت اصبعها على فمها: آخر مره
اندق الباب وفزت هاجر: وين اروح وين اروح خبونيي
شهد رجعت تضحك وتالا كتمت ضحكتها: روحي الحمام وهاجر راحت عالحمام وشهد باقي تضحك وتالا فتحت الباب شافت عبدالله وحسين مع بعض
عبدالله ابتسم لضحكتها: هذي شفيها انهبلت
حسين يحاول يخفي ابتسامته لانه عارف ليه جالسه تضحك: شهد اشبك تضحكي كذا بتموتي يبنت
شهد اخيرا وقفت ضحك واخذت نفس وناظرت عبدالله: هذا شجايبو
عبدالله: جابني الي جابني الا وين البنت انحاشت من ضحكك
شهد تذكرت هاجر ورجعت تضحك شوي وطلعت هاجر وهي متنرفزه: شهدد ياكلبه خل.. وشافت حسين ورجعت ركض للحمام وهنا حسين الي ضحك وعاش الجميع بسلام الحمد الله امزح نكمل اخيرا خلصو وتجهزو وجو هديل وشوق وراحو يتسوقو
شهد بطفش: اشتقت للاكشن حياة الانوثيه ماش ماتعجبني
هاجر: اعرف لما تقولي كذا ماوراكِ خير
شهد ناظرت وراها: ابد والله وراي حمير(تقصد العيال لانهم كانو وراهم)
هاجر ناظرت الي ورا شهد وجت عينها بعين حسين وعلى طول شالتها: امشي وانتي ساكته بس
شهد: افاا بس افا طايحه من عينك ياكلبه
هاجر: مااثق فيكِ
شهد: اح يكلبه احترمي الي معانا
شوق وهي تضحك: لا عادي خذي راحتك
هاجر: بعد جبدي والله تسلمين منزمان ودي ابرد حرتي فيها
شوق: اي مساعده تبينها انا هوا
هاجر: حبيبتي والله
شهد: هيي تراني البست حقتك ايشش في سحبتي علي
هاجر: ان لقيت بست ثانيه احسن منك اخذها فين المشكله
شهد: ياخاين الك يومم
هاجر: انطمي
شهد تكتفت: مالت عليكِ
بعد ماخلصو تسوق وهيك رجعو للفندق
بجناح البنات
شهد رمت نفسها عالسرير: آهه تعبتت
تالا: الحمدالله والشكر
هاجر رمت نفسها جنب شهد: جد تعبنا اليوم حيلل
تالا: طول الطريق وانتو تتضاربو وتتهاوشو من وش تعبتو بضبط
شهد: المضاربه والهوشه والمشي يتعبون!
تالا اخذت المخده الي جنبها ورمتها بوجهه شهد: انطمي
شهد بعدت بسرعه عن المخده: شفيكم علي انتي وهي
هاجر: اليوم كله وانتي تضحكين عليا بعد وشو
شهد: اسفين اسفين
هاجر قامت عالحمام(الله يكرمكم): اقول انا جايه من سفر لا ارتحت ولاشي بروح اخذ شور وانامم
شهد: شور العافيه
بجناح العيال
كانو الاغلب طالعين ومو موجود الا خالد وحسين ومشعل وكان الهدوء يملي المكان وحسين فصخ تيشرته ورمى نفسه عالسرير جنب خالد وانسدح ع ظهره وجلس يناظر السقف ويفتسم
مشعل: الي ماخذه عقلكك
حسين حول نظره من السقف إلى مشعل: تكلمني؟
مشعل بضحكه: اوهه لا الولد وصل للأعلى مرحله
خالد وهو يغمز: تعال اركض وشوف الي جالس اشوفه
مشعل جاه ركض وجلس يشوف: من ايش ذا مين الارنب الي عضك
حسين انفجر ضحك وصار يتحسس مكان العضه: يشيخخ احلى عض جاني بحياتي
مشعل: لالا ياولد اركد لا تتحمس وتجيب العيد
حسين اخذ المخده الي جنبه وصفقها بوجهه مشعل: ياوصخ نيتك لا تطير
مشعل: اجل وش بيفسر وجود ذا الشي برقبتك وكلامك؟ ^وفجاء تذكر^ اوهه القزمه الي طلعت من غرفتك آخر مره
حسين ابتسم وهو يتذكرها ويتذكر شكلها وهي مستحيه منه ومسويه معصبه وطلعت منه تنهيده لاارادي
مشعل: الولد طايح ومحد سمى عليه
حسين رجع انسدح بس هالمره ع بطنه: اتركوني لوحدي مالي خلق محارشات وفجاء فز: الا تعال وش سر نظراتكم انت وذيك مدري شسمها اظن شوق أو شي زي كذا المهم اسمها فيه اشتياق
مشعل ابتسم اول ماجت عباله: ياشيخخ فكنا من ذي السيره
خالد وهو يغمز: اوه اوه حركات كل واحد فيكم يحب
مشعل: مسوي طالع منها وانت اولنا شوف نفسك من تضحك هي وانت ينشق وجهك ياشيخخ طيرر
وجلسو ع ذي الحال كل شوي واحد يحارش الثاني
نرجع عند البنات طلعت هاجر من الحمام وهي لابسه المنشفه وجلست تننشف شعرها وتالا كانت جالسه وتكلمت: اقول هاجر احس شهد هادئه بزياده وشكل هالمره المصيبه بتكون كبيره صح؟
شهد ضحكت: لا ماعليكِ مصيبه صغنوته
هاجر: انا قايله هالهدوء مو لله وش عندك
شهد: تعالو تعالو جنبي
هاجر نست نفسها وتركت شعرها وجلست عند شهد وجت تالا جلست جنبها وقالت لهم: في واحد مرسل لي ومكتوب بالرساله (لو ماتبين طفل بريئ يتعذب بسبب عمك روحي انقذيه) ومرسلي صورة المكان والموقع ومدري متى حروح لكن بروح
تالا: طيب تعرفين الشخص؟ وكيف عرف ان ذا عمك وكيف عنده رقمك اصلاا
شهد: مدري يختي حتى رقمو مو طالعلي
تالا: اجل وش بتسوين؟
هاجر: يختي والله مني متطمنه
شهد: المسأله مسألة حياة طفل مب حياه اي احد افهمي يبزر
تالا: انا معك ماعليكِ من ذي المدلعه
هاجر: وشو يعني بتتركوني هنا!!
شهد بلا مبأله: كيفك تبين تجلسي لوحدك اجلسي حنا بعد شوي نروح بس نتاكد ان كل العيال موجودين فجناحهم
هاجر وهي تتافاف: افف خلاص بجي معكم وش بيجلسني لوحدي
شهد مسكت خدود هاجر: حبيبني الي تسمع اكلام
هاجر جت بتتكلم واندق الباب وفتحت الباب وطلع حسين ورمشت مرتين وهو يناظرها بصدمه(الأخت ناسيه انها بالمنشفه) واستوعبت وقفلت الباب بوجهه وركضت للحمام شهد قامت باستغراب: هذي شفيها وفتحت الباب لقت حسين واقف ميت ضحك وهي تذكرت وش لابسه هاجر قامت تضحك معاه جتهم تالا: الحمدالله والشكر على وشو تضحكون
شهد وهي تلقط انفاسها من الضحك: بعدين بعدين اقول حسين انت وش مسوي لها كل ماشافتك قلب وجهها وراحت الحمام
حسين ابتسم: اساليها
شهد: افا عليك بامسكها تحقيق بالليل الا كل العيال رجعو خلاص؟
حسين: اي توهم جو وقالو اجي اسالكم وش تبون عشا
شهد راحت ضمته: شكرا حبيبي مانبغى عشا شبعانين وبننام وبعدت وقفلت الباب بوجهه
حسين: شايفني وش ذول كل الوحده تقفل بوجهي شوي جت بباله هاجر ابتسم وحط يده عقلبه: الله يصبرني وراح لجناحهم العيال: البنات قالو مايبون عشا شبعانين
عبدالله: لا تكذب شهد الي قالته
حسين رفع حاجب ونزل الثاني: شعرفك ليكون كنت معاي
عبدالله: لا بس محد يقول كذا الا هي
حسين: اي احسب بعد معلينا وش تبون نسوي ترا طفشش
نرجع للبنات
شهد راحت عند باب الحمام: ترا راح تقدري تطلعي
هاجر من ورا الباب: صدق؟
شهد ضحكت: افا من متى اكذب عليك
هاجر طلعت ووجهها الوان وتصرفهم: حسبي الله بروح البس وراحت لبست وجهزو نفسهم وخرجو بدون ماينتبهو العيال ولما وصلو برا الفندق
تالا: الحين حنا طلعنا وامورنا زينه لكن كيف بنروح!!
شهد وهي تطلع مفاتيح: سرقت مفاتيح سيارة حسين بنروح بها
هاجر شهقت عالخفيف: حراامم تبين تعدمين سيارته
شهد ببرود: عادي هو متعود المهم مشينا بنات واخذو السياره وانطلقو للمكان ونزلو بعيد عشان مايشكو
شهد وهي ترشدهم: اسمعي تالا خلي دي الدلوعه معك وانتي يالدلوعه لا تبعدين عنها وبنفترق واي وحده تحصل غرفة الطفل تدق عالثانيه تمام؟
البنات: تمام وتفرقو
نبدأ من عند تالا وهاجر كانو ماشين ودخلو غرفه مالقو احد فيها وجلسو يمشو الا وتطفي الكهرباء تالا خافت على هاجر على طول وبهمس: هاجر انتي معاي؟ ماكان في صوت وهذا الي زاد خوفها ودقت على شهد
عند شهد كانت تدور وتدور بالاخير شافت غرفه مفتوحه وفي طفل مربوط جالس جت بتدخل لكنها شافت ان في ثنين حراس فالغرفه راحت طفت الكهرباء ودخلت الغرفه بهدوء ومسكت واحد خدرته والثاني معه وجت بتفك الولد ودق جوالها ردت وتكلمت بهمس: الوو
تالا: شهد الكهرباء طفت وهاجر اختفت
شهد بعصبيه: انا الي قفلت الكهرباء وترا قلت خليها معك اشبكمم انتي وهي م٧ملين كذاا
تالا بتوتر: انا مااشوف شي وانتي تدرين ان عندي فوبيا الظلام واخاف اشغل فلاش ينتبه لي احد وش بسوي مثلا!!
شهد بعصبيه: خلاص شوي وتشتغل الكهرباء واجي وقفلت بوجهها وفكت وهي ماشيه حست ان في احد توترت وشوي حست ب احد يلمس رجلها زاد توترها لكنها اخفته وراحت شغلت الكهرياء بشويش وانصدمت لما شافت بنت عمرها بين ال١٩ و١٨ حالتها حاله استغربت ان الي ارسل لها ماقال لها عن البنت فكتها بسرعه وساعدتها تقوم ومشت تدور ع تالا
عند تالا بعد ماشتغلت الكهرباء ارتاحت وجلست تدور ع هاجر ولقتها جالسه لوحدها تبكي وراحت لها: غبيهه ليه بعدتي كذا
هاجر من الخوف حضنتها: خفت خفت سمعت اصوات رجاجيل جنبي ومن الخوف بعدت عن المكان اسفه اسفه تالا رحمتها وحضنها لين هدت وشافو شهد جايه عندهم هاجر راحت لها وشالت الولد وتالا جلست تساعد البنت تمشي
شهد من بين عصبيتها: اطلعو كلكم واستنوني بالسياره
جت هاجر بتتكلم: بس..
قاطعتها شهد بعصبيه: لا بس ولاشي اطلعو اشوفف سمعو الكلام وطلعو لانها كانت معصبه مرا وشهد راحت المكتب وجلست تأخذ الي ممكن تحتاجه وشافت ان في كاميرا فالمكتب هذا بس واستغريت ان مافيه كاميرا بمكان ثاني وراحت اخذت كل الاشرطه والي سجلته الكاميرا وطلعت وراحت السياره واول ماركبت جتها رساله(هالمره حالفك الحظ بسبب الكهرباء والرجالين المره الجايه كوني اكثر حذر) استغربت وقعدت تلتف تشوف هل في احد جالس يراقبهم مالقت وطيرانن عالفندق ودخلو جناحهم وحمدو ربهم محد انتبه لهم وغيرو لبسهم والبنت الي جابوها معهم
شهد جلست قدام البنت: تقدرين تتكلمي؟
البنت: ايه
شهد بهدوء: قولي وش تسوين بذاك المكان وليه مسوين فيك كذا وانتي مين
البنت بكل برود: بصفتك ايش اجاوبك؟
شهد تنرفزت: نعم وش قلتي؟
البنت: اي بصفتك ايش اجاوبك
جات تالا جلست جنب البنت: بصفتنا انقذناكِ وبسبب ان الخاطف يكون خال الي قدامك
البنت ناظرت شهد من فوق لتحت: انتي شهد
شهد رفعت حاجب وحطت رجل على رجل: حلو انك تعرفيني
البنت ابتسمت بهدوء: والاحلى انك مو عارفه اي شي
شهد نزلت رجلها وناظرتها باستغراب: شقصدك
البنت ابتسمت: سلاامتك وجهة نظرها لتالا وجلست تتفحصها وبعدها بان ع ملامحها الصدمه: انتي تالا؟؟
تالا بهدوء: اسمي تالا اي
البنت: عندك أخت اسمها اريج وعندك تؤام؟
تالا رفعت حاجبها: تعرفيني؟
البنت ابتسمت وحضنتها: ماتدرين قد ايش انا مبسوطه اني شفتك قبل يصير لي شي
شهد: حلو انك عارفتينا كلنا بس للحين ماقلتي مين انتي وكيف تعرفينا؟
البنت: اسمي جمانه اما الباقي اقولك بكرا وبمزح حالتي ابدا ماتخليني اشرح لكم والسالفه طويله لذالك خلوها بكرا وكل وحده تنام دحين
شهد ابتسمت غصب عنها: مالتت بس نامي نامي بس بكرا بمسكك تحقيق انتي وهالنتفه الي سحبت علينا ونامت
جمانه ناظرت هاجر الي نامت بدون ماتحس وابتسمت: بكرا حتعرفون كل شي كلكم ماعليكِ
شهد ضحكت: شطوره
تالا بابتسامه: تراني للحين مو مستوعبه ان ذي جايتنا وحضنتني وانتي ماشاءالله طقيتي ميانه معاها
جمانه وهي تنسدح: عادي يختي عاد انا مااحب وضع الرسميات وكذا عشان كذا طقي ميانه من الحين
تالا: تبشرين بس نعرف السالفه بالأول
شهد انسدحت جنب هاجر لان بالجناح مافي الا ٣ سراير: خلاص نامو ازعجتو هاجر
تالا: ابشري ماما شهد
وكلهم نامو
انتهى
_________$$$
احم احم شوفو ماتاخرت مرا لانو حسبت كم تأخرت وطلعت بس شهر متأخره عكس البارت الي قبل تأخرت فوق الثلاث شهور هذا البارت استنزف طاقتي بهالشهر وعلى اني دخلت بحالة نفسيه ومدري ايش وكنت تكه بادخل اكتئاب وخايفه ادخل باكتئاب من الضغط الي جالس يجيني من كل الجهات واني مو قادره اكتب على حبي للكتابه وهذا بحد ذاته مخلي نفسيتي زفتت بس ان شاء الله بكون قد كل ذا وبتخطاه وبرجع اكتب زي قبل واحسن وان شاء الله البارت يعجبكم وترا البلرت ٣الف كلمه وفوق وان شاء الله البارت الجاي ماياخذ مني وقت عشان انزله واحبكمم💛💛
وترا تقدرو تجون للانستا حقي انزل لكم معاناتي( li3x7 )
