اعذروني ع الاخطاء الإملائيه❤️❤️.
___________
عند هديل الي كانت تناظر لمشعل المربوط وهو مغمي عليه كانت تفكر وقطع تفكيرها كلام الي كان معاها: ايه سيدي الاثنين معاي، حاضر سيدي بس كيف نسافر وجواز سفرهم مو معانا،، حاضر سيدي وقفل
هديل اجتاحها الفضول: وين مسافرين
الرجال بهدوء: للسعوديه
هديل شهقت بصدمه: مومنجدكك!
الرجال ابتسم بهدوء: وايش مصلحتي باني بكذب؟
رجعت ناظرت لمشعل الي بدا يستعيد وعيه وفز وهو معصب: وين انا وسكت لما شاف هديل وعقد حواجبه: شوق الي كانت معي مو هديل شلون صرتي انتي هنا!!
هديل تنهدت: سالفه طويله
مشعل بعصبيه وهو يناظر الي معاهم: وين شوق ياحقيرر ويا.... ويا.... وانواع السب والقذف سكت بتعب وهو يناظر لهديل الهادئه: كيف تكوني بهذا الهدوء وانتي مخطوفه ومنتي داريه شي عن اختك
هديل بابتسامه باهته: شوق مع عزام رجعوها بشرط اروح معاهم
مشعل تنهد براحه مو اول مره ينخطف ويقدر يطلع منها لكن لو معاه شوق مستحيل يطلع منها لان شوق بكايه وحساسه وهديل بتساعده اذا من بدايتها هادئه كذا وتكلم بهمس: الحمدلله دامه انتي الي معاي نقدر نطلع!
هديل بنفس الهدوء: يبون يودونا للسعوديه
مشعل بابتسامه: صدق! احلى شيي
ناظرته باستغراب وهي تحمد الله وتشكره وهو يضحك عليها وهي ضحكت لاارادي والي بالسياره مستغربين هذول اشخاص مخطوفين!
عند عزام الي شوق منهاره وهو مو عارف يهديها ولا عارف شيسوي ومتوتر دق جواله ورد بسرعه: الو وش صار معكم
..: خذ شوق ل اي مكان أمن ولا تطلعو ثنينكم لين شهد أو انا نتصل ولا ترد ع اي رقم غريب وسجل هالرقم عندك مانتظره يجاوب وقفل وعزام مصدوم مين ذا وايش عرفه بشهد وشوق ناظر شوق بحيره: في شخص اتصل.. قال لها الي قاله
شوق ببكاء: وين نروح يعني اكيد بيتنا مراقب وبيتكم كمان
سكت عزام وتذكر مراد مافيه غيره دق عليه بسرعه وجاه صوته واضح صحاه من النوم: مراد طلبتك
مراد انفجع: وانا ماراح اردك وش صاير!!
عزام: بنجي عندك انا وشوق وافهمك
مراد وهو يقوم يلبس تيشرته بعجله: تمام تمام انتظركم
وراحو عزام وشوق لبيت مراد وشوق للحين تبكي وعزام متضايق منها ومن الي صار وحكى لمراد كل شي وشاركهم حزنهم وضيقهم
مراد بضيقه وانزعاج من صياح شوق: روحي ارتاحي بغرفتي وفكي نفسك من هالصياح مهو فايدك!
شوق ناظرته بحقد وعيونها تدمع للحين: اكرهكم كلكمم ودخلت للغرفه عزام زفر بضيقه: ماني عارف اتصرف معاها
مراد وهو حاس فيه: هونها وتهون وانا اخوك وماراح يصير الا الي ربي كاتبه انت توكل على ربك وهو يحلها
عزام وهو يمسح وجهه: ونعم بالله
مراد بمزح يحاول يلطف الجو: عاد ماعندي الا غرفه وصاله ومطبخ وحمام أكرمك الله لاني عزابي ودي اقولك ارتاح بس مدري وين منحرج والله
عزام ابتسم له: عوافي يارجال
مراد وهو يقوم يطلب اكل: ابطلب اكل مابيك ترفض وحركات الدلع ذيك بطلب وبتاكلو وطلب واكلو ومراد جاب من الغرفه بطانيات ومخدات وشوق سكرت الغرفه مليون مره ومراد ميت ضحك عليها
بالسعوديه
شهد ماقدرت تنام من الضيقه ناظرت يمينها الي غفت فيه ام عبدالله فزت لما دق جوالها ردت بهدوء وسكتت تنتظر الطرف الثاني يتكلم
..: اييهه وش رايك فيني وانا لاعبها صح؟
شهد بحقد الدنيا كلها: الله ياخذك وينتقم منك ياحقير انت ماعندك احساس تسوي ببنت اختك كذا!!
خالها ببرود: تتوقعي من الشخص الي ذبح اخته بيشفع لبنتها او غيرها؟
شهد بصراخ: حقيرررر
خالها بملل: اقول عن الدلع بتجين عندي ولا تبين مشعل وهديل يموتو؟
شهد هدأت وبتحدي: ان وصلو للسعوديه بجيك اما وهم بعيدين حلم ابليس بالجنه
خالها: وطلع لك لسان والله وبحده: ان ماتادبتي مايصير خير مفهوم
شهد: يصير خير وقفلت بوجهه وشد انتباهها الشخص الواقف: خيرر وش عندك انت بعد
عبدالله وهو يقلب عيونه: ياليل ماطولك انتي ان عصبك حد سويتي تحديد الكل ولا وشو!
شهد: مالك دخل بعدين وش عندك داخل عند بنت جالسه لوحدها وماتحل لك!
عبدالله ببرود: والله غرفتي وانا حر فيها
شهد ناظرته بحقد وصدت
ام عبدالله صحت ع صراخهم: عسى ماشر وش صاير
شهد: ولدك المحترم داخل بدون استئذان وفوقها يقول غرفتي وانا حر فيها
ام عبدالله ناظرته: صدق هالكلام
عبدالله: سمعت صراخها وخفت صار شي وهي طولت لسانها علي لا تلوميني
ام عبدالله تنهدت بتعب منهم الثنين: خلاص اطلع
عبدالله: مو قبل اعرف وش سبب صراخها
شهد تذكرت: نادي تالا
عبدالله: مجنونه انتي الناس نايمه ذا الوقت!
شهد بنرفزه: وانت مو من الناس ليه ماتنام!
عبدالله طلعت منه ابتسام غصب: لا انا جني شكلك نسيتي
شهد: ياليل ماطولكك
عبدالله: تقلديني
شهد: ليكون الكلمه باسمك؟
عبدالله: ايه
شهد طنشته واخذت جوالها ودقت ع تالا وبعد عده رنات ردت وصوتها مليان نوم: وش تبينن خربتي نومتي
شهد بطفش: بسرعه انزلي عندي
تالا تافافت: تمام جايه
شهد: جيبي جوالك معك وخلي خالد يجي وجمانه بعد
تالا بعصبيه: شايفتيني وش ا.. ماكملت كلامها الا وشهد قفلت بوجهها تنرفزت تالا منها وطلعت لغرفه خالد ودقت الباب طلع خالد وهو بدون تيشرت وتالا وجهها اشارات مرور وصدت وبصوت اقرب للهمس: شهد تبغانا
خالد مستغرب ليه صدت: طيب بس وش فيك معطيتني ظهرك؟
تالا بنرفزه: طالع لي مفصخ وش تبيني اناظر فيك!
كتم ضحكته خالد: اوه اسف ودخل غرفته ومشت تالا وهي تسب شهد وراحت غرفه جمانه ونادتها ونزلو كلهم تحت وتكتفت تالا: نعم ياست الحسن والدلال ياام خطط اخر الليل يامخربه النومات وش عندك!
شهد ضحكت غصب عنها: اوفف كل ذا عشان صحيتك من النوم
تالا: اييهه طبعاا
شهد تعدلت: دق عليا خالي
تالا بصدمه: وله عين بعد الوقح!
شهد قالت لهم الي قاله: واكيد حيوصلو خلال هالكم ساعه!
خالد: طيب وش خطتك؟
جمانه: وانا وش دخلني بخطتكم!
شهد عطتها نظره ناريه خلتها تبلع ريقها: اسمعو الخطه وركزو زين مابي ولا غلطه زي هذاك اليوم واقسم بالله لو تنعاد لاانحركم ثلاثتكم!
عبدالله عقد حواجبه: بس نحن اربعه
شهد طنشته وهي تكمل كلامها: اذا اتصل علي.. قالت لهم الخطه (ماراح احرق عليكم)
جمانه بنرفزه: خييرر وانا!
شهد بطفش: خليني اكمل كلامي يازفت تعالي عند الأشجار بتلقيني هناك وبطلعك
تالا ببرود وانتي من يطلعك؟
شهد: ياحبكم لتقطيع الكلام اكيد راح اطلع معاها واذا هي لوحدها طلعت انا بتخبى وخالي بينشغل فيكم وينساني وبكذا بنجو لكن اي غلطه منكم راح تتدمر الخطه كلها ومابغى اي حد ينصاب
خالد: كيف راح تدخل تالا عندكم صح خالك مو ذكي لكنه مو غبي بيحط حارس او ثنين عند الباب!
شهد وهي طفشانه منهم: ياخي ماتشغلو مخكم انتو! لما خالي يقفل علينا ويطلع انا بخليهم يدخلو عندنا وبعدها نجلدهم انا وتالا عاد خاطري اجلد احد منزمان ماتضاربت
تالا حبست الضحكه: اخ فيني حقد الدنيا بطلعها فيهم
عبدالله وهو واصل حده من النرفزه: وخير ياطير وانا وين رحت
ناظرته شهد ببرود: انت الي بتسوق وخلي جوالك معك لان يمكن اتصل او ارسل رساله
عبدالله كان متنرفز لكن سكت وشهد رجعت نظرها لهم: وجلاله ربي اي غلطه تصير راح افرمكم فرم
خالد بضحكه: لك ساعه تهددين فينا وان جات الغلطه منك؟
شهد ابتسمت: اي الغلطات مني ماراح تخرب شي لكن انتو بتخرب كل شي
تالا: ماتوقعتك بهذا العقل! من فين جايبه الذكاء اعترفي
شهد بابتسامه واثقه: من ابوي الله يرحمه
تالا وهي تجلس جنب شهد: ايه وش بيصير الحين بنجلس ننتظر؟
شهد ناظرتها: مابيه يشوفك ابدا
تالا ابتسمت: ازهليها
جمانه وهي خايفه ومتنرفزه: ياهو ترا بتتعرض حياتي للخطر متخيلين!!
شهد ناظرتها: المشكله انه مااقدر اخذ دورك وانتي تاخذي دوري اولا ماعندك هذي الشجاعه ثانيا هو ماراح يطلع من عندي الا فيكِ او ف تالا ومستحيل اعرض تالا لهذا الخطر عندها اخت صغيره بتنضر وحاليا بيرتبط اسمها باسم شخص وخالي حيعرف وبكذا نعرض حياة شخصين للخطر وبيعرف معرفتي ب تالا وبكذا راح نتورط كلنا ومانقدر نطلع منها لانه بيستغل معرفتنا فمالنا الا انتي!!
جمانه بضيق: لو صارلي شي وش بسوي
شهد: صدقيني ماراح يصير انتي سوي الي قلته وانا بنفسي راح اطلعك بدون اي ضرر
جمانه ابتسمت: تم الله يحمينا
قطع كلامهم جوال شهد ردت: نعم
عزام: شهد!! في رقم دق عليا وقال اتخبى انا وشوق وش السالفه
شهد عرفت مين الي داق: اسمع كلامه ولا تطلعو الى ان يتصل هو او انا
عزام بتنهيده: وش اخر الاخبار
شهد ماحبت تقوله كلشي: بيجيبونهم السعوديه وراح اطلعهم ماعليك
عزام: انا واثق فيك لا تخذليني ياشهد
شهد تنرفزت وش قصده: ترا المخطوف اخوي وان كنت ماعرف البنت معرفه كبيره يكفي انها تعز على اخوي وتعز ع شخص عزيز علي كلامك هذا وفره لااتعلم معك بشكل ثاني وقفلت بوجهه وهو متصايق وماقال كذا الا من ضيقته
مراد بضحكه: ماتوقعت في بنت لسانها طويل هالقد تبارك الرحمن
عزام ابتسم رغم ضيقته: هذي شهد عن الف رجال وعاد كلامي غبي فيها الي مكفيها وازيد عليها
عند هديل ومشعل الي ركبوهم الطياره
هديل مشاعرها ملخبطه اول مره تدخل للسعوديه كانت خايفه ومبسوطه بنفس الوقت حست بايد تضغط ع يدها ابتسمت لما شافته مشعل وهو ابتسم لها ومشعل بقلبه يدعي شهد ماتتهور
بعد مرور ثلاث ساعات
عند شهد الي كانت بتغفى بحضن تالا فزت بصوت الجوال وردت لما شافته خالها وسكتت تنتظره يتكلم: هلا هلا كيفها الحلوه؟ غريبه ماوصلتك اخبار ان الحبايب وصلو للسعوديه من نص ساعه وهم بمكان جدا جميل وش رايك تجين؟
شهد بحقد: بجي ارسل الموقع مانتظرت منه كلمه وقفلت وقامت تتجهز وهم يتجهزو وكلهم خايفين ع شهد الا جمانه خايفه ع نفسها مهمتها اصعب مهمه
بعد نص ساعه وصلو للمكان ونزلت شهد شوي بعيد وجت بتدخل وقفوها الحراس: نعم من انتي
شهد دفته: ابتعد عن وجهي لااظن انك ترغب بتشويه وجهك الجميل
جمانه الي كانت قريبه من عندهم ةهي تكلم نفسها: والله رايقه تتغزل بعد شافتها دخلت تنهدت وانتظرت كم دقيقه وطلعت قدام الحراس وشافوها وهربت وهي تدعي بداخلها ربي يحميها وتخبت لين مشو وركضت للمكان الي قالته شهد وتخبت فيه وهي ترجف
عند شهد الي دخلت عند خالها وهي رافعه خشمها: وينهم؟
احمد ببرود: الناس لما تدخل تسلم مو تدرعم كذا
شهد بحقد: اقولك وينهم
احمد اشر للي عندها انهم يمسكونها ومسكوها: امشو وراي ومشو ودخلو عند هديل ومشعل الي كانو مربطين وحالتهم حاله تقطع قلب شهد بس قوت نفسها: اتركني ايها الحقيرر
احمد: توتو الحلوه معصبه؟ مو بهذي السهوله اتركك وبهذي اللحظه دق جوال احمد ورد: نعم،، ايشش جايكم الحين انتظرو وطلع مستعجل وللحراس: اتركوها واقفلو الباب هياا يجب ان نلحق تركوهم وخرجو وقفلو الباب شهد بصدمه: طلع منجد غبي ماترك ولا حارس! اف وراحت تفك مشعل ومشعل معصب بس ساكت وراحت فكت هديل: الحمدلله ماصار لكم شي
مشعل وهو معصب: كيف تعرضين حياتك للخطر بهالشكل انتي مجنونهه!!
ابتسمت له شهد: ماعليك
ودخلت تالا وهي تلهث: ياخساره مافي ولا حارس قدام الباب مابنضرب حد
مشعل ناظرهم بعصبيه: ثنيننكم!!!
شهد: بسرعه اطلعو بروح عند جمانه لا تموت علينا من الخوف مو من خالي وطلعو تالا وشهد ومشعل وهو ماوده يطلع بس جبرته شهد طلعت شهد بشويش وهي تناظر للأماكن وراحت ورا عند الاشجار ولقت جمانه وهي حالتها حاله وترجف تبي تضحك لكنه مو وقت ضحك وراحت لها وقفلت فمها عشان ماتصرخ: هذي انا شهد لا تصرخين هدت جمانه: الحمدلله لو ماجيتي كنت بموت من الخوف
ناظرتها شهد باستهزء: واضح امشي وراي وانتبهي تعرفي تدافعي عن نفسك؟
جمانه هزت راسها: لا
شهد بملل: شكلي بجلدك بدال الحراس
وصارو يمشو ووصلو للمكان المطلوب وشهد طلعت جمانه وجت بتطلع وزلقت رجلها وطاحت وشافت واحد جاين من بعيد وطلعها بسرعه وطلع وراها شاف وحضنها وهمس: الحمدلله طلعتي بسلام بس بسرعه امشي
شهد مصدومه ماتحركت مسك يدها وركض بأقصى سرعه وركب سيارته وحرك ناظرته شهد بعصبيه: انت غبي كيف تطلع وانا قايله لك ماتطلع عارف لو خالي عرف ان لي علاقه فيك او اعرفك او شافك بالغلط هناك مستوعب وش بيصير!!!
..: ارسلي لهم رساله يحركو من المكان خالك اتصل ع ناس ثانيه يجون
ناظرته بعصبيه: غبي ورسلت لعبدالله انه يحرك
عبدالله رد عليها: وانتي!
ردت عليه: انا طلعت ومتوجهه للبيت بسرعه حركو خالي طلب دعم
عبدالله: نتفاهم بعدين
قفلت جوالها وتنهدت وناظرته: نواف اوعدني ماتعيدها
نواف ابتسم: تخافين علي
شهد بدون وعي: اكيدد
نواف اتسعت ابتسامته ووصلها للبيت بهدوء ونزلت يبي ينزل معاها بس مو مستعد يقابل هديل بتستلمه تحقيق جلس يفكر
شهد: مابتنزل؟
نواف تنهد: مادري ابي انزل وبنفس الوقت خايف من رده فعل هديل
شهد: ماتعرف وجهك
نواف: حافظه صوتي
شهد بإصرار: انزل وقل لها بعدين افهمك وبتتفهم ماقدر اخليك تطلع الحين خالي بيقعد يدور وبينجن
نواف ماقدر يرفض لان كلامها صح ونزل ودخل بهدوء وعينه علطول طاحت ع هديل الي متبهدلته قلبه متقطع عليها وده يروح يحضنها بس مو وقته دخلو وعلطول جاتهم تالا طايره وهي تتفحص شهد: صارلك شي اي اصابه
شهد ضحكت: وش ذا كأنك ام وش رايك تفصخيني بعد تتطمني
ضحكت تالا كانت خايفه كثير عليها: تتمسخري عليا يكلبه هذا وانا شايله همك
ابتسمت لها شهد: مافي ولا اصابه خساره ماكان في ولا شخص مدري وين اختفوا
سمعها نواف وابتسم: كانو موجودين لكن كنت اشتتهم عنكم
شهد رفعت حاجب: يعني شافوك
نواف: لا كنت ارمي حجر ع اماكن بعيده عشان يدورو بالمكان بعدين ياقزمه كيف تبين تطلعي جمانه بعدها انتي وهي اطول منك ماراح تقدري لوحدك لكن هي تقدر لوحدها لو مو انا كان رحتي وطي كلامه صح لكن شهد تنرفزت: كنت واعدتها مايصير لها شي
نواف ابتسم ابتسامه خلت موازين شهد تنقلب وصدت عنه جتهم هديل: انت وليد صح!
توجهت نظرات الكل لهديل بس نواف ابتسم: تقدري تقولين اني وليد بس اسمي نواف
هديل مسكت راسها: وشلون!!
نواف تنهد: سالفه طويله بعدين بفهمك
هديل ناظرته بضياع وتحس راسها مشوش وصدعت نواف خاف عليها: شهد خذيها ترتاح اخذتها تالا لغرفتها ترتاح فيها والباقي استلمو شهد تحقيق وكلمو مشعل وشوق وبعدها للكل نام بتعب من يوم مليان مغامرات
عند مراد ومشعل الي يبون شوق تطلع لان نواف قال لهم بيرسل لهم طياره خاصه وتجي شوق للسعوديه وهي مي راضيه تفتح لهم خايفه
شوق وهي تصرخ وتبكي: ياكذابينن والله مااطلع وافتح شفتوني بنت لوحدي قلتو نستغلها الله ياخذكم
عزام بتعب: الحين خوفك من مراد عذرته لكن انا وش ذنبي!!!
شوق: كلكمم زي بعض حقيرينن
عزام: حتى مشعل
شوق رجف قلبها: لااا هو غيرر
عزام ضحك: طيب شرايك اخليه يكلمك؟
شوق شهقت: شوف الحقير مشعل مخطوف كيف يكلمني
عزام وهو تعب منها: لحول الله اقولك مشعل طلعوه
شوق: كذااب ماصدقك
عزام دق ع رقم شهد: شهد عطيني مشعل
شهد بتذمر: عرفت الحين ليه تالا تنرفزت وماخلت شي ماقالته المهم اتصل ع الولد الي كلمك وقله يعطيك مشعل لاني مني نازله وقفلت منه ورجعت نامت وعزام عصب واتصل ع نواف ورد: صارلكم شي!
عزام بعصبيه: لاا بش بتجنني شوق مي راضيه تفتح وتطلع ولا راضيه تصدقنا
نواف: عطني ياها
عزام مرر الجوال من تحت: كلمي ذا يبيك
شوق اخذت الجوال بيد راجفه: الو
نواف بعتاب: وش فيك ياشوق من منى انتي ضعيفه كذا!
شوق شهقت: وليد تكفى تعال خذني خايفه
نواف تنهد بتعب: اسمعي كلام عزام واطلعي بياخذك للمطار وبتجين السعوديه
شوق توسعت عيونها: هديل طيب
نواف: هديل ومشعل عندي طلعناهم بس باقي انتي ومقدر اخليك هناك لان بيلقونك بسهوله اطلعي يالله بعد كم ساعه بتوصلي السعوديه مين قدك بيتحقق حلمك وتشوفي السعوديه
شوق فرحت: يلا يلا بطلع وقفلت وفتحت الباب وناظرت عزام المعصب ومدت بوزها: اسفه يلا نمشي
عزام ماعلق ومشي معاها بهدوء وراحو للمطار وركبو الطياره وطارو بالسماء ووصلت طيارتهم اراضي السعوديه وشوق تستنشق الهوا: يالله وش جمالها
عزام من وراها: امش امش شوفي الناس كيف تطالعنا وهم ماشين طلعت قدامهم عجوز معاها ورود: تبون ورد
شوق ناظرتها بحب ياحلوها: لا ياامي
العجوز وهي تناظرهم: ياحليلكم شكلكم توكم جاين من شهر العسل
انصبغ وجهه شوق بالالوان وعزام مصدوم ماقدر يرد
العجوز: خذي هالورده يابنيتي هديه مني
شوق اخذتها وهي بقمة الاحراج والمشكله مايقدرو يقولو شي لانهم فالسعوديه وراحت الحرمه وشوق تتجنب عزام وعزام يتجنبها وقفت قدامهم سياره سودا مظلله ونزل منها شاب وسيم وشوق خاقه وابتسم لها: نورتي السعوديه ياشوقي
شوق توسعت عيونها لما عرفته: وااهه ماتوقعتك بهالجمال ماشاءالله فيك من هديل كثير
نواف ضحك: اركبي اركبي ياام لسان وناظر لعزام وصافحه: مشكور والله ماوفي حقك حافظت عليها
ابتسم له عزام: مابيننا حنا اخوان وهذا واجبنا
نواف: امش طريقك من طريقي
عزام وهو منحرج: لا يااخوي بروح للاهل
نواف: افا ماتبي تتطمن ع خويك؟
عزام: الا. بس مو بهالوقت يلا اخليكم باخذ تاكسي وبروح بيتنا
نواف: براحتك وركب السياره جنب شوق: هلا بالصغيره البكايه
شوق باحراج: لا تلومني كنت خايفه اول مره تبعد عني هديل هالقد
نواف: افاا يعني غلا هديل اكثر من غلاي بقلبك!
شوق بابتسامه: طبعاا هي مو بس اختي هي امي الي ربتني
نواف ضحك: شكلي بغار من هديل
شوق: وانت بعد لك دور بحياتي ومعزتك كبيره لكن ماتتقارن بهديل
نواف: اوف اوف كل هذا حب لهديل ولي وش بقيتي لمشعل وهو يغمز
وجهه شوق صار احمر: وش عرفك
نواف: اعرف كل كبيره وصغيره بحياتكم
سكتت شوق وهي تتامل شوارع الرياض بحب و وصلو واخيرا ونزلت شوق وهي تركض للبيت ماتعرفه بس كل الي تبيه حضن هديل وشافتها وشهقت وارتمت بحضنها وبكتت وهديل ماقدرت تتحمل وبكت وراها والكل متأثر من الموقف جتهم شهد: ياهو ترا حتى حنا نبي نسلم بقو لنا
شوق ضحكت من بين دموعها وقامت سلمت ع الكل وهي منحرجه ورجعت لحضن هديل علطول والكل يضحك عليها
تالا: واضح متعلقين فبعض الله يديمكم
شوق وهي تحضن هديل بقوه: هي امي واختي واهلي كلهم كيف تبيني ماتعلق فيها
ناظرتها هديل بحب وباست راسها: الله لا يحرمني منك
شوق: ولا منك ياروحي
نواف بضحكه: خلو لي مكان بينكم طيب تراني حتى أنا اخوكم
شوق بضحكه: قلت لك من قبل مكانك محفوظ
نواف بحب وهو يحضنهم ثنينهم: ربي لا يحرمني منكم انتو مو بس اخواتي انتو بناتي
هديل: ايهه بناتك ومخبي عليهم اسمك الحقيقي
شوق عقدت حواجبها: وشو
هديل: اسمه مو وليد اسمه نواف
شوق رفعت حاجب: صدق
نواف ابتسم: شكله ماعجبك الاسم
شوق: ثنينهم حلوين بس وش السالفه
نواف: سالفه طويله ان جاء وقتها اقول لكم
ام خالد: ادخلو البيت بيتكم
نواف وهو منحرج: اعذريني بس مانبي نطول باخذهم لبيتنا بالشرقيه
ام خالد: وشوله تبعدهم هالكثر وبيتنا ماشاءالله وش كبره خل يجلسون
نواف: لا لا مانبي نثقل عليكم
تكلمت شهد: خلهم هنا الى ملكه تالا وبعدها خذهم بس انت طس
نواف ابتسم غصب عنه وهو يناظرها: افا تطرديني
شهد: ايه نعم
نواف: هذا وانا الي أنقذتك
ام خالد: لا اجلس انت واخوتك زي ماقالت شهد الى الملكه وروح وين ماتبي
نواف ابتسم لها: لا ياخالتي بخلي اخوتي لكني بروح شقتي لي شقه هنا فالرياض لكن الشقه بعماره عزابين
ام خالد: براحتك بس البنات مايخرجن
نواف: ابشري
دخلو الكل جوا وجاء نواف بيروح وجته شهد وهي طايره وصفقت فيه: احح متاكد انك مو جدار
ابتسم نواف: قولي ماشاءالله لااطيح الحين
شهد تتفل: ماشاءالله تف
نواف وهو مبتسم: لا تتفلين
شهد: احمد ربك العسل ينقط عليك غيرك يتمنى تفله مني
نواف ضحك: خفي علينا
شهد ابتسمت وارتبكت من ضحكته: نسيتني وش كنت جايه له ايه صح شكرا انك انقذتك
نواف ماقدر يخبي ابتسامته الي وصلت للسماء: ماتعرفين تعبرين
شهد: صح اني طويله لسان وعصبيه بس مااعرف اعبر ولا اقول كلام حلو الله يعين زوجي بيعيش مع زوجه ماتعرف تتغزل ولا تعبر
نواف: الا ياحظه
شهد انحرجت: يالله اتركك وانتبه لنفسك وراحت وابتسامه نواف مو راضيه تروح يحس انه بعالم ثاني وراح لشقته المتواضعه وشهد دخلت البيت وقلبها طبولل وطلعت بوجهها تالا: قفطتك وجهك محمر وتتنفسي بصعوبه وش عندك
شهد ارتبكت: انقلعي كنت اركض عشان كذا
تالا بابتسامه شيطانه: اها تركضي وانتي واقفه مع نواف اعترفي وش عندك
شهد مسكت يدها وراحو للمطبخ وهي متوتره: لحد يسمعك ياغبيه
تالا متحمسه: اييه وش صاير بالدنيا
شهد ضحكت ومشت وبدأت تغني: انا فالغرام انا دايبه صبابه وتالا تضحك عليها ودخلو عند الباقين ولقو الجو متكهرب ودخلت شهد كالعاده غيرت جو البيت كله بدقيقه وحده
ام عبدالله تناظرها بحب: الله لا يحرمنا منك ومن هالاجواء ياشهد
ابتسمت شهد لأم عبدالله: ولا يحرمني منك
جمانه: افاا وحنا مسحوب علينا يعني
ام عبدالله ضحكت: اخسي ان سحبت عليكن كلكم واحد عندي
جمانه: ايه ايه كثري منها
تالا: والله شهد تنحب وتدخل القلب بسرعه مالوم الي يتعلق فيها
شهد وجهها اشاره مرور والبنات والأمهات يضحكو عليها
تالا: افف ماعرفتك تستحين وحركات
جمانه: انا منصدمه منها هذي من متى تستحي
تالا: شايفه انتي
شهد اخذت المخدات ورمتها عليهم وجت على شوق الي كانت جنب تالا وفزت: بسمالله
شهد ماقدرت تحبس ضحكتها وقامت تضحك بصوت عالي: يابطنيي شوفو وجهها
شوق بعصبيه مصتنعه: ياكلبه تطقطقين علي
شهد انسدحت ضحك: ياويلي وجهكك
تالا ماتدري تضحك من ضحك شهد ولا تضحك من وجهه شوق وجمانه ميته ضحك هديل ابتسمت: خلاص عاد زودتوها
دخلو عليهم الشباب
نايف بدون سابق انذار: السسللاام عليكمم ياقوم
جاء من وراه عبدالله وصفقه: استح على وجهك داخل على خوياك انا
نايف: افا الواحد مايستانس
شهد: تعال يابعد تسبدي تعال تراني حابتك من اول
نايف ماصدق على الله وطيران عندها وبدلع: احميني من الاشرار
شهد وهي حابسه ضحكتها: تخبى وراي وماعليك
تالا: المشكله نفخه وحده وتطيرين
شهد: افاا بدال توقفين معاي توقفين ضدي
تالا: الحق ينقال
عبدالله: فديتت بنت عمي مو زي بعض النااس
تنحنح خالد وعبدالله ضحك: خلاص فهمنا اسكت انت ونحنحتك هذه ازعجتنا
خالد ضحك وتالا انصبغ وجهها وشهد استغلت الفرصه: اييهه مين قدك تالا يغارونن عليك
تالا رمت عليها المخده: انطمي يالبزر
ضحكت شهد: الحق ينقال
تالا: اهاا مسويه تردينها
دخل الجد وسكت الكل وراح جلس جنب تالا: كيف حالك يابنتي
تالا: الحمدلله
الجد: هاه كيف التجهيزات معك ناقصك شي
تالا تضايقت من الموضوع بس مابينت: لا كل شي تمام وناظرت عمتها ام خالد: عمتي وين اريج واحشتني
ام خالد: بغرفتها يا تلعب يا نايمه
تالا قامت وهي تتهرب من الموضوع الي انفتح ولا هي كانت نايمه عند اريج اصلا
شهد بوزت: الحين مين احارش طلعت ذي
جمانه: كنت بقول حارشيني بس الجد موجود عيب
شهد: وانا شدخلني فيه
جمانه: يابقره من باب الاحترام!
شهد: ليه مو من باب غرفتي
جمانه قرصتها: اص بس يالسامجه
شهد صرخت: ياحيوانه
الجد: علامك ياشهد
شهد مدت بوزها: جمانه تقرصني
الجد: افاا تعالي جنبي والي يقرب منك ياويله
راحت شهد جنب الجد ومدت لسانها ل جمانه وضحكو على تصرفها الطفولي بعدها راح الجد يرتاح بغرفته
جمانه بخبث: وقت الانتقام
شهد: يمه منك
عبدالله وهو يحذر جمانه: انتبهي لا تكسرك
جمانه: افا وانا بنت ابوي بنت تكسرني تخسي
شهد: نعم نعم تعالي ياحبيبتي ودي استعرض عضلاتي على أحد
جمانه قامت وهي رايحه لها: قومي قومي
نايف: اوفف امنيه حياتي اشوف بنتين يتضاربو وبتتحققق
معاذ: يايي
عبدالله: خير ياطير
هديل: اقول اقصرو الشر وياجمانه لا تستغلي شهد تراها تعبانه خير شر ماراح تقدر عليك ولا على غيرك وهي رايقه
شهد رفعت حاجب: انتي مفصفصتيني ولا وشو
هديل بابتسامه: خبره خبره ياحبيبتي
شهد: علميني من هالخبره
شوق: محد يقدر يعلمك الا نفسك يالغبيه
شهد: بالبدايه ماكنت متقصده المخده لكن الحين برميها وانا متقصده وش الي غبيه يالثوره!
شوق شهقت: وش الي ثوره يالبقره
شهد: نعم نعم مين البقره يالناقه
شوق: خيرر انتي الناقه
جمانه: كنت بوقف معك بس ماقدر لان هالقزم مايصلح ناقه قولي صرصور نمله يمكن لكن ناقه نوو
شهد بابتسامه: عادي الصرصور له هيبه أكثر من بعض الرجال ويكفي انه اذا شفتوه انتم يالبنات تفزو مخترعين
نايف بابتسامه: والله عرفت تردها لكم
هديل ضحكت: ماشاءالله مجهزه ردود
شهد: ايه نعم بعدين ياشوق تدرين اسمي واسمك قريبين من بعض المفروض حنا نصير قريبين من بعض كمان!
شوق بتفكير: بعد ردك الي تو وتعرفين تدافعي واشياء كثيره قررت اصاحبك ونتقرب
هديل ضحكت: مصلحه يعني
شوق خزتها: انطمي
شهد تربعت: مصلحه ولا مو مصلحه ماهمني اهم شي انه ودي اتعلم منها البكي
شوق طلعت عيونها: خيرر وش قصدك
شهد: انتي تبكين كثير وانا ماابكي الا سنه حسنه لذلك بتعلم كيفية البكاء منك كل واحد داخل لمصلحه والعلاقه كذا تنجح
جمانه: وهه حسيت انها علاقه زوجيه مو اصحاب
شهد ضحكت: ياشيخخه
عبدالله: بسس صدعتوني ماتتعبون من الكلام انتم!
خالد: ياخوي خلهم يكملوا عاجبني موضوعهم
شهد: ياقليل الحيا تقولها قدامنا بعد!
خالد: وش فيها لو كملتو كذا انا بتثقف بساعه وحده ماشاءالله خمستعشرالف موضوع وسالفه بنفس الوقت
شهد شهقت: وانت شعندك اذنك عندنا
خالد: والله عاد انا حر اذني اسمع بها الي ابي
نزلت تالا مع اريج الي فلتت منها وعلطول لحضن خالد: خاللددد
خالد وهو يحضنها: ياروح خالد
اريج: وحشتنيي وين رحتو انت وتالا وتركتونيي
خالد وهو صدق مشتاق لها تعلق فيها خلال فتره قصيره: كنا مسافرين ياقلب خالد وجبت لك هدايا كثيرر
اريج بحماس: صدقق حتى ماما تالا جابت لي العاب وصح جابت لي فستان وتاج قالت لي بتخليني زي سندريلا
خالد ضحك: صحح وبتصيري احلى من سندريلا
اريج بحماس وفرحه: انا احلى من سندريلا
خالد: ايه وكثيرر
اريج: اذا انا احلى من سندريلا تالا وش؟
خالد تورط: ااءء انتي اوصفي
اريج وهي تفكر بطفوليه: اممم بس تالا ماقدر اقارنها بالاميرات(وبحماس) تدري مرا هيا لبست فستان حلوو ولبست ذاك الشي امم ماادري وس اسمه بس كانت حلوهه مررااا احلى من الحلاوه
خالد ضحك من براءتها: اما احللى من الحلاوه
اريج: ايوا عشان كذا هي احلى من الاميرات كلهم هي زي الملاك صح؟
خالد بنفسه اشهد انها احلى من القمر والقمر غار منها: صح ماتبين تشوفي الي جبته لك؟
اريج: الا
قام خالد ومعاه اريج وناظر لتالا وابتسم لها وهي نزلت راسها بسرعه
بعد مرور يومين وماصار فيه اشياء كثيره بس تقربو البنات من شوق وهديل وصارت علاقتهم حلوه وتعرفو عليهم هاجر ولويا بس هديل كانت اغلب الوقت هادئه وبارده بس مع شهد سبحان الله تصير وحده ثانيه وصارو العيال اغلب وقتهم برا أو بجناحهم عشان البنات ياخذو راحتهم
بليله الملكه:
كانت جالسه بفستانها الاحمر الي اختاره خالد لها ماكانت خايفه بس كانت متوتره وباين البرود عليها بشكل الأمهات شكو انها مغصوبه
فستان تالا:
