اعذروني على الاخطاء الإملائيه💛💛💛.
______________
صبااح يوم جديد طبعا جهزو اغراضهم لان رحلتهم الليل وقعدو يتمشو كلهم ومعهم عزام ومشعل سحبو عالمدرسه
مشعل وهو يحضن شهد من جنب وهم يمشون: افاا بتروحين وتتركيني بهالسرعه توقعت بتجلسين شهر زي دايم
شهد تنهدت: انت عارف بالظروف حاليا وماهي زي اول لازم اشتغل واكشف خالي على حقيقته
مشعل باس راسها: فخري
شهد بثقه: من يومي
ضحك مشعل
وهم ماشين صادفو هديل وشوق وشوق حضنت شهد: سمعت انكم مسافرين
شهد ابتسمت: شفيكم انتي ومشعل كل واحد يضمني ونفس السؤال وبغمزه، لهدرجه قلوبكم عند بعض مشعل اكتفى انه يناظر شوق بابتسامه وشوق استحت: دبه بشتاق لك
هديل: افاا وانا مااكفي
شوق بمزح: عاد انتي كل ذي السنوات والشهور معاي وبتضلين خلينا مع الوجوهه الجديده والزينه
هديل ضحكت: كاني انجحدت
شهد ضحكت: انجحدتي وبقوه
هديل: الله كريم وناظرت عزام، كيفك عزام غريبه مالك حس بالعادة اشوفك اول واحد تسولف وتقرقر
شهد وهي حابسه الضحكه: كان يسولف من شوي بس فجاء سكت شكله مستحي يسولف قدامكم
عزام بقق عيونه: اوفف تتبلى قدامي بعد ياكذابه استحي من وش!!
شهد وهي تناظر هاجر: احسبك زي بعض من صحو من النوم وهم ساكتين وخدودهم محمرا
هاجر عرفت انها تقصدها وناظرتها بنظره حاده وشهد انفجرت ضحك تكلم مشعل: الله يشفيكِ بس امشو نكمل شرايكم تجون معانا هديل وشوق
هديل بتعب: خذو شوق معاكم انا بروح للبيت ارتاح
عزام باهتمام واضح: شفيكِ ترا باين التعب عليكِ
هديل ابتسمت له: لا عادي فيني نوم واذا نمت وقمت تلقاني بخير
عزام ماقتنع: بوصلك
هديل: لا بدق عالسواق وبعدين انت عارف الحراس موجودين
عزام: لا مافي بجي معك اوصلك وبلا عناد وامشي
هديل باستسلام: تمام يلا وسلمت عليهم وراحو
تالا مسكت يد شهد وضغطت عليها شهد استغربت وبهمس: شفيك
تالا بضحكه: هذي طاقه لك عشان ماتتنرفزي
شهد عقدت حواجبها: ليه اتنرفز
تالا: ناظري قدامك عشان تعرفين ناظرت قدامها ولقت نواف واقف مع عبدالله ويسولفو توترت جت عندهم هاجر: شفيكم مصنمين ومفهين بالولد له له له ثنينكم تخقون مايصلح ترا خلو وحده فيكم تتخلى عنه
شهد ناظرتها بحده: اخر عمري اعجب بواحد منحرف نفس ذا
هاجر ضحكت: عجبتني منحرف
شهد تغير الموضوع: اوهه اخيرا خدودك رجعو طبيعين واختفى الحيا الي بوجهك
هاجر حطت يدينها ع خدودها: لهدرجه كان باين
شهد: اي لما نمتي وجيت عندك وجهك كلو كان احمر ولما صحيتي كانت خدودك محمرا ودحين اشوفه خف شوي
هاجر بضيق: افف كله من اخوك تقولين عن الناس منحرفه واخوك اكبر منحرف
شهد ضحكت: والله مالومه شكلك لما تبكين وخدودك تحمر تصيرين لطيفه وزين انه اكتفى ببوسه بس
هاجر استحت: كلي تبن برضو يضل منحرف
شهد وهي تناظر حسين الي صار يسولف مع نواف وعبدالله وكل شوي يخطف نظره لهاجر: والله بديت اخاف ع اخوي صار مايشيل عينه عنك
هاجر بصرخه خلت الكل يطالعهم: ششههددد
نواف ناظر لشهد ع طول وابتسم لها وعبدالله لاحظ وناظر لشهد تلقائي: كيف حالك شهد
شهد بهدوء: بخير
نواف: كأنك هادئه اليوم
شهد ابتسمت ابتسامه سخريه وبهمس: هو الي يشوف وجهك يصير له نفس لشي
تالا الي كانت جنبها ماقدرت تحبس ضحكتها وانفجرت ضحك وقرصتها شهد: اصص فضحتينا
نواف: ضحكونا معاكم
شهد: ماقد سمعت ان اللقافه شينه؟
نواف ابتسم ابتسامه حلوه وهو يناظرها: اللقافه تحلى مع ناس وتشين مع ناس
عبدالله الي كان جنب نواف يصرف مايبي يكثر واصلا واضحه نقزات نواف: ههه اي نواف متى راجع للسعوديه ان شاء الله
نواف حط يدينه بجيوبه: اليوم رحلتي
شهد بهمس: عسى الطياره تطيح معاك
عبدالله: اماا حتى احنا رحلتنا اليوم بالليل
نواف ابتسم: صدق حتنا بالليل
شهد شهقت: استغفرالللهه
تالا تضحك عالصامت وهاجر كاتمه ضحكتها
جمانه وهي تناظر باستغراب: شفيكم وحده ميته ضحك والثانيه كاتمه الضحكه والثالثه تشهق وتستغفر انهبلتو انتو؟
هاجى ماقدرت تمسك نفسها وانفجرت ضحك وتالا وراها قامت تضحك وشهد ضحكت من ضحكهم وجمانه غصب عنها ضحكت وشوق قامت تضحك لان ضحكتهم تضحك (تخيلو معايا كلهم يضحكو حتى انا وانا اكتب قمت اضحك والله😭)
العيال يناظرونهم وعلامات الاستغراب فوق راسهم بس ابتسمو وهم يشوفونهم يضحكو
مشعل وهو مبتسم: احم احم نحن هنا ضحكونا
سكتو البنات وشهد تناظر مشعل ببراءه: ماتخلون الواحد يتهنى بضحكتو حتى؟
مشعل: لا ابد شوفو كيف تضحكو الي يمشي من عندكم يحسبكم هاربين من مستشفى المجانين، دقيقه وش مسوين انتو من مصيبه اعرف البنات مايضحكو مع بعض الا اذا مسوين شي
شوق: لاا مالي دخل ضحكتهم خلتني اضحك ولا انا مدري عن شي
جمانه: انا كنت اشوفهم صامتين وذي"اشرا ع شهد" تشهق وتستغفر وذي"اشرت ع هاجر" كاتمه الضحك بمكانها والثالثه ميته ضحك عالصامت ولما سالت قامو يضحكو وضحكت معاهم
مشعل طير عيونه: الحين انتو الثنين ضحكتو وانتو ماتدرون عن شي هزو راسهم معبععض: الله يخلف على عدوينكم
حسين جاء جنب مشعل وحط يدو ع كتفه: خلهم يضحكو يقولون الضحك يزيد من نسبة الجمال
شهد: احمم يااخوي العزيز تدري انه يقولو لما تشوف الي تحبه يضحك تلقائيا تجيك نقزات بقلبك
حسين وهو حاط يده ع قلبه ويناظر هاجر: اوفف اساليني انا عن ذا الشعور
جاء عبدالله سحب حسين: اقول امش وبلا دراما مسويلي فيها روميو
حسين: استهدي بالله ياشيخ خلنا نتفرج ع الوجيهه الحلوه احب اشوفها مستحيه
عبدالله وقف: منهي
حسين ضحك: شدخلك
نواف وهو جنبهم ضحك: الحين كل هالنظرات وحيا البنت ماعرفت مين يقصد افا ياعبدالله
عبدالله حك راسه: لا صدق مانتبهت
مشعل وخالد جو سحبوهم والبنات وراهم وجلسو بمطعم
شهد: يميمم ابغى اجرب كل اكلاتهم
جمانه: كلي كلي لين تسمنين
تالا ضحكت: اوف اتخيلو معايا شهد دبه وخدودها مليانه
هاجر: لا تتعبو نفسكم مهما تبلع ماتسمن
شهد: تف تفف اللهم لاحسد بعدين تعالي مسويه طالعه منها
هاجر: ماقلت شي ويي
جمانه: ودي اشوفكم تتخاصمو وتقومو تشدو شعور بعض زي بعض الاخوات
شهد قامت ووقفت على الطاوله: تعالي هجوره بتضارب
حسين انخرش: اعوذ بالله اللهم سكنهم مساكنهم حنا طالبين بقره عشان نأكلها ولا كيف شجاب ذي
شهد ناظرته بصدمه: يالكلبب
مشعل بضحكه: عاد ليت فيها لحم مابها الا عظام
شهد ناظرت مشعل وهي مكشره: اييه هينن ونزلت من على الطاوله وكانت واقفه قدامها: من اليوم قررت اسمن واوريكم
هاجر: من السنه الي راحت وانتي تقولينه
شهد جت بتتكلم بس في واحد صدم فيها وكانت بتطيح وكان اقرب لها نواف ومسكها وبسرعه غطاها وخالد لما شاف نواف غطى شهد والرجال الكثار الي دخلو حضن تالا الي كانت جنبه وصارت غير مرئيه وجمانه خبت وجهها ورا هاجر وعم الصمت وبعد دقائق ساب خالد تالا وهي متنرفزه: خيرر ايش صار بس قاطعهم صراخ شهد الي فكت نفسها غصب من نواف: نعمممم ميينن سممحح للكك
نواف: اس..
شهد: ولاا كلمه
نواف تنرفز: اسمعيني بالاول
شهد بعصبيه: مانيي سامعتك وش ذي حركات المراهقينن خيرر
نواف وهو يحاول يكون هادئ: لا تحكمين وانتِ ماعرفتي وش بقول
شهد: لااوالله وش احكم عليه ذا التصرف يعني ماشاءاللله
نواف: ي...
شهد قاطعته: قلتت ولا كلمهه
نواف تنرفز صدق وقام مسكها من معصمها وغطى فمها عشان يعرف يتكلم وبصراخ: اسمعيني بالاول يابنت الناس اول شي انتي طحتي علي وغطيتك لان رجال خالك موجودين هنا و واحد منهم الي صدمو فيك لكنه مانتبهه لك وشوفي حتى خالد غطى تالا لانهم لو شافوكم بيعلمو خالك واكيد بيخطفوكم فهمتيي ولا باقيي بتاكليني
شهد مصدومه اول شي من قربه وثاني شي من الي قاله ومهي مستوعبه وعم الصمت مره ثانيه وهي تناظر نواف
عبدالله تنرفز من شكلهم: خلاص حصل خير ياجماعه
شهد استوعبت اخيرا وبعدت عن نواف باحراج وعطته ظهرها وبصوت اقرب للهمس: اسفه و مشت وهي منزله راسها
هاجر وهي تناظر ظهر شهد الي رايحه: وين رايحه
نواف: بروح اشوفها وجاء بيمشي بس سبقه عبدالله: انا بشوفها اجلس انت بتعصبها ثاني وماخلا له مجال وراح بسرعه ونواف جلس وهو متنرفز
خالد همس لتالا: اسف كان غصب عني
تالا ابتسمت له: مو لازم تتاسف المفروض اشكرك
خالد فرح من جواته بس مابين: مابيننا شكر
تالا ضحكت: طيب اذا مابيننا شكر فمابيننا اسف صح؟
خالد ابتسم: اي
تالا: اجل لا تتاسف
خالد: حاضر
تالا لفت تسولف مع هاجر وجمانه وخالد يتأملها صارت تعطيه وجهه مو زي قبل سافهته يعني في تغير والباقي قامو يسولفو الا نواف كان سرحان وانسحب من عندهم بهدوء
عند شهد كانت تمشي وتحس انها معصبه على نفسها وتبغى اي شي تفرغ عصبيتها فيه وجاء واحد يغازلها: مرحبا ايتها الجميله
شهد مالها خلق للسخافه: ماذا تريد
الولد: ماذا تقصدين ب ماذا اريد
شهد تكتفت: نعم لماذا لحقتني وجئت للتكلم معي
الولد: اظن انني معجب بكِ واريد رقم هاتفك إذ لم تمانعي؟
شهد: وان رفضت ماذا سيحدث
الولد: لم افكر بالأمر بعد ولكنني متاكد انك لا تمانعين
شهد رفعت حاجب: ومالذي يجعلك واثقًا هكذا
الولد قرب منها وجاء بيحط يده ع خدها لكنها كانت اسرع منه ولوت يده: انا احذرك لا تلعب معي
الولد وهو يتألم: اتركيني ايتها المتوحشه
شهد تركته وبابتسامه سخريه: نعم اذهب الى ماما ولا تعبث معي
الولد عصب وقرب يبي يعطيها كف لكنها كانت اسرع منه وسدحته بالارض: اوب اوب اظن انك لم تتعلم ماذا عواقب ان ترفع يدك ع فتاة مثلي
الولد وهو معصب: انتي مجرد فتاة ضعيفه لن تستطيعي هزمي
شهد ضحكت ولوت يده بقوه: ومالذي انا أفعله الآن؟ أتريد ان تصبح مهزله امام كل هذا العالم ام ماذا
الولد: اتركيني دعينا نتفاهم
شهد تركته وتكتفت: ماذا لديك
الولد: ويده على يده الثانيه: لاشي سوف اذهب وراح ركض وشهد تنهدت ولفت بتمشي شافت عبدالله قدامها وواضح العصبيه وجاء بيتكلم: شهد ايش.. سكت لما حس يدينها تلتف حولينه وحضنته وماعرف ينطق بحرف صدمته المسكين حتى ماقدر يبادلها الحضن جلست حاضنته لوقت وبعدها استوعب وبادلها الحضن وبهمس: انتِ بخير
كانت هادئه بس شاده على حضنه وخلاها ع راحتها وبعد مرور وقت بعدت عن حضنه وابتسمت: اسفه وضحكت لما شافت وجهه كيف كان: تحقق حلمي وشفت ولد مستحي من بنت
عبدالله ابتسم لضحكتها وحس بالراحه: ومين قال اني مستحي منك يالخبله
شهد: شوففف وجهك
عبدالله: لا ذا مهو حيا ذا خرشه كنت معصب وفجاء خرشتيني احسب صار فيك شي
شهد بضحك: رقع رقع
عبدالله: امشي امشي كلهم خايفين عليك هناك
شهد سكتت: كلهم؟
عبدالله مايدري ليه حس انها تقصد نواف: ايه كلهم ومشى ومشيت وراه ولا واحد فيهم درى بالنار الي شبوها وراحو جلسو وكان الاكل واصل ونطت شهد: اللههه وصل الاكل
هاجر نقزت: سكنهم مساكنهم ذي منين جت
حسين: بسم الله على قلبك
مشعل الي كان جنبه قرص رجله: اثقل ياولد فضحتنا بين العرب
حسين: كيف تبيني اثقل وذا الوجهه الملاكي قدامي ياشيخ زين اني ماسك نفسي وماقمت تهورت
مشعل: استهدي بالله ايش هذا الكلام ماربيتك على كذا
حسين اكتفى بابتسامه وهو يتأمل هاجر
شهد وهي تدور بعيونها ع نواف: اييهه بالله شرايكم فيني وانا اسوي دراما
هاجر: مراا يع مو لايق
شهد شافته جتي من بعيد ونطت بسرعه: شوي وجايه وراحت تركض ووقفت قدامه حتى هو انخرش بس ضل ساكت ويناظر ببرود وهي ناظرته ببراءه: عادي اتكلم
نواف: تكلمي
شهد: هنا؟
نواف حط يدينه بجيوبه: وين المشكله عادي
شهد ميلة فمها: لا ومسكت يدها وجرته وهو ساكت وراحو لمكان هادئ ومافي ناس كثيره: ااء معرف كيف ابدا بالموضوع لان ولا مره قد صارلي موقف زي هذا نواف ساكت يسمع لها وهي كملت: اسفه عالي صار ادري احرجتك قدامهم بس ماكنت داريه عن شي وعصبيتي كانت طاغيه عليا
نواف: مو مشكله خلصتي؟
شهد باستغراب: ايوا
نواف: تمام وجاء بيمشي وشهد مستغربه مسكت يده: اصبر
ناظرها: ايش
شهد: زعلان؟
نواف وهو يحس بينفجر: من ايش
شهد وهي للحين ماسكه يده: من الي صار يعني من ايش
نواف: قلتلك مو مشكله يابنت الحلال وماني زعلان
شهد: بس انا احسك زعلان
نواف بنرفزه: زعلان ايه بس من شي ثاني والافضل اني ماتكلم وجاء بيمشي لكنها وقفت قدامه: لا تكلم من ايش زعلان ومعثب
نواف كان متنرفز عالاخرر ومسكها من كتفها بقوه وحطها عالجدار وحط عيونه بعيونها: تبين تعرفي ليه معصبب روحي لعبدالله اساليه يمكن يعرف، لماا اكون اناا تعصبي وتصرخي وتهيني لكن لما يكون عبدالله انتيي الي تروحي له وتحضنيه بس نوافف تحسينه شي مقزز صححح
شهد مصدومه: لالا انت فاهم غلط
نواف صفق الجدار الي كان وراها: ايششش الليي فااهمه غلط
شهد حست بخوف لاول مره بحياتها تخاف: ن.ن.و.ا.ف
نواف حس برجفتها وخوفها ميل راسه ع كتفها وسكت وهي ماتحركت جلسو كذا لثواني وتكلمت هي: لما جاني عبدالله كنت محتاجه اي حضن ارتمي فيه يعني حتى لو كان خالد او ايًا كان حضنته مو عشان شي ثاني، كان ساكت ومارد عليها وخافت عليه: ن.و.ا.ف
نواف رفع راسه: يعني لو جيت انا بذيك اللحظه كانت بتكون ردة فعلك نفسها وبتحضنيني ولا تصرخي كلعاده؟
شهد ناظرت عيونه الحمرا: كانت بتكون نفسها
نواف ابتسم: طيب اعتبري انو الحين انتي بنفس الموقف
شهد قطمت حواجبه: ها؟
نواف حضنها سكتت شوي ورفعت نفسها وبادلته الحضن وجلسو لثواني وبعد عنها وضحك: طلعتي قصيرهه
شهد: انت الي طويل
نواف حط يدينه بجيوبه: مشينا الاكل بدأ يبرد
شهد ابتسمت: يلا بس ترا ماغيرت رايي فيك للحين من يوم الزواج ومشت بسرعه عنه وهو ضحك
النهايه
____________&&&&&
اعتبرو هالبارت بدايه لرجعتي وبما اني تاخرت كثير ماحبيت اتاخر زياده ف التنزيل عشان كذا نزلت هالبارت ادري مو مراا حلو ومافيه احداث مشوقه لكن اوعدكم البارت الجاي يكون احلى من ذا بكثيرر ورمضان كريم مقدما❤️❤️
