اعذروني ع الأخطأ الإملائيه ♥️♥️.
_________
عند بقية ابطالنا
وصل الجميع إلى البحر لكن كانو متفرقين
لويا بتحلطم: ايه زين لو ثاني مره طاوعتهم وطلعت معاهم
علي من وراها: وانتي ماغير تتحلطمين بتمشين ولا نتركك هنا
لويا بنرفزه: مايخصك
فرح: اعصابك اكلتي اخوي
لويا: بزق انتي واخوك
فرح كتمت ضحكتها: مرا منفسه الاخت
لويا: ولو ماسكتي بطلع حرتي بك
فرح: افا انا خويك الي ماخلاك تسوين فيني كذا هذا جزاي تاركه زوجي وجايتك؟
لويا: ايه مو لسواد عيوني تلقينه رفض او مشغول
فرح ضحكت: جبتيها بس معليه
لويا بعصبيه: دقي ع هالحيوانات لاارجع
علي ببرود: وكيف ترجعين
لويا: ب السياره
علي: ومنهو الي بيرجعك
لويا رفعت حاجب: انت
علي يقلدها ورفع حاجب: صدق انا!
لويا: يب
علي: مابرجعك طبعا
لويا: احسن بطقاق مشت عنهم وهي معصبه كانت معصبه من قبل والحين ارتفع ضغطها بسبب البنات
عند هديل وشوق ومشعل
شوق: بس انا ابي اجلس معاها
مشعل: وانا ابغى اتمشى معك شوي
شوق: مابتركها لوحدها اكيد
مشعل: ياربي منك اتصلي على لويا وفرح يجونها وامشي معاي لااشيلك
هديل بضحكه: تخيلي عاد يشيلك بوسط البحر فشله
شوق بكبرياء: وين الفشله عادي حبيب قرر يشيل حبيبته
هديل بجديه: اقول اعقلي قال حبيب يشيل حبيبته قلة ادب
شوق ضحكت: توها تضحك وتطقطق ودحين قلبت جديه
مشعل: جديه ولا عميه
هديل: طبعا واكيد وابصم لك بالعشره انها ماتضحك
شوق ضحكت: بس عشانها منه هو تضحك
هديل: ماعرفت اربي اي والله
شوق: كلمتهم وقالت أنهم جاين عندنا بس شكله لويا بتقتل بعض الناس
هديل: ياليتك من ضمنهم
شوق: عادي بتمصلح عندها
هديل: ماكون هديل ان ماعلمتها
شوق: اخخ من خيانة القريب قبل الغريب
هديل: ليتك ماتتفلسفين
شوق: صح والله أتفق بس ايش اسوي
هديل: جاو
شوق: يهلا يهلا القمر جانا
لويا بعصبيه: ابعدي لاارميك بالبحر
شوق بصدمه: اوف لهدرجه والله لو انهم قاتلين لك احد
لويا: انقلعي انتي الثانيه خابره حركات المصلحه دي وانك تبين تروحي مع مشعل روححي
شوق بضحكه: مين زعلها علموني
فرح بهمس: علمي علمك طول محنا بالسياره منفسه ودحين عصبت علينا
شوق: اجل انا اترككم ف أمان الله ومشت ومشي جنبها مشعل ومسك يدها: وحشتيني
شوق بابتسامه: وحشتني اكثر
مشعل: متى تصيرين لي يااربيي
شوق بحزن: لازم ننتظر نواف
مشعل رفع يدها الي ماسكها وباسها: راح يقوم ويسلمك ليا يازوجتي الحلوه
شوق استحت: مشعل عيب
مشعل: لكني ماسويت شي ولا قلت شي
شوق ضحكت: يانصاب مسوي بريئ
عند حسين وهاجر كانو جالسين قدام البحر بضبط وحسين حاضن كتوف هاجر: بردانه حبي؟
هاجر برجفه: لا عادي
حسين باس خدودها الثنين: اي ياكذابه مو بردانه وانتي ترجفين
هاجر بحيا: حسين خلاص عاد مو كذا
حسين: ها شلون؟
هاجر: مو قدام الناس
حسين: كيفي زوجتي حر!
هاجر: بس ماصرت زوجتك بالكامل
حسين مسك يدينها الثنين: قريبًا حتصيري زوجتي بالكامل
هاجر استحت ونزلت راسها واكتفت بابتسامه تعبر عن حبها
كملو سهرتهم كذا مابين حب ومحارشات وعصبيه ولعب وضحك ورجعو البيت كان هدوء
هاجر باستغراب: تتوقعو شهد نامت؟
هديل: مومن عوايدها
شوق: ممكن من التعب ياحياتي هي تعبت حيل
لويا تركتهم وطلعت لغرفتها بدون كلام هاجر باستغراب: وهذي أشبها
فرح: محد يدري المهم يلا سيو بنات كلهم ودعو بعض وكلن على غرفته
عند خالد وتالا
خلص الفلم الي كانت تتابعه تالا اتثاوبت وطالعت جنبها لقت خالد نايم قامت بشويش ووقفت قدام وجهه ومسكت وجهه بين يدينها وابتسمت وباست راسه وجت بتبعد بس هو مسكها وبصوت مليان نوم: دايم بنام وانتي صاحيه اذا كل يوم بحصل بوسه
تالا بهمس: قوم نام بالغرفه
خالد بنعاس حضن خصرها وحط راسه على صدرها بدون مايتكلم تالا ابتسمت وصارت تمسح على شعره: ياحبيبي ادري انك تعبان بس لازم تقوم الغرفه كذا بتتعب نفسك
خالد فتح عيونه وبعد راسه وطالع فيها: وش قلتي
تالا: بتتعب نفسك
خالد: لالا قلتيها ببدايه كلامك
تالا باستغراب: لازم تقوم؟
خالد: قبلها
تالا استوعبت الي قالته وانحرجت: ماقلت شي
خالد: الا قلتي وطيرتي النوم من عيوني
تالا وهي تتجاهل الموضوع: بسوي مكرونه تاكل معاي؟
خالد تثاوب: اي جيعان
تالا بابتسامه: دقايق وتجهز
خالد: تبين اي مساعده؟
تالا: امم لا بس جهز الصحون والطاوله
خالد: تمام وقامت تالا تقطع الخضار وخالد يجهز الطاوله والصحون زي ماقالت ولما خلص وشافها لسه ماخلصت: تبين حاجه ثانيه
تالا: تعرف تقلي؟
خالد: ايه شوي
تالا: تمام تعال اقلي الدجاج جا جنبها وصار يقلي وهي كملت المكرونه وخلصت واخذت القلي منه وقالتله يجلس وكملت البقيه وودت الاكل الطاوله
خالد بحماس: يميي الريحه تشهي والشكل يشهي اكثر
تالا ابتسمت: يلا سمي بالله
خالد اكل اول لقمه بحماس وانحرقت شفايفه: احح انحرقت
تالا ماتت ضحك عليه سوا نفسه زعلان: انا اتألم وانتي تضحكي
تالا قامت وجلست جنبه: فين الحرق
خالد: هنا
تالا طالعت بالمكان: لا عادي مافيه شي بس تتدلع
خالد: الا مره يحرقني
تالا: خلص اكل ورطبها
خالد: لالا مايحتاج
تالا حطت اصبع على المكان: مرا يحرق؟
خالد بحب: شكله خلاص راح الحرق
تالا: شلون
خالد: حطيتي يدك ف راح
تالا ابتسمت ورجعت جلست مكانها وصارت تاكل وخالد شوي ياكل شوي يطالع فيها لين توترت: خالد بطل تطالع فيني وترتني ماعاد عرفت اكل
خالد: الحين مانعتني من القرب تمنعيني من النظر ليه
تالا: بس ابغى اكل ومااعرف اكل لو احد قعد يطالع فيني
خالد: شكلي بروح المستشفى هناك اقدر اناظر بكيفي ويمكن القرب مسموح بعد
تالا تذكرت الدكتوره: أحسن روح
خالد: جد؟ بس اشوف عيونك تقول غير كذا وقلبك يقول غير كذا
تالا: وش يقولون اجل
خالد ابتسم: يقولون ياخالد لا تروح حنا نبيك
تالا قامت واخذت صحنها وقبل لا تمشي: اجل اسمع الكلام ومشت وخالد طيران وراها للمطبخ: اسمع كلامك ولا كلام قلبك وعيونك
تالا طالعت فيه بنص عين: وش رايك
خالد باستهبال: اسمع كلامك انتي
تالا قربت منه: جد؟
خالد: اي
تالا وقفت قدامه وبهدوء: انا وش قلت طيب
خالد قلبه بدأ يدق: قلتي اروح
تالا حطت عينها بعينه ومسكت يده حطتها جهة قلبها وخالد مركز معاها ولصقت فيه وبهمس: هذا يهون عليك؟
خالد بلع ريقه ماتوقع الحركه منها: لا مايهون ولا عيوني بترضى تطالع بغيرك
تالا ابتسمت وبعدت عنه بسرعه: ادري بس كنت اختبرك
خالد بصدمه: تلعبين بمشاعري
تالا: انت الي بدات
خالد: يعني اعتبر هذا اعتراف؟
تالا: طبعا لا
خالد: ودي اصدق لكن قويه ولف وحط يده ع قلبه واخذ نفس طويل وزفره
تالا خافت عليه جت: شفيك
خالد: مافي شي
تالا: خالد! تخبي علي
خالد بابتسامه: مو شي مهم
تالا: خالد!! قول
خالد ضحك: اخاف اتكلم وتشردين
تالا: قول
خالد مسك يدها وحطها جهة قلبه: لما قربتي مني بالشكل ذا وقرب منها وحط عينه بعينها (نفس الي سوته بس الفرق هو الي حاط يدها جهة قلبه): وقتها حسيت قلبي بيوقف من كثر الدق والاكسجين والروئيه انقطعت ماشوف الا انتي وماسمع الا صوتك وصوت دقات قلبي الي كان بيخرج من مكانه
تالا ماعرفت شتقول من الاحراج: احم بعد بغسل المواعين
خالد ابتسم لانه عرف انها انحرجت وماعرفت شتقول وقامت تصرف بعد عنها ودخل الغرفه وهي راحت تغسل المواعين وتهوي على نفسها تخفف عنها الاحراج ولما خلصت راحت لبست من بجايمها وانسدحت جنب خالد الي كان مغمض عيونه طالعت فيه وابتسمت وقربت حطت يدها عند قلبه وبقلبها: ياحظي بالقلب ذا بعدت يدها وباست جهة قلبه وحطت راسها على صدره وغمضت عيونها
خالد ابتسم ابتسامه عريضه وكمل يسوي نفسه نايم و لما حطت راسها على صدره انتظر شوي وحضنها وتنهد ونامو ثنينهم
صباح يوم جديد على ابطالنا
نبدأ عند شهد وعبدالله
صحت وراسها تحسه بينفجر وثقيل وحست في يد ماسكتها فتحت عيونها بصعوبه وطالعت الي بجنبها وحاولت تستوعب طالعت لبسها وصرخت صرخه خلته يفز: ياحقيييرر
عبدالله بخرشه وصدمه: شصارر
شهد لمت الشرشف على نفسها وهي تحاول ماتبكي وترجف: ا. ن. ت ش. ش. م. س. و. ي
عبدالله صدمته ماكانت اقل منها جلس ع الارض يحاول يتذكر الي صار
"نرجع لورا "
بعد ماطلعت العامله اكل ولما خلص قام لعندها
عبدالله: شهد كيف تشوفين نفسك الحين؟
شهد: اوهه عبدالله الدنيا قاعده تدور هههههه
عبدالله ضحك: اي انتِ بملاهي
شهد قامت بصعوبه مسكت تيشرته وفقدت توازنها ومسكها من خصرها: هي هي هدي منتي بوعيك
شهد حطت راسها على صدره وفقدت الوعي عبدالله حس بثقلها وشالها وهو بيحطها ع السرير حس بدوخه وفقد توازنه وطاحو ثنينهم ع السرير
هذا اخر شي يتذكره قعد يحاول يفتكر بس ماقدر صحاه من سرحانه صرخت شهد
شهد: عبدالله اكلمك انا انت شمسوييي وبدأت دموعها بالنزول، انا. انا كنت واثقه فيك بس طلعت حقير زي الباقيينن
عبدالله قام من الارض وراح جنبها: شهد صدقيني ماسويت شي انا اصلا ماتذكر شي كنت اكل وانتِ تعبانه خليتك ترتاحين بسريري بس بس مدري مااذكر شي شهد صدقيني انا مستحيل اخون ثقتك
شهد صارت تبعد عنه وهي تبكي: لااااالااا مستحيل انت تكذب تكذبب كيف ماتتذكر شي والحاله هذي الي صحيت فيها شنو تفسرها هااا شنوو
عبدالله مسك يدينها: شهد وحياة امي اني ماسويت شي ولا اتذكر شي صدقيني تكفين
شهد سحبت يدينها عنه بقوه وصارت تضربه: لاااالالااا انت حقير زيهم كلكم تفكرو بمصلحتكممم الللهه ياخذك اللله ياخذك ياحقييرر اهه وصارت تبكي بشكل هستيري وهي تضربه: ليش ليششش انا شسويت لك عشان تسوي فيني كذا كنت اثق فيك وبكل شي اجي استشيرك ليشششش سويييتت كذذاا ياعبدالله ليششش
عبدالله دمعت عيونه من انهيارها ومن الاتهام الكبير حضنها يحاول يهديها: شهد تكفين صدقيني انا مالي ذنب انا ماسويت شي انا للحين قد ثقتك شهد صدقي كلامي لو لمره صح ماله تفسير الي صار بس عطيني فرصه تكفين شهد
شهد بشهقات وهي تحاول تبعده عنها: وخرر عنيي وخخرر مستحيل ارجع اثق فيك اتركنييي
عبدالله شد عليها: شهد لا تظلميني انا ماسويت شي صدقيني ماسويتت
شهد دفته بكل قوتها: اثبت لي انك ماسويت شي عشان مااظلمك
عبدالله بضياع: راح اثبت لك بس عطيني فرصه
شهد ودموعها ينزلو: اذا مااثبتت لي خلال يومين ماراح يصير شي يعجبك ودخلت الحمام الي بغرفته وقفلت الباب وجلست بالأرض وصارت تبكي وعبدالله جلس بالارض ومسك راسه يحاول يتذكر وفجأه تذكر انه شهد كانت دايخه لما راح لها وكان في كأس عصير جنبها وهو ماحس بالدوخه الا بعد ماأكل راح بسرعه اخذ تيشرت ولبسه ع السريع وهو يحاول يتذكر اكثر
خلونا نروح لعند الحلوين ونرجع لهم بعدين
كلعاده صحت تالا من ازعاج خالد
تالا بنعاس: خالد
خالد بروقان: لبيه
تالا وصوتها مليان نوم: ماتتوب انت؟
خالد ضحك: لا
تالا لفت عليه وفتحت عيونها وهي لسه نعسانه: اريج تبغى نجيب طفل وانت موجود
خالد ابتسم لان لما لفت وجهها صار قريب من وجهه: انتِ عطيني الضوء الأخضر ويجيك احلا طفل وانا اصير كبير
تالا غمضت عيونها ورجعت نامت وخالد ضحك قرب وباس راسها: ان ماقمتي حأخذ راحتي
تالا بنوم: تأخذ راحتك بأيش
خالد: بالبوس
تالا دخلت بنومه وماردت خالد بابتسامه: السكوت علامه الرضى وباس خشمها وخدودها ومسك خصرها ورفعها وهنا قامت وهي لسه نعسانه كشرت بوجهه: هاا
خالد: شنو هاا
تالا بوزت: خلني انام
خالد: نامي قلت شي انا
تالا: مسوي ازعاج كيف انام
خالد: خليني اخذ حقي
تالا بصدمه: شنو حقك
خالد مات ضحك: انا قلت ان ماقمتي حأخذ راحتي
تالا وجهها قلب احمر وصارت تحاول تبعد يدينه الي ع خصرها: قليل ادب فكني
خالد رجع ضحك: ماكملت كلامي طيب قلت اخذ راحتي بالبوس لا يطير تفكيرك
تالا ناظرته: برضو قليل ادب
خالد: انتي رجعتي نمتي الحين لازم اخذ حقي بالبوس
تالا طيرت عيونها: ان قربت وبستني راح اعضك
خالد: جد؟
تالا هزت راسها ب اي: وانا قد كلمتي
خالد بأس خدها: اشوف عضيني تالا قربت عضت خده عضه خفيفه وانطلقت منه ضحكه: هذا بس الي تقدرين عليه
تالا بوزت: جزاتي مابي اشوهه وجهك
خالد: لا يشيخه
تالا: تبغى اقوى؟
خالد جته فكره: اي بس بعدين لا تقولين قليل ادب
تالا: ليه
خالد: كذا
تالا قربت بتعض خدها بس هو لف وجا فمه ع فمها ماشاف ردة فعل منها شدها عليه واستمرت البوسه لأول مره بدون مقاومه من تالا بعد عنها بشويش وطالع بوجهها كان محمر ومغمضه عيونها ابتسم ابتسامه هادئه: من يوم تزوجنا للان هذي احلى بوسه حصلت عليها
تالا فتحت عيونها وطالعت فيه خالد: لا تطالعيني كذا
تالا نزلت عيونها وهي تحاول تخفي ابتسامتها خالد ضحك: شفتك شفتك ابتسمي تالا ضحكت لااراي
خالد حط يده ع قلبه: يويليي لا البنت ناويه علي اليوم
تالا: طيب اتركني بروح اتجهز عشان نروح المزرعه
خالد حضنها: ماودي اروح
تالا بادلته الحضن وهي تحس دقات قلبها مسموعه له ومانطقت
خالد: لالا اليوم الدنيا راضيه علي
تالا دفته وضحكت: عطيتك وجهه خلاص وركضت للحمام وهي تضحك وحطت يدها ع قلبها: بسم الله شنو صارلي كنت على شوي بعترف له هووف ودخلت جوا الحوض جسمها كلو كان يغلي ولما خلصت دورت الروب بالحمام مافي الا منشفه: لالا اليوم خالد والدنيا ناوين علي الحين شلون اطلع بذا رفعت صوتها: خااللد
خالد: هلاا
تالا باحراج: وين الروب حقي
خالد: مادري دوريه بالحمام
تالا: مو موجود
خالد: طيب في منشفه
تالا: ايه بس قصيره
خالد ضحك: وش يعني قصيره
تالا: يعني ماتغطيني زي مايغطيني الروب
خالد: عادي مامن غريب
تالا بوزت: خالد
خالد ضحك: لبيه
تالا: اذا جيت بطلع بقلك غمض عيونك وغمض طيب
خالد: تراني زوجك يابنت
تالا: بتسوي الي قلته ولا ماطلع
خالد: زين زين يلا
تالا أخذت المنشفه وربطتها: افف خالد يلا غمض
خالد غمض عيونه: تمام اطلعي
تالا فتحت شوي من الباب طالعت فيه وابتسمت انه مغمض راحت جنبه وانحت باست خده وركضت لغرفة تبديل الملابس: هذي مكافئة لانك سمعت الكلام
خالد فتح عيونه وابتسم: حلو اتخلى عن شي عشان احظى بالاجمل
تالا ابتسمت ولبست جلابيه مرتب وربطت المنشفه ع شعرها وطلعت حطت كريماتها وراحت جهزت لبس ل خالد وشغلت البخور وخالد طلع واتفاجئ انها مجهزه له لبسه ولبس وطلع برا الغرفه لقاها مجهزه الغدا وجابت المبخره بخرته وكل هذا وهو ساكت شالت المنشفه عن شعرها وصارت تبخر نفسها وحطت المبخره ولفت تطالع خالد وابتسمت ابتسامه بينت غمازتها: شفيك
خالد ابتسم لها ابتسامه حلوه: من يوم تزوجت ماحسيت اني متزوج بس اليوم لأول مره احس اني متزوج
تالا باحراج: تعال ناكل لا يبرد الغدا جلسو اكلو بهدوء ولما خلصو شالت الصحون نظفتهم وشافت خالد جالس بالكنب راحت جلست جنبه: تبانا نروح ولا نجلس
خالد ضحك: لا اليوم شعندك؟ جايك شي بالحلم ولا ايش ولا ذا مفعول البوسه
تالا بوزت: جزاتي اصير ابا رضاك
خالد: تبين رضاي بعد؟ لالا جد الدنيا اليوم راضيه علي
تالا ابتسمت: زين ماقلتلي شنو تبي نقعد ولا نروح لهم
خالد: اقولك شنو ابي؟
تالا هزت راسها ب ايه خالد: ابي طفل نفس اريج
تالا انحرجت: هيي ذا مو موضوعنا
خالد: طيب انا ابي الي انتِ تبينه
تالا: تمام شرايك نمر عليهم نتطمن بعدها نطلع نتمشى وناكل برا ونروح السينما؟
خالد بتفكير: فكره حلوه
تالا: بس نروح لهم ونرجع هنا اغير لبسي
خالد: ولا يهمك يلا قومي البسي عباتك نروح لهم وبعد المغرب او قبلها نطلع
تالا قامت: تمام قربت مسكت وجهه بين يدينها وباسته بوسه طويله وقربت من اذنه همست له: احبك وركضت وخالد قعد يحاول يستوعب الي صار: هي هي الي باستني وقالتلي احبك؟ لالا شكلي اتوهم قام بسرعه وراح الغرفه بس لقاها مقفله: تالاا
تالا كانت مغطيه وجهها بيديها ومصدومه من جرأتها: يويلي يويلي شسويت انا يمه قلبي سمعت صوته يناديها: رحت وطيي انا قايله بجيب العيد بس مو لهدرجه يمه يمهه
خالد يدق الباب: تالا شوفي بس بتأكد اني صاحي مو نايم
تالا ضحكت: لالا صاحي
خالد طير عيونه: يعني الي قبل شوي
تالا رجعت غطت وجهها وخالد جلس مكانه للحين يحاول يستوعب
تالا اخذت نفس وزفرته ورجعت اخذت نفس وزفرته لين حست انها هدأت وقفت قدام المرايه: عادي زوجك وحبيتي تعترفي له بحبك لين متى تخبين مشاعرك الين تجي وحده تأخذه ولا شلون اخذت عبايتها ولبستها وحطت الطرحه ع اكتافها واخذت شنطتها وفتحت الباب خرجت لقته بنفس المكان الي تركته فيه كانت بتضحك بس مسكت نفسها وبينها وبين نفسها: لهدرجه صدمته طالع فيها: ترا ذا غش
تالا طالعت فيه ببرائه: شنو الغش
خالد: جحفلتيني حتى مامدى استوعب الا اختفيتي
تالا ضحكت وماردت: نطلع؟
خالد: ودي مانطلع بس عطيت كلمه لازم انفذها
تالا كتمت ضحكتها خالد طالع فيها: اضحكي اضحكي
تالا ضحكت: خلاث آخر مره
خالد بتفكير: المفروض اني دحين اقولك عيدي الي قلتيه او الي سويتيه عشان استوعب صح
تالا: لا مو صح
خالد: يعني المفروض اعطيك الرد
تالا رجعت لورا: كمان لا
خالد قرب لها: ليش لا
تالا ترجع وهو يقرب: خالد هيي توي حاطه روج ومتزبطه ودحين بنطلع لا تعدمني
خالد رفع حاجبه: يعني لو ماكنا طالعين بيكون عادي؟
تالا صار وراها الجدار يعني مايمديهغ ترجع: اي اقصد لا اقصد يمكن
خالد صار قدامها وانفجر ضحك وبعدها وقف وحضنها واخذ نفس طويله وزفره: كنت انتظر الكلمه منك منزمان بس ياظالمه ماخليتيني احس بمعناها بس حسيت بطعمها الحلو على قلبي وعلى فمي
تالا ابتسمت وقلبها يدق وماقدرت تبادله الحضن لانه حاشرها اكتفت بانها تدفن وجهها بحضنه
خالد وهو مبتسم ومبسوط: لو اقدر اوزع فرحتي على الدنيا كلها كان وزعتها حط وجهه برقبتها واستنشق عطرها وخطف بوسه من رقبتها وقشعر جسمها غمضت عيونها بقوه وتمسكت فيه وهو ابتسم وزاد في حضنها وكأنه يدخلها جواه: ياكبر حبك بقلبي لدرجه احس قلبي ماعاد يوسع الحب الكبير ذا لازم اوسعه
تالا ضحكت بعد عنها وطالع بوجهها وهي تطالع فيه وتكلمت اخيرا: لالا
خالد ابتسم: ماعليه بتكوني معاي اليوم كله
تالا طيرت عيونها: بس مابتسوي شي
خالد: زوجتي حلاليي
تالا مدت له لسانها: مو الحين ولا تنسى اتفاقنا
خالد تنهد: نصبر ايش ورانا
تالا تغطت وخالد انبسط وفتح السياره وركبت وهو ركب وراحو ع المزرعه وكانت هادئه
تالا نزلت الغطا عن وجهها: يوه شكلهم نايمين
خالد: عادي المكان مكاننا
تالا: تعال ندخل نجهز لهم الأكل ودخلو وصارو يجهزو الأكل وسمعو صوت صياح بس كان عبالهم نواف وصارو يتساعدو بالطبخ تالا صارت تقطع السلطه وخالد جالس بالكرسي اخذت شوي من السلطه بملعقه: خالد قول ااءء
خالد ضحك وفتح فمه واكلته وضحكت: يوه شوف وصخت المكان
خالد معليه خلصنا كلشي قبل احد يصحى
تالا طالعت بالساعه: الحين الساعه ٢وللحين محد صحي حتى عماتي غرريبه
خالد سحبها وحاوط خصرها وراسه ع صدرها: تعبت ترا
تالا ابتسمت ولعبت بشعره: ارتاح بغرفتك وانا بشوف البنات اذا صاحين
خالد تمسك فيها أكثر: لالا خليك كذا شوي
تالا جلست شوي كذا تمسح على شعره: خالد
خالد: امم
تالا: دحين يجي احد يشوفنا كذا
خالد: مو قاعدين نسوي شي زوج وزوجته قاعدين بالمطبخ والزوج حط راسه بحضن زوجته لانه تعب هذا كلشي
...: والزوج والزوجه ماعندهم غرفه
خالد فز بسرعه: ياهلا يمه
ام خالد بضحكه: ايوا وش كنت تقول ياخالد
خالد بضحكه: شسوي ياأمي جينا لقينا محد صاحي سوينا لكم الغدا وجهزنا وعاد تعبت والغرفه بعيده
ام خالد كانت فرحانه: اييه ماعليه ياولدي بس لا تحرج زوجتك
خالد ابتسم وهو يطالع تالا
تالا باحراج: صحالنوم عمه
ام خالد: صحبدنك يابنتي
تالا باستغراب: كنه الوقت متأخر وانتو نايمين
ام خالد: اي والله اليوم متأخرين حيلل
تالا: معليه جهزنا كل شي بس بروح اصحي البنات وانت خالد صحي العيال
خالد سوا نفسه زعلان: ليه مو أمي الي تصحيهم وانا اروح ارتاح
تالا ابتسمت: مرا تعبان ياقلبي؟
خالد بحب: يشيخه يهون التعب كله لعيونك
تالا انحرجت وماردت
ام خالد: للان انا هنا مارحت
تالا ضحكت: هههههه تشوفين عمه ولدك مافيه حيا
ام خالد: خابرته انا يلا يلا صحوهم وانا بصحي الكبار
فجاه دخل عليهم عبدالله وهو معصب ومر من جنبهم لغرفة الخدم
تالا بخوف: سكنهم مساكنهم
خالد: بيذبح احد خلني الحق
ام خالد حطت يدها ع قلبها من الخوف
عبدالله بصراخ: افتحي يابنت الكلللب افتحححييي لااككسسرره فوق راسك افتحي الباببب
خالد جا وهو يركض ومصدوم: استهدي بالله واكسر الشيطان أهدى يابني آدم
عبدالله بعصبيه: يمينن لااذبحها بنت الكلب هذي ال***
خالد بعصبيه: عبدالله العصبيه ماتفيد يابني اهدى كلشي ينحل بالهدوء
عبدالله بصراخ: مافي شي ينحل بالهدوء الي سوته مو قليلل طالع ب تالا: بسرعه روحي غرفتي شهد فيها ولا تخلين احد يدخل عندكم فااهممهه
تالا خافت وارتجفت لما سمعت اسم شهد وركضت لغرفه عبدالله لقت قدام باب الحمام وترجع(الله يكرم القارئ) ركضت لها: يمه شهد بسم الله عليكِ
شهد كانت حاسه امعائها بتطلع مع الترجيع واخيرا وقفت وساعدتها تالا بصعربه تغسل وجهها وطلعو وطاحت شهد بالارض تصيح وتالا مفجوعه راحت قفلت الباب: شهد شصار حكيني
شهد ببكي وتعب: مادري مادري
تالا بضياع: شهد تكفين قولي شفيك
شهد بشهقات: ا. ن. ا ا. م. س كنت اركض ومافي احد بالبيت ولابسه شورت وتيشرت لبطني وجابتلي العامله عصير وشربته(شهقت من قلبها) ماذكر الا اني دخت وجا عبدالله وهاوشني ووداني غرفته ماذكر شي بعده واليوم صحيت(رجعت تبكي أقوى وتشاهق) كان ماعلي الا ملابسي الداخليه وعبدالله جنبي نايم ويده حاضنتني مادري مادري شنو صار هو يقول مايذكر الا انه اكل وبعدها جا يساعدني يوديني غرفتي وقال انه داخ والدنيا اظلمت بعيونه ومايذكر شي بعدها شللونن كذاا يعنيي في شي صار بيننل وللا لا ودحين عبدالله نزل يشوف العامله انا بموت ياتالا بموت اهه صارت تضرب صدرها جهة قلبها: قلبي قاعد يتقطع ياتالا احس اني بموتت ليش يصير معاي كذا اناا شسويت بحياتي والله مااستاهللل والللهه
تالا حضنتها ماهي قادره تنطق بحرف اكتفت بأنها تواسيهل بالحضن: شهد اهدي انتِ دايم قويه شلون تنهارين الحين المفروض انتي الي تقومي تنتفي شوشتها وين شهد الي اعرفها الي تحارب المستحيل بعدين شلون تبين تحاربي خالك وانتي بذا الضعف مريتي بالاسوء مابتقدرين تتخطي هالشي؟ بعدين كلنا واثقين ب عبدالله اكيد انه ماسوا لك شي بس في احد يبي يلعب عليكم
شهد وهي شوي رجعت لها قوتها وصارت تفكر بس رجعت تبكي تبغى تفرغ كل شي بقلبها عشان بعدين ماتنهار وتالا تشد عليها
عند عبدالله
البيت كله صحي بسبب صراخه وعصبيته وشادن ترجف خايفه تنكشف: ليهه مافكرت كلهم عصبيتهم عاديه الا عبدالله يمه يويلي رحت وطي
عبدالله بصراخ: يمييينن بباللله ان مافتحتي الباب لااكسره واكسر راسك
فتحت الباب العامله وهي ترجف وعبدالله كان بيهجم عليها بس مسكوه الشباب
مشعل بعصبيه: عبدالله اعقل منت بزر ترا مافي شي ينحل بالعنف اهدى خلينا نفهم
عبدالله اخذ نفس وحاول يهدي نفسه: شوفي ان كذبتي ولا لفيتي ودرتي اعرفي ان بقتلك
العامله وهي ترجف وتصيح: بابا انا في نفر فلوس يقول حطي دا عصير شهد وعصير عبدالله
عبدالله يحاول يمسك نفسه لا يكفر فيها: مينننههييي
العامله بصياح: بابا انا انا مافي معلوم انا مافي اعرف اسم
عبدالله جلس بالأرض مسك راسه والبيت صار هدوء نزلت شهد وهي طايره: شااادددننن
شادن انقبض قلبها
شهد جت ركض قدامها: انتي الي كنتي موجوده ماشفت احد غيرك قولي مين دخل البيت
عبدالله اول ماسمع صوتها قام وطالع فيها وقلبه يتقطع عيونها مورمه ووجهها احمر وجالسه تشاهق وترجف
شادن بخوف: انا انا م. ادري ماشفت احد رحت نمت اصلا حتي عبدالله ماشفته
شهد جلست بالارض ورجعت تبكي والأمهات ركضو لها
ام عبدالله وهي تصيح: بسم الله عليك يأمي انتي بسم الله عليك اهدي مو زين لك
شهد بصياح حضنت ام عبدالله: شلون تبيني اهدى هذا مو اي شي
ام عبدالله وهي تصيح لصياحها: كل شي وله حل انتي اهدي يارحي كلنا معك وراح نلقى حل يرضيك
شهد ببكي: انا ضعت خلاااصص
ام عبدالله شدت على حضنها: لا ماضعتي انا معك يابنتي كلنا معك لا تخافين
تالا صارت تبكي ماقدرت تتحمل وراحت جنب خالد تخبت بحضنه وصارت تصيح ماكانت قادره تطالع والبنات الباقيات يبكون بصمت وعبدالله يطالع شهد وقلبه يتقطع ومو حاس بدموعه الي نزلو كانت جنبه ام خالد وحضنته وصارت تبكي
هديل بضيقه: خاله خلينا ناخذ شهد لغرفتها بلاش تتعب
هاجر: خذوها بجيب الاكل ونأكل معاها فوق
جت شوق بتساعد هديل تمشي: لا انتي ولويا جهزو السفره للعيال والاباء
لويا كانت بتتكلم بس لاحظت ان علي يطالع فيها رفعت حاجب بمعنى ايش في وهوا رد لها نفس الحركه طنشت وسكتت وجهزو الاكل واكلو وشهد نامت من التعب وعبدالله نام الاغلب كان جالس بغرفة شهد تالا لما تأكدت ان شهد خلاص نامت طلعت للصاله وهي حدها متضايقه شافت خالد جالس لوحده راحت جلست جنبه طالع فيها وحضنها نص حضن: لازم تكونين قويه
تالا ابتسمت له: كلنا
خالد: تبين ترتاحين؟
حطت رأسها على كتفه: مرتاحه معك
خالد: تبين نروح
تالا فتحت عيونها: وين
خالد: زي ماطلبتي نتمشى ونأكل ونروح السينما
تالا: لا احس مو لازم اترك شهد بهذي الحاله
خالد ابتسم ومسك خدودها: يناسو الحننونن
جت ام خالد: اوهه شكلي خربت عليكم
تالا رجعت حطت راسها ع كتف خالد كانت جد تعبانه: لا ياعمه تفضلي
ام خالد بابتسامه: اذا تبون تروحون تقدرو تروحو كلنا بجنب خالد وعبدالله
خالد تنهد: عارفين بس مانقدر نمشي الان يمكن بالليل اذا شفنا الوضع تمام نروح واذا لا بننان عندكم الا اذا كنتو ماتبونا
ام خالد: لا وش دعوه المكان مكانكم تبون اقول للعاملات يجهزو لكم غرفة الضيوف
تالا: الله يهديك عمه تقولين المكان مكانكم وتقولين نجهز غرفة الضيوف كل واحد له غرفه هنا عادي
خالد بهمس: يعني بتنامين بعيد عني
تالا بنفس الهمس: يوم واحد مايضر
خالد: بتقدرين تنامي بمكان غير حضني
تالا قامت عن كتفه ورفعت حاجبها: يب يب اقدر
ام خالد انسحبت لما شافتهم يسولفو بصوت واطي
خالد: متاكده تقدرينن
تالا بثقه: اي نعم
خالد: خلاص تم اليوم بننام هنا وكل واحد بغرفته مع أن كان ودي نكمل يومنا وللان مانسيت الي سويتيه
تالا ببرائه: شسويت
خالد طالع حوليه: خليك طبيعيه عشان مااسوي حاجه المفروض ماسويها هنا
تالا قامت: بروح اجيب نواف
خالد ابتسم: جيبيه نتدرب عشان لما يجي البيبي مانتعب
تالا انحرجت وركضت لغرفة ام عبدالله لأن نواف كان عندها واخذته وراحت عند خالد وقعدر يلعبوه وانضمت لهم اريج وصارو يضحكون ويلعبو
عند لويا وهاجر وهديل وشوق
كانو جالسين بغرفة تالا لانها الكبيره وحده منسدحه بالسرير والثانيه عالكنبه والثالثه جالسه ع الارض هديل الوحيده الي كانت جالسه بانضمام
لويا بتفكير: بنات دحين ليه ماشكينا بشلة الخبث
هديل: مين
لويا: ليلى وشلتها
هاجر: لانه ليلى تحب عبدالله دايم لاصقه فيه
لويا بتفكير: وشادن نواف
هاجر: يب اكيد بيسعو يطردو شهل مو يروحو يسوون لها مشكله وكلنا عارفين الحل ايش حيكون
شوق اخيرا نطقت: ايت حل
هاجر: الحل للمشكله الي صارت محد للان يدري صار بينهم شي ولالا
شوق بتفكير: بس في تحاليل
هاجر: وش يسكت الجد والأمهات بيقعدو يوسوسو لينن يزوجوهم غصب
شوق شهقت: واخويي
هاجر تذكرت: وربي حيصير ظلم لو صار الي قلته
هديل: النصيب له دور بلا فلسفه انتي وهي
لويا: بنات
البنات: نعم
لويا: أظن إلى ورا الموضوع شادن
هاجر: رجعت تقول أشياء مو منطقيه
لويا: بس ترا منطقي
هاجر: وش المنطقي قولي
لويا: اذا كانت شادن تحب نواف بس نواف وشهد يحبون بعض يمكن شادن سوت كذا عشان يخرب الموضوع بين شهد ونواف وبعدين يخربو بين عبدالله وشهد
شوق: مو منطقي لأن عبدالله يحب شهد وهذا شي واضح للكل
هديل ضحكت: للكل باستثناء شهد
شوق: يب ولو شادن سوت كذا بتصير مشكله بينها وبين ليلى لان في عدة طرق تقدر تبعد شهد عن نواف الا اذا كان في سبب ثاني
هديل: الحين انتو تحبون تنكدو على نفسكم ليشش ابا افهم هفف
لويا: اقوم اصلي العشا افضل لي من مقابل وجيهكم ونزلت تحت بتروح المطبخ ومن المطبخ للحمام وصادفت علي بالمطبخ كانت بترجع بس هو تكلم: ترا مااكل تقدري تمري
لويا بعصبيه: مابغى اكون بمكان انت متواجد فيه يالمنحرف
علي ببرود: الحين ليه مسميتني منحرف
لويا: لانك قليل ادب ماتستحي على وجهك
علي ضحك وهنا خفق قلبها: مايضحك!
علي: يعني حرام اضحك؟
لويا اتوترت: لا بس ماقلت شي يضحك
علي قرب منها: انتي الحين تقولين اني قليل ادب وماستحي على وجهي
لويا قوة نفسها وماتحركت: اي نعم
علي قرب منها زياده: ماقلتيلي ليه كل ذا
لويا خافت بس مابينت: لانك نسونجي
علي: وايش
لويا: ومتحرش اذكرك شسويت اول مره تقابلنا؟؟
علي تذكر وقعد يضحك: بس كذا؟
لويا ارتجفت يوم طالع فيها وابتسم: اي
علي: زين شكلي بثبت لك الموضوع
لويا باستغراب: اي موضوع
علي قرب منها بسرعه وصار وجهه مقابل وجهها وهي تراجعت لورا لاارادي: ياوصخ
علي: ماسويت شي بس اطالع فيك بس تفكيرك مادري وين بعدين منتي من البنات الي يعجبوني ومشي
لويا حست انها بتبكي: انا اوريك اجل ماني من البنات الي يعجبونك هينن وراحت توضت وراحت تصلي واندست تحت فراشها تحاول تنام
تالا كانت كل شوي تغفى على كتف خالد
خالد: حبيبتي تعالي غرفتي ارتاحي شوي صاحيه من الصبح
تالا تثاوبت: لالا بروح غرفتي بس قبلها بسوي لهم عشا
خالد: العاملات مجهزين العشا مايحتاج تقومين اذا تبين تاكلي كلي ونامي
تالا وقفت وهي تتثاوب وكانت بتطيح بس خالد وقف ومسكها وصارت بحضنو حطت رأسها على صدرو وغمضت عيونها: مابي أكل
خالد بهمس: قلتيلي تبين تنامين بغرفتك وبدون حضني؟
تالا تذكرت وبعدت عن حضنه: احم اي صح يلا تصبح على خير
خالد ابتسم: وانتي من اهل الخير انتبهي وانتي ماشيه
كل واحد راح لغرفته
تالا كانت ميته نوم بس ماكانت قادره تنام وجلست تتقلب وشوي تبكي حضنت المخده ماكو فايده قلبت كذا كذا مافيه فايده
خالد
نفس الحاله هو عارف اصلا انه مابينام وهي بعيده عنه قعد يفكر ليه مايغامر ويروح عندها طلع من غرفته كنه حرامي وتسلل لغرفه تالا ودخل بسرعه قفل الباب طالعت فيه: يما حرامي
خالد ضحك: مانمتي
تالا رجعت انسدحت وبكذب: لا نمت
خالد جا انسدح جنبها وتغطى وسحبها لحضنه: خلي عنك الكذب لو نمتي ودخلت الغرفه ماكان عرفتي اصلا
تالا حضنته: زين زين مانمت
خالد: اعترفي انك ماتقدري تنامي من غير حضني
تالا بنعاس: مقدر انام منغير حضنك زين كذا
خالد باس راسها: زين ونص يلا نامي
وهيك نامو الاثنين
________-&&&&
انتهى البارت اتمنى عجبكم
حرفيا هالبارت عيشتكم بتناقض كبيرر ومشاعركم اتلخبطت بس حبيت اعيشكم بين الشعورين ذول والقادم اعظم بإذن الله
حب كبير لكم والله 😭🤍🤍
