( الدخيله )

الصفحة الثالثة عشر من الدخيلة ( والاخييييييييره)

ملاحظه :
نظراً لحدوث عطل تقني في حسابي الواتباد
كل هالفتره احاول انشر بدون فائده
هذة المره السادسه الي انشر بيها البارت وينحذف تلقائياً من ذات نفسه
لذلك قررت اسوي هالبارت هو البارت النهائي
لان مداعرف شنو سبب الخلل وماعرف اذا حيستمر ؟
البعض كالو السبب حضر حسابي !
والبعض كالو بسبب التصويت مو هوايه!
على العموم هاي المحاولة رقم ٧ عل وعسى ان تنجح
اذا ظهر يمكم البارت هالمرة
رجاءا حاولو تعلقون راسا او تصوتون بلكي هالشي يكون هو الحل ..
علما انو هوايه احداث راح اختصرها حتى تكفي كلها هالبارت
مع الشكر مقدما
- هدى

( بسم الله الرحمن الرحيم )

( البارت الاخير )

"تره صعبات كلش الگضيتهن وحدي"

بقلم : هدى الهاشمي
#الدخيله
#البارت_الثالث_عشر

ولاء /

طلعت من المكتب واني متوتره
الف فكره براسي تراودني
ماعرف شنو شعوري وشلون اوصفه ..!
حسيت بضياع بدقيقتها بس معرفت ليش

تسأولات ببالي هوايه ..
معقوله ميقبلونيً؟
لا لا
ليش اصلا شهم كلي انو هوايه مثل حالتي قدمو
على يو ان وانقبلو سافرو لامريكا
ف اكيد اني هم حكون وحده منهم ..

امشي وافكر
ماشوف الا شهم واكف كدامي
وياشر بيده

شهم : يمعوووووده ها مو داحجي وياج صار ساعه
وانتي مدري وين ماشيه ليكدام
ولاء : ها
العفو شهم اعتذر بس دافكر والله
شهم : شتفكرين احجيلي شصار وياج بالتفصيل
ولاء : مصار شي سالوني بعض الاسئله وجاوبتهم
شهم : شبيج كوه اجر منج الحجايه دشرحي
ولاء : والله احس روحي دايخه حيل
وتعبانه بعدني من السفر
عفيه بس ارتاح ونرجع للبيت كلشي احجيلك
بس خلينا نرجع حباب

شهم هز بيده ومشه كدامي
راح طلع للشارع وكف تكسي
طلعت دانتظره بره
جريت نفس كلش قوي وعيوني مغمضه
ردت اي شي يحسسني بالامل
احس دافقد روحي شويه شويه
كلما اصفن اذكر هذا الحلم المزعج
حاولت بكل قوتي ابعده عن بالي بهذا اليوم
كل شويه احاول الهي نفسي بشي
وكف شهم التكسي
وركبنه
ماحاجاني ولا كلمه طول الطريق
كالعاده كعد بس يضحك ويسولف ويه السايق

صفنت بيه يمكن لمدة ١٥ دقيقه
وكلت لنفسي :
انتي مصدكه هذا يحبج؟
باعي الفرق الجبير بينه وبين مقداد
هذا ممهتم ب ولا شي !
شنو الي غيره؟
معقوله اخذني بس حتى يكسرني
ويرضي كبريائه؟
ماستبعد شي !
صارله سنين يريدني واني ارفض اتقبله
وهسه جيته مكسوره لا اهل ولا سند
اكيد شافها فرصه واستغلها
حتى مشهر زواجه بيه ولا حجه بموضوعي لاحد

اااخ يا ولاء تظلين ثوله ومامفتهمه خطط الحواليج ..
طاح الفاس براس بعد ..
ماكدر اسوي شي ..