( الدخيله )

الصفحه رقم سبعه من الدخيله

بسم الله وبعد انقطاع خارج عن الأرادة .. نرجع للبارت الجديد من قصة الدخيله

راح نرجع نبتدي من حيث وكفنه ويه ولاء

ونكمل الاحداث

.....

بقلم : هدى الهاشمي
....

بيت بيبية داليا :
قبل الحرب
.....

كاعدين ورد ورنين بالغرفه والحجيه جوه محد بالبيت غيرنه

ورد  دتحاول توكل رنين
ورنين ترفض .. كالعاده

ورد : رنين ميصير هيج مسويه بنفسج ادعيلها للبنيه بعدين هذا ابوها  اكيد راح يهتم بيها باعي روحج شصار بيج مامليتي

رنين تبجي : ابوها خبيث محد يعرفه بكدي ساعة الكشره الي تزوجته ولج شمرني بالشارع اني وياها من عرف بنيه واني هستوني مخلفه هذا ميخاف الله ليشششش ياخذها هسه مني عساه بنار جهنم

ورد : ادري والله ادري خبيث بس ميصير هيج هاي مو حالة لا تاكلين لا تشربين الموضوع صارله هوايه مو يوم ويومين وليهسه على نفس الحال انتي دكلي الله يخليج
باعي الله عليج امي دزت اكل تكول طبخته الج مخصوص هاي البامية مال امي الي تحبيها لا تردين ايدي امانة عليج

رنين : والله مداكدر مالي اي نفس مو بيدي وين الله وبنتي ترجعلي والله الدنيا مالها طعم بدونج لوله حبيبي

بجت

جوه اندكت الباب
ام رنين : منووووو يمه؟؟؟
ام رنين : دااااااااده منووووو جاوبوني

محد رد
تمشت وفتحت الباب وشافت ولاء مدمايه ومشموره بالكاع بصف الرصيف تبجي
ام رنين: يمممممه بينيتي يممممممه ولالااااااااء بنتيني هاي شصاير بحالج منو جابج
شالتها كوه وتمشي بيها جوه وتصيح

ام رنين : ولكم تعالوووو جابو ولااااء
يمه رنيييييين جتي بينيتج كومي على حيلتج تعاي شوفي المكروده شمسوين بيها المدلله

ورد: كاعدين فوك وسمعنه عياط امي وركضنه عبالنه صار بيها شي الدرج طقرته ثنين ثنين من خوفي وورايه تركض رنين

رنين : يممممممممه شكو ؟

الحجيه : بتج وصلت يمه هياتها ووخرت

عاطت رنين وركضت علئ بنتها وحضنتها وشهكت من الخوف
على المنظر والدم