( الدخيله )

الصفحه عشرين من الدخيله 🤍

#الدخيله
#البارت العشرين

ملاحظه احداث اليوم كلها عن ولاء لان لازم نسلط الضوء عليها بهالجزء كونها مهمه ..

قراءة ممتعه احبابي

حيل بينه ...
احنه تانينه القطار ..
ومامشينه 🤍

بقلم : هدى الهاشمي

ولاء -

وره شويه اجه الشيخ يعتذر كال مازوج بنيه يتيمه مغصوبه ظلم .. شوفولكم غيري ..

الكل نصدم من حجايه الشيخ ووكف صوت المزيقا

احساسي ماعرف اوصفه جنت طايره من الفرح وحسيت واخيرا الزمن نصفني وراح افلت بايديه ورجليه من هالكابوس ..

قاطع سلسة افكاري مرتضى وركض لزم الشيخ من ياخة دشداشته وكله
مرتضى : لك انت تدري اني منو وشنو ممكن اسوي بيك؟؟؟
الشيخ : شتريد تسوي روح سوي اني العندي كلته والباقي عليكم ذاك اكو شيخ ثاني براس الشارع يمكم روحله
عاف وراح

تهستر مرتضى وعصب حيل
لزم راسه وركض وراه ابويه وابوه ديهدوه
مرتضى : اليوم افرغ المسدس براسه شون يعوف ويمشي اني اله
ابو مرتضى : لتفضحني برعونيتك وانجب طز بيه كلامه صح هذا شيخ ليغاد عنه ساكن يمنه هسه نروح نجيبه ونفضها

راحو دكو على الشيخ اللاخ واعتذر منهم شكد حاولو يفهمون مكدرو مجرد اعتذر وكال مااكدر انطيكم السبب ..
بس جانت تصرفاته غريبه جدا يعني قدر المستطاع يحاول يماطل ويضيفهم ويستفسر منهم وعساس يدليهم على شيخ ثاني لحد ماندكت الباب قوي

طبو جنود وسحبو مرتضى وابوه وعمه بكل قوتهم وهو مصدوم ومحد مفتهم شكو واخذوهم وراحو ...

ولاء -
طولو بره حيل فوك الساعه صار
والمعازيم يباوعون بوجهه بعض ويبسبسون
سولاف كل شويه تحاول تلطف الجو وتضحك وتروح وتجي
حتى يبقون المعازيم

وره شويه
مرت من يمي سولاف
و كالت : شكد صلفه انتي !!! شمدري بيج ؟؟؟ رحتي تتببجين للشيخ وتكوليله مغصوبه موووو؟ اااخ وج تربية رنين شترجى منج قابل تطلعين نبي!!!

متحملت دايما اسكتلها
كتلها بصوت ناصي
سكتتلج هوايه بس بزعت عالطالعه والنازله بت رنين وبت رنين
باعي من الاخير
رنين تشرفج وتشرف عشيرتج كلها
يكفيها شرف انو امي الله يرحمها الناس لليوم تحلف براسها وبشجاعتها
رنين راحت يم ربها وعافتلج هالعار الي يتسمى ابويه بعد شبيج مكروصه ومجلبه بيها ليهسه وهيه بكبرها المره؟

تخبلت فتحت حلكها مصدومه محجت شي بس حطت ايدها على حنجها ومشتها ليجوه بحركه تهديد
وكالت : بعيني ولاء اليوم بيدي اسلمج لمرتضى لو اعرف اشمرجج عليه بدون حتى زواج وخل اشوف شتسوين