#الدخيله
#الجزء_الثاني
#البارت_السابعسواد كلوبهم مثل الشعر بالرآس
وانا عايش بنصهم واشبه الشيبه .. 🍁بقلم : هدى الهاشمي
ولاء -
لثواني حسيت الدنيا دتدور بيه
ردت استوعب الي كاعد يصير
شديصير .. ؟؟؟
الي داسمعه حقيقي لو وهم !!!
اني الي جعت ايام
وانظلمت وتهجرت
وعشت بالضيم
وبالخوف والظلام
يطلع عندي فلوس عند خالتي
وذهب بدون مادري ؟؟؟
يعني جان عيشتي اختلفت
يعني جان امنت نفسي ؟كمت اضحك باستهزاء وصدمه
كلما اكول ماراح انصدم اكثر من اي احد
يعني شيصيرلي بعد ؟
احس طعنة سجينه جديده بظهري تنزرعمن القهر اختل توازني
جيت اوكع
استندت للحايط يمي
بارهاق تمسكت بالحايط
وعيوني كامت تصب
ياربي شنو حكمتك
انو تختبرني بكل هالامور
انهد حيلي واللهمددت وكعدت بالكاع بيأس
صفنت
لكيت المرايه كدامي
شفت شكلي
صايره اكرهه اشوف نفسي بهالفتره
وجهي تعبان وكبرانه ٢٠ سنه
مع ذلك بعد بيه ملامحي من الطفوله
شعري الطويل السرح مثل المي
باللون الاسود
عيوني الصغار السوده فاحمه
ولون بشرتي التشبهه امي
قمحيه اللون
والتعب مرسوم رسم على ملامحي
ومطبوع بكل جزء بيهفجأة
صحيت من افكاري
ضربت راسي
ولاء : شراح اسوي ؟
معقوله شهم يعرف بهالموضوع
وضام عليه ؟ يعني حتى هو ضحك عليه؟
كلهم جذابين
وكمت ابجي واشهك من الوجع البيهفرغت طاقتي بالبجي
وراها رفعت راسي
وكلت لنفسي
كافي ... البجي لو يفيد جان فادني من زمان
عادي تعودت شنو الجديد يعني؟كااافي
كمت
مسحت دموعي
رتبت الفراش
فتحت المجر لكيت مشط
مشطت شعري لان جان شويه متشابك باطرافه
لان صارلي هوايه مامهتمه بشكلي
مشطت واني احاول اهدي بنفسي
واقره ادعيةوكعت عيوني على الشباك
ولكيت غراب اسود فاحم اللون يخوف
صافن بنص عيني
وميطلع منه ولا صوت ولا يتحرك ابدا
واكف بثبات يباوع جنه انسان مو طير !
من هيئته مبين كأنو صارله يباوعلي فترة واني مامنتبهههبطت من الخوف
قريت معوذات بقلبي وانفخلحد ما عاط بصوت الغراب المعروف
وعافني وطارقررت اسكت واسوي نفسي مسمعت شي من خالتي
واعوف كلشي على حاله
واراقب تحركات شهم حتى اعرف اذا يدري بهذا الموضوع لو لا
أنت تقرأ
( الدخيله )
Saggisticaعندما يجتمع العذاب والظلم مع الحب المستحيل والألم هنا تكتمل قصة الدخيله ... قصة احدى متابعاتي ترويها لكم من خلال الدخيلة ، فلنسافر بالزمن معها 🤍 اول كتاباتي بأذن الله 🤍