( الدخيله )

الصفحة العاشره من الدخيله ( الجزء الثاني )

#الدخيله
#الجزء_الثاني
#البارت_التاسع
#هدى_الهاشمي

ولاء /
بعدني بنفس الموقف ويه بنوخ
بس ماعرف شون سرحت

غرقت بالماضي مالتي

اذكرت موقف

ماعرف ليش خطر هسه على بالي ؟

اذكرت اغنيه
شنو جانت الاغنيه؟

اذكرت ..

ياحبيبي .. شرد اكلك لو اجيت؟
ردتك بايام صعبه ..
لكن انت ..
مااجيت ..

اني مليت العتاب ..
والاماني والغياب
شرد اكلك ياحبيبي ؟
كلمة تكفي للجواب ..

بعديش ؟؟

لا تظل تعتب عليه
ولا  تذب الصوچ بيه
وابتعد عن كل حياتي
واسحب ايديك من ايديه ..
بعديش ...؟

سهيت بتفكيري للماضي
بايام طفولتي جنت داسمع هاي الاغنية
امي جانت مشغلتها على الراديو وتبجي بحرقه
بحدها بالمطبخ ببيت بيبي
احاول اواسيها
تباوع بعيوني وتبجي اكثر
تحضني وتمسح بشعري
وتبوس راسي
وتكلي اني اسفه حبيبتي
اني اسفه اني ضيعتج
سامحيني بنيتي سامحيني
سامحيني على كل الي راح يصير بيج

اذكر اني مفتهمت شي
بس رغم ذلك وصلني احساسها
حسيت بخوف
يمكن جانت من الاول حاسه حتموت وتتركني
بذاك الوكت جنت طفله لازم احاول اشوفلي منطق
بحيث امشي على نهجه
لذلك منطقي البريئ جان
انو هذا المغني مو خوش مغني
بجه ماما
وهاي الاغنيه كرهتها
لحد ما كبرت وكمت استوعب
انو هاي الاغنيه شرحت معاناة امي كامله سابقا
وهسه دتشرح معاناتي اني هم ..
مضمونها اختصار لكل شي بيه
ولكل شخص خذلني
ولكل شخص لسه راح يخذلني

سمعت صوت خالتي
ورجعت من سهوتي واذكرت بنوخ
كتله
ولاء : ليش ماحجالي شهم هالخبر ؟
بنوخ : ماكدر اجاوبج
ولاء : لعد شنو تكدر تجاوب ؟؟؟
اذا زعجتك كثرة اسئلتي
ف تره اني اليوم رايحه وراح تخلص مني
ومن همي

طبع على التلفون
بنوخ : سكتي خالتج حطت اذنها على الباب

من خوفتي راسا سكتت
طبع على التلفون
بنوخ : اني راح اكتبلج كل الي اكدر احجيه
بس بدون ماتجاوبيني نهائيا اقري وانتي ساكته

ولاء / هزيت راسي موافقه

بنوخ :

اولا خالتج ضحكت عليج من البداية
جان مسويه نفسها محبة الج ولامج
بالاخير باكت ورثج
وذهب امج كله اخذته
لان ذهب امج اساسا جان عندها
هلكد ما وثقت بيها
جان تطيها الذهب
وتكلها اذا صار بيه شي
هذا الذهب امانه لبنتي
انتي تنطيهيا
محد جان يعرف بهذا السر
غير بس امج وخالتج ام شهم
وخالتج الثانيه سلوى
سلوى الي طردتج
وحتى ام شهم تسكتها
رشتها بشكم قلاده وسواره
وتفقت وياهغ انو ماتستقبلج
لان كالت عنج عار
باعتبار بنية كل يوم منهزمه من بيت ابوج
يعني اكيد مو صالحه