( الدخيله )

الصفحه رقم اربعه من الدخيله

"الليل كتاب جليل، وقلب سقيم، ومحنة .."

بقلم : هدئ الهاشمي

هوايه منا يحسون بالامان والطمأنينة لما يحل الليل علينا لتواجد اشخاص معينين بحياتنه اليوميه يوفرولنا هذا الشعور والاحساس كوجودالام ، الاب ، الاخوان والاخوات ، الزوج ، الحبيب ، الاصدقاء .. الخ

بس شيصير اذا بلحظه صدمه يخرب هذا التوازن وينخطف هذا الامان فجأه وبدون سابق انذار ؟

ببيوت ابطال قصة دخيله تتفاوت الاحداث بهاي الليله تحديدا الي هي بتاريخ :

١٢-١٢-٢٠٠١

الساعة ١٠ مساءا

ف مثلا بطلتنه ريماس نامت بهدوء وره ماخلصت واجباتها وتعشت وصلت وحضنت دبدوبها الي مسميته سمسم

بينما ولاء ماجانت ليلتها هادئه ابدا لا هيه ولا امها ..

تعالو نرجع شويه بالاحداث للي صار بالبارت السابق ونسمع من داليا شصار باعتبار خالتها رنين كلش انقهرت ومتكدر تحجيلنه حاليا ...

داليا : جنه فرحانين برجعتنه وفجأة الفرح نكلب عزه ،

اجه ابو ولاء ويهدد ويصيح بنص المنطقه العالم كلها تجمعت على العياط ولو هو هذا الفرع كله جان يعرف بهالسالفه كل فتره يطلع ابوهايسوي هالهوسه وياذينا ويروح

جنت ماحب اشوف شكله ولا اركز بيه لان جنت كلش اخاف منا تصورو اني شايفته اكثر من ٦ مرات بس ولا اذكر شكله ولا اريد...! كل الياذكره مجرد هيئه رجل مرعب اذكر ..

الساعه ٩:٤٥ ليلا :

ستار : ولكم اليوم اخذها يعني اخذها

بيبي : لك ابني استهدي بالله شبيك شايش علينه بنص الليالي اني مره جبيره كل مره تهبطنه هيج اللهه مايرضاها

ستار: هسه تكليلي بتج وين بنص الليالي وماكو لا هيه ولا البنيه بس لا اخذتها وهجت اعرفها تسويها

بيبي : والله العظيم اخذت البنوات وراحت لمدينة الالعاب خطيه ضايجين طول الوكت كاعدات بالبيت والله ماسوت شي دعوفها مو شوفتهاالويل هسه انت مو تزوجت دروح لمريتك وكفنه شرك

ستار : كل عقلج اعوفكم وبنتي يمكم وتضيع بينكم بيت كله شباب شعددكم مبقين البنيه يمكم

بيبي : يااااع .. غير اهلها احنه شو انت مدري شون تحجي

يمه ورد جيبلي مي احس ريكي يبس

الساعه: ١٠ مساءا