( الدخيله )

الصفحة رقم تسعه من الدخيله

"تيه روحك ، اليحبك يدور عليك "

بقلم : هدى الهاشمي

حسين : يا روح مخلد ..

اندارت وهي ممصدكة مخلد عايش وعثرت ووكعت
ضحكت بس بدون وعي عله صوتي اشوف احد يساعدني

اجتي تركض داليا

داليا : منووووو!!! منو هنااا

تقربت
عزززززه مخلدددددد!!!

مخلد : اي مخلد والله مخلد ساعديني وكعت ريماس

كعدت يمها واني ممصدكه الي ديصير

رش على وجهه شويه مي واني داضربها ع كيف على وجهها صحت
ريماس كعدت شافته وكمت تبجي ممصدكه الي ديصير ..

داليا : مخلد كالولنه متت كالو اعتقولك وقتلوكم عبالهم مقاومه !!
ريماس كعدت على حيلها وساكته كلشي متحجي بس تدمع

ابتسم واتنهد شويه وبعدين كال : كلشي راح احجيلكم بس صيحولي امي اريد اسلم عليها واهلي كلش مشتاقلهم

ريماس : مخلد اهلك من اول اسبوع راحو للبيت

مخلد : شنووو؟ ليش اني مو كلت يبقون هنا

ريماس : امك موافقت تكول مبقالنه شي هسه همه ببيتكم خطيه روحلهم

مخلد : حروح اطمنهم واشوف اهلي وارجع ماطول ابتسم وراح

ريماس : عذرته لان لازم يسلم على اهله بس اني من جوايه نار كابه على خوف على فرح مداصدك رجع وعايش وسمعته وشفته

داليا : الحمدلله انو عايش الف الحمدلله خل يرجع ويحجيلنه كلشي كومي كعدي بيبيتج  صارت  الدنيا مغرب

ريماس : يلا شويه واجيج كملي الطرمه انتي اني احس راسي صار طبل

عفت داليا وصعدت فوك داكعد بيبي وبراسي الف سؤال كمت احسب الدقايق لبين مايجي مخلد

اجوي ام داليا وامي وبيبي نزلت
انتظرت يجون اهلي حتى فدمره احجيلهم كلهم وسولفنالهم ع الي صار كلش فرحو واتحمدو الله

كامت الدنيا تغرب مرت الساعه والساعتيين واكثر وبعده مااجه بديت اتوتر هيج للين ماسمعت امي ..

عذراء : ريماس داليا تعالو ساعدونه دنحضر العشا

طبو البنات وبلشو يحضرون العشا
ويه ماادنحضر العشه دخل مخلد واهله

بيبي : ليليليليلييييشششش الف الحمدلله ع سلامه يمه عيني ام مخلد يهنيج بسلامته الف الحمدلله رجعلج سندج

ام مخلد : الله يخليج حجيه والله من ساعتها ليهسه واني اصلي صلوات شكر مامصدكه عيوني

هنوها للحجيه امي وام داليا واجه ابو داليا والشباب اتجمعو على العشا جان عندهم خبر لان اتصلنه بيهم