انا الماعرض للناس وجهين
ولا ذاك الترجه الجان ماجان
لون بيه تشب النار صوبين
اموت ومااصيح الماي يفلانبقلم : هدى الهاشمي
قبل نص ساعه :
:مخلد-
كملت ريوك وعفت ريماس تروح بس براسي مية صوت ..
واني اصرخ بهدوء للافكاري واضرب براسي حتى ارتاح ويسكت هذا الصوت المزعج براسي
قررت اشرب جاي كمحاوله للهدوء ...سمعت صوت عالي براسي "يكول امشي للمرايه بسرعه حسين "
اعرف شراح يصير وداحاول اتهرب بس ماكو احد يمي هسه الكل نايمه ميكعدون هيج وكت ..بعصبية مشيت باتجاه غرفتي فتحت الباب بقوه وصرخت ووكفت كدام المرايا مالتي وحطيت ايدناتي الاثنين على الميز تواليت ..
رفعت راسي شفت عيوني كالعاده حمره وتعبانه وبلش الصوت براسي يكول :تدري ليش عافتك بصباحية عرسك؟؟؟ لان هاي جذابه .. تعرف ليش جذابه ؟؟ هااا تعرف؟؟؟ اني اكولك .... لان تكرهك ... انت واحد معدوم الشخصيه مرعب تخوف وممسوخ الي مسيطر عليك اقوى منك ومستحيل تنعم بحياة هاديه او تتغلب عليه..
بلش الغضب شويه شويه يسيطر عليه وابلع ريك واحاول ارفع راسي اتنفس
كمل الصوت براسي بهدوء مستفز وكالد .. ا ... ل .. ي ... ا هاي البنيه هيه سبب كل خرابك
ممصدكني مو ؟ روح وشوف بعينك شون كاعده تحرضها عليك هسه حتى تتطلق وتعوفك وتضل بحدك طول عمرك بحياة بائسه .. او يمكن دتخونك؟؟ شمدريك ماكاعده تنسقلها واحد من اخوانها؟؟ امشي قبل ليفوت الاوان .. وسمعت صوت ضحك براسي كلش عاليرفعت راسي اريد اجر النفس ماعندي اي تفسير لهاي الحالة الي تصير ويايه تقريبا كل الوكت
ما متجرء احجيها لاي احد.... كل هاي الفترة السابقه احاول اسيطر عليها لحد ما خرجت عن سيطرتي واستهلكت طاقتي.... كمت بعد ماعرف اتحكم بيها خصوصا وره ماخطبت ريماس ..طلعت للحمام غسلت وجهي على السريع شلت سويج السياره وبوجهي لبيت ريماس على امل اكذب الاصوات الي براسي
داسوق وبدت الاصوات مره ثانيه فتحت الراديو واني غادي اعصاب واسوق بسرعة طلعت اغنيه
"وي غيري تخلص الليل
وانا ببابك متاني !
من هالساعة اني وياك
محد يعرف الثاني .. "لعبت بحوالي لعب كلمات الاغنيه هاي خاف جنت محتاج حرك اعصاب .. دايما تجيني افكار واشك بيها تخوني لان صغيره وحلوه ومثقفه .. اباوع لروحي واكول شحبت بيك؟؟
ضليت افكر لحد ماوصلت للبيت ادعي لربي انو اكون داتوهم
طبيت ومشيت على كيف .. اريد من الله تكون صادقه حتى لا اتهور وامد ايدي ..سمعت صوت داليا وصوت نقاشهم عليه منا
وبلش شرار عيوني واعصابي انهارت منا
سرعت خطوتي وعطت بيها ..
أنت تقرأ
( الدخيله )
Saggisticaعندما يجتمع العذاب والظلم مع الحب المستحيل والألم هنا تكتمل قصة الدخيله ... قصة احدى متابعاتي ترويها لكم من خلال الدخيلة ، فلنسافر بالزمن معها 🤍 اول كتاباتي بأذن الله 🤍