( الدخيله )

الصفحه رقم ٢٢ من الدخيله والاخيرة من الجزء الاول

#بارت_٢٢ والاخير

#الدخيله
#هدى_الهاشمي

البارت الاخير من الجزء الاول

تحرك نارهم نسمة هوانا
الحجو والماحجو ضلو ورانه ..

بقلم : هدى الهاشمي

ولاء -

انصدمت من شفت كدامي مو شهم
شفته محمد الحقير ابن خالتي سلوى

ردت اطلع اختل توازني وتجيت على باب السيارة
انتبهه عليه مقداد وركض عليه
جان بعده ديتقدم بخطواته النا ماواصل بس جاي يتمشى
على كيفه ومبتسم ويمسح شواربه بكلينكس ..

مقداد : ها اسم الله شكو لولو شي شصارلج
رفعت راسي بهدوء واستسلام ..
ايد جانت وره ظهره مامبينه
لزمت ايده وعصرتها قوي واني مغوركة عيني
وهو حسيته ضعفت قوته وتنهد وكال بنبرة كلها
هدوء وحنية
مقداد : شبيج بنيتي شتريدين .. ؟
ولاء همس وترجف : انت مو رايد تحميني
مقداد : اي طبعا لعد شنو صدكيني بس هذا حلج
ولاء : واذا كتلك هذا الجاي هو سبب دماري ؟

فتح عينه مقداد مامفتهم وبعيونه الف سؤال

وخر ايدي عنه لان تقرب محمد وصار يمنه تقريبا

جنت اتلفتت باتجاهه محمد ومقداد بتوتر
احس داصارع الوكت
اعرف محمد مناوي على خير وماعرف شسوي حتى انقذ نفسي
بهاي الثواني وبنفس الوكت شفت محمد كلش متوتر ويمثل انه طبيعي
عرفت صايره مصيبة او هو ضاحك على الضابطً هيثم ومقداد وموهمهم انو هو نفسه شهم
وبكل الاحوال هو ناوي على نية كشره
وخالتي سلوى اساسا ماطيقني يعني شون مااكلبها السالفه مبينه مضمولي بيها كارثة

تقدم مقداد عليه وهو
مد ايده يصافحه ويسلم ويقدم نفسه على انو هو شهم ومجاملات طبعا بتوتر
هو عادته ياكل الكل بلسانه ويسوي روحه ملتزم
ومينطي احد مجال حتى يحجي ...

حرت عقلي يجيب ويودي
هذا شنو غايته ليش هيج ديسوي !!!

ردت اقاطعه احجي واكوله ليش دتجذب !!

راسا قره عيوني وسبقني
وكال بسرعهوعا
محمد : مشكور مقداد وهاي الامانة وصلت مقصرت يا ابن الاصول  اني بوجهي راح اخذها ان شاء الله لسوريا اعقد عليها ومناك نسافر ونستقر ...

حسيت مقداد ظل يلوب بس مديفتهم شيسوي لان اصلا ملحكته افهمه
واني بس بعيوني داحاجيه وهو كل شويه يباوعلي ويباوع على محمد
حسيته هو هم ما اطمن للسالفه ..

بس شنو الفائدة .. ميكدر يسوي شي بعد فات الوكت ..

محمد بابتسامه مصطنعه : يلا ولاء بت الغاليه ، هم يلا نرفع الزحمه عن الولد خل يتوكل يشوف شغله اكيد وراه اشغال اتشكريه هذا هم مثل اخوج ..