"عذاب الكبر شفته بزعلي وياك ، وبس المات يعرف شنو قصدي "
.........
بقلم : هدئ الهاشمي
..........
المنطقه : شارع الاميرات
الساعه : ٤ عصرا
الموقع : صالة البيت
ريماس تلعب ويه اخوها الجبير اتاري ..
ريماس معصبه : محمدددد شنو هاي مو كلت راح افوزجج هالمره شو قشمرتني !!
محمد يضحك : شبيج خبله هههههه يلا هسه هذي اخر مره لعبي وافوزجج وعد
ريماس : عفيه شنو هاللعبه كلشي مدافتهم منها ليش يحبوها !!
محمد : ولج هاي سوبر ماريو ماضل منها كلها باعها ابو المحل هسه تتعلمين وتحبيها ... ها هاااا باعي راح توكعين بالحفره .... تؤتؤتؤ وكعتي ويضحك
ريماس منفعله : لااااا !! اوووي اصلا مليت منها ماريد العب اتاري بعد ففف ياريت لو عندي اخت ثانيه العب وياها باربي لو بيت ابو بيوت وزعلت وراحت على المطبخ ..
عذراء : ها ريماس وين ؟
ريماس : ماما انطيني فلوس اريد اروح لابو داوود اشتري حلويات
عذراء : اخذي من الجزدان وروحي بس لاطولين حتصير مغرب
ريماس اخذت فلوس وطلعت وبينما دتمشي للمحل شافت داليا كاعده دتلعب بالتراب بنص الشارع ..
ريماس مبتسمه : هلو داليا شونج تجين ويايه للمحل نشتري؟
داليا بدون اي ردة فعل : هاي ريماس نو ثانكيوووو ودارت وجهه بسرعه
ريماس : اوي هاي شبيها!! صوجي داكلها تعاي شو دروحي
( داليا بينها وبين نفسها )
هاي مشكلجيه وسمعت تكتل جهال المنطقه وتاخذ لفاتهم وفلوسهم بالمدرسه ماناقصني مصايب اني منا ماعرف اطگلي كلمتيين نوب اتورط بعصابجيه ماريد خليني بحدي احسن
ريماس : كملت واشتريت كاكاو لؤي جانت روحي بيه هو وجبس باز وشربت داليا هذني كل يوم اشتريهم ومامسموحلي غير طلعه وحده امي متخليني اطلع ف كلهن اشتريهن مره وحده وارجع للبيت واسكت ..
ريماس دخلت للمطبخ شافت امها دتغسل مواعين
ريماس : ماما منو ذوله بيت داليا الجوي جديد بالمنطقه
عذراء : منو بيت ام مصطفى؟
ريماس : اي ذوله باول الفرع الجدد
أنت تقرأ
( الدخيله )
غير روائيعندما يجتمع العذاب والظلم مع الحب المستحيل والألم هنا تكتمل قصة الدخيله ... قصة احدى متابعاتي ترويها لكم من خلال الدخيلة ، فلنسافر بالزمن معها 🤍 اول كتاباتي بأذن الله 🤍
