(گتلها احبج ، دنگت - ضحكت وقصتنة ابتدت
ثاريني تارس بالها )
بقلم : هدى الهاشمي
بلحظة ارتباك وخوف ورجفة ايديين وكفت رنين بنص الشارع بدون ماتنتبه من هول صدمتها بالمسج
اجت سيارة سريعه ضربت بريك وضربت هورن
عاطت وانتبهت على نفسها وعبرت الشارع بسرعه وكعدت على الرصيف المقابل محتاره
تذكرت كلام امها "بنتي المقاومه ديقتلون كل الي يشتغلون ويه الاجانب "
" بنتي اذا مو لخاطري لخاطر بنتج "
النفس عزيزة .. ولان النفس عزيزة خافت رنين ونزلت دمعتها
صفنت وكالت زين همه شمعرفهم اسمي هدية؟ اني مكايله لاي احد من معارفي اسمي المستعار هدية !! حتى امي متعرف هالاسم ..
وهي دتفكر مرت ثواني سريعة ودك تلفونها من رقم مجهول
فزت من افكارها وراد يوكع التلفون شالته باخر دقيقه شافت الرقم هم مجهول ودك قلبها وايدها بدت تعرك حارت تشيل الرقم لو تعوفه؟ احساسها ديكول نفسهم همه الي دازيين المسج .. سمت بسم الله الرحمن الرحيم بلعت ريكها وردت ..
رنين (هديه) : اً.. ال... الو ؟
مجهول بنبرة صارمة وقوية: تشاهدي على روحج يا مرتده .. اللهم اني بلغت اللهم فاشهد
رنين صوتها يرجف : لحظه انتو منووو شتريدون مني ؟؟؟؟ جاوبني الله يخليك ..
مجهول يضحك بسخرية : ليش هيج خايفه ؟ طريقج معروف نهايته شنو!!!
رنين بنبرة متعجبه : شنو نهايته اني شمسويه !!!
مجهول يبتسم: احم احم ... نهايته الزواج 🤍
رنين انصدمت وسكتت لمدة ١٠ ثواني وبعدين كالت : نعم داده؟؟؟؟؟
مجهول : لعد بس انتي تخرعيني وتحطين جثث بسيارتي وتوديني اخر الدنيا غير اني هم اخرعجج خرعة من هاي الزينه واضمن انج راح تردين على الرقم وتحاجيني؟؟؟
رنين عاكده حواجبها وعصبت وعلى صوتها: لك انت كل عقلك منووووو انت؟؟؟؟ صدك تحجي !!!! هو هذا هم شقه تسميه ؟؟؟ مستحيت على روحك دروح صوجي رديت عليك ... شون نااااس الرحمة نعدمت يلا ولي !!!
مجهول (الي هو حاتم) : هااا بسم الله ! صارت هيج! شو گبيتي بوجهي ؟ لعد شبيج من ساع تبتسمين ع مسج من كتلج اخذج ! هاي هيج مستقتله عليه وتحبيني ؟ ويضحك
رنين بابتسامه استغراب بس متريد تبين : لك بابا انت مخبل؟؟؟ منو انت ياتكسي هذا ؟
"مع انو هيه عرفت منو المتصل عرفته حاتم الخواف"
أنت تقرأ
( الدخيله )
No Ficciónعندما يجتمع العذاب والظلم مع الحب المستحيل والألم هنا تكتمل قصة الدخيله ... قصة احدى متابعاتي ترويها لكم من خلال الدخيلة ، فلنسافر بالزمن معها 🤍 اول كتاباتي بأذن الله 🤍
