صراع إمرأتان

العودة

السلام عليكم يا احلى ناس واش راكم؟ ان شاء الله تكونو كامل بخير..توحشتكم بزااااف و توحشت الوات و الكتبة و الكرونيك و كلش ...علبالي صمطت عليكم الكورينيك من قوة لي وليت نطول عليكم و كرهتكم فيها مي اليوم جيت نفرغلكم قلبي قبل مانحط لبارت...الحاجة الاولى لي خلاتني مانداومش على الكرو و نحطلكم كيما كنت ندير مع نويتك للحلال هي الدعم و التفاعل...كنت دايما نقارن بين الدعم هنا و الدعم لي كان في نويتك للحلال حتى وليت نحس بلي الكرو ماعجبتكمش و مادخلتش لقلبكم و بردتلي من قلبي...كنت دايما نقول لوكان حبوها لوكان راهم يسقسيو عليها و يستناو البارت بفارغ الصبر و مادامهم ماراهمش مقيمينها تسما ماعندي علاه نزيد نكتب و نحط و على بيها كنت نغيب بزاف....و الحاجة التانية هي قرايتي لي كانت دايتلي نص الوقت سورتو تاع اون لين تاع الزمر هاديك...كنت تقريبا نقرا وحدي من الدار على بيها رجعت نعيا بزاف و ماكان عندي لوقت لوالو نضل مع لورق و نبات معاهم باش نطلع العام دونك ماكانش عندي نهائيا الوقت حتى باش نريح روحي و وقتي قاع راح في القراية...الحاجة التالتة هي الظروف العائلية كل مرة كنت نرجع نكتب و نحطلكم في العطلة متلا و لا كي نلقى وقت طيح عليا كاش مناسبة و لا كاش عفسة تصرا في العايلة و نرجع نحبس و الا ماصرات حتى حاجة من هادو نمرض و نلقى روحي حبست مي اليوم ان شاء الله قررت نرجع تاع الصح...قررت مانزيدش نحوس على التفاعل و نخليها تمشي وحدها و نامن بالفكرة لي راني نكتب فيها و مانعمر راسي بحتى حاجة اخرى و زيد القراية كملت و جات العطلة دونك ماعنديش في واش يروح وقتي و راني كامل للوات درك و زيد قررت بلي اذا كاشما صرا مناسبة و لا نعلمكم بلي غادي نغيب و خلاص و هاكا مام انا و نلقى راحتي و فرحتي كي نكون ندير في الحاجة لي نعشقها...سمحولي بزاااف باسكو زعفتكم و باسكو غبت عليكم و نوعدكم بلي غادي نرجع بقوة تاع الصح و نرجع نكتب كيما كنت نتمنى نلقى منكم الترحيب و تسامحوني و ان شاء الله في المستقبل نعوضكم على كلش فات

بالمناسبة كاين بارت مكتوب نحطوه ليوم و لا حتى لغدا قولو

Love you😍