عشك شيوخ ❤

البارت الاول ❤

للكاتبه آيات ❤

نبدي نعرفكم على الأبطال وبعدين شويه شويه تعرفون الشخصيات ،،،

نعرفكم على ساره،،

مرحبا اسمي ساره من سكنه بغداد عمري ٢٣ سنه طالبه جامعيه مرحله ثالث قسم قانون عايشه وي بابا ( محمد) وماما ( نهاد) بابا عمره ٥٠ سنه وماما تقريبآ ٤١ سنه ، وعندي إخوان اثنين احمد وكرار طبعآ اني وحيده أهلي ومدله نسيت اكللكم اني الجبيره ،،اخويه كرار مرحله ثانيه جامعه اداره واقتصاد ،، احمد خامس اعدادي هم أدبي، ،كلنه ادبي😅
اني طولي ١٦٠ عيوني اكبار لونهم عسلي وحلكي صغير وخشمي وسط وحنطاويه وحواجبي اثخان لونهم بني ياهو ليشوفني يكلي وجهج طفولي

كعدت الصبح كالعاده للدوام ساعه ٦ الصبح

ساره: هف ياربي والله ما بيه حيل اداوم شمحلاهه نوم الصبح والدنيا شتاء وجوه البطانيه افيش😴

فجأه صاحت ماما ،،

ام ساره ( نهاد):: سااااره ماما اكعدي حيفوتج الدوام وكعدي اخوانج ويااااج ييله ،

ساره:: يي ماما كايمه كااايمه ، هف ياربي اريد انام

رحت لغرفه كرار اكعده
ساره:: كرار اكعد يييييله دوام

كرار :: همممم يي هسه .طبعآ كرار نومه ثكيل بشكل

ساره رحت ركض لغرفه احمد
احمد ، كوم دوام يييله احمد عكس كرار نومه خفيف وبسرعه يكعد ،

احمد : ها يي يي كعدت عفت احمد يبدل ورحت للغرفه مالتي ابدل

ساره : لبست تنوره سوده طويله وقميص ابيض وستره تغطي الورك لونهه ابيض واسود مخططه وكعب ابيض وشال اسود وجنطه بيضه ومكياج خفيف وتعطرت وطلعت ،

ساره :: صباحو مامي حروح للدوام

ام ساره :: صباح العافيه ياروح مامي تعالي اتريكي ،

ساره، لا لا مستعجله ما اشتهي بالجامعه أكل ،

ابو ساره ( محمد) : صباح الخير على مرتي الحلوه وبنوتي الكيك

ام ساره : صباح الخير محمد

ساره: رحت ركض لبابا صبحت علي وبوسته صباح العافيه بابيتي

ام ساره:: شوف محمد بنتك متقبل تتريك وكل يوم تطلع بدون ريوك

ابو ساره : ليش بابا مو زين عليج لا تخربين بالجامعه يا بابا ميصير

ساره ، بابا والله ما اشتهي هناك آكل لا اتخاف يله باي اتأخرت

ساره : صعدت الخط وكبل للجامعه ما اعرف اليوم اشبيه احسني كولش نعسانه😴

وصلت للجامعه وشفت صديقاتي هند وسمر صباحو كايز . الكل، صباح الخير

ساره: بدت المحاضره لو بعد

سمر: فد ١٠ دقايق وتبدي

هذا الحجي واني اثاوب ميتة نعاس

سمر و هند شبيج يمعوده بس لا سهرانه البارحه

ساره : لا والله نمت من وكت بس ما اعرف شبيه حيل كسلانه بنات شنو رأيكم نضرب المحاضره ونروح نتريك ب مطعم....... هاا شكلتوا

سمر وهند ،،هااا يله امشي جوعانين كلش

طبعآ رحنه للمطعم احسني متت جوع بين ما اجه الطلب أكلنه والسوالف الما تخلص المهم خلصنه ورجعنه للجامعه اول ما دخلنه شفنه يونس هذا صديقنه بالجامعه واكف يم اصدقاءه اجه علينه

يونس :: هلاو بنات صباح الخير

البنات: هلاو صباح النور

يونس: ونظراته على ساره ليموت عليهه اشو ماكو اليوم

هند ::وتباوع بنظره هيج😏 مممم والله يا يونس ساره جوعانه ورحنه نأكل

يونس : ألف عافيه 😍

البنات : الله يعافيك

ساره:: طبعآ اجه يونس سلم وعيونه مني احس معجب بس لحد الآن ما حاجي المهم هو شكله زين وحباب بس ما احس شي اتجاهه وراهه استأذنه ورحنه مشينه

هند:: سمرر شفتي يونس شلون يباوع على ساره

سمر: هاا ي شفت اكلهه آكل بنظراته😏

هند: اكلج ساره ليش متفكرين بيونس تره خوش ولد وشكله حلو

ساره؛: والله ما اعرف بس ما احس بمشاعر اتجاهه بس مجرد زميل وبس

سمر:: هند عوفي ساره براحتهه هي اذا اتشوفه مناسب يتقدملهه شكو بيهه

ساره اسمعهم بس مالي خلك اجاوب حيل تعبانه ما اعرف شبيه اليوم ما عولت ارجع للبيت خلص اليوم يمشي بطئ ويونس ميبطل نظراته وين ما اروح الكاه اكبالي خلص الدوام ورجعت للبيت لاكتني ماما بالمطبخ وكاعد يمهه كرار

ساره،،، مساء الخير عليكم

ام ساره:: مساء النور بنتي

كرار ،، مساء النور الخبله شبيج اليوم تطوطحين ،،
ساره ،، طالعه على اخويه بالكوه يكعد ضربته وركضت اخاف يمكشني يموتني
بقه ورايه يتحلف واني اضحك علي😂

رحت ذبيت نفسي ونمت حته ما تغديت اجه كعدني أحمد العصر بالكوه كعدت

احمد ،،، كومي ست الحسن كووومي عيني امي اتريدج جوه

ساره:: احمد روح مني نعسانه ما انزل

احمد :: يمعوده كومي اجوج خطابه جوه

ساره:؛ كمت كتله ياااا منو هذول

احمد::، يا ستار سمعت بيهه خطابه بس لا تردين تزوجين

ساره،،، شبيك اكلتني وشربتني ميصير اسأل لو حته هاي حرام

احمد،، شبيج لجج تتعاركين وي ذبان وجهج الخبله ،،يله عدلي نفسج وكومي بلكي تنكلعين ونخلص منج

ساره ، كمت اريد اضربه ركض وسد الباب وهو يضحك عليه الخبيث 🌝

كمت عدلت نفسي ولبست اتراك احمر وبي اسود ولفيت شعري وتعطرت وخليت شويه كحل بس ما عرفت منو هذول الناس 🤔

لهنا وينتهي البارت الاول اتمنى عجبكم والاحداث الجايه حماسيه ورومانسيه اكثر😉🌝