عشك شيوخ ❤

البارت 36

وانا احتاج أن يُربّت كتفي أي شيء ..
ولو كان قطرة مطر

عشكَ شيوخُ

للكاتبه آيات الساعدي ❤

ساره :: دك المنبه اليوم اول يوم دوام كمت زحت الغطه ورحت للحمام سبحت لفيت المنشفه عليه وطلعت رشيت معطر ولبست مشطت شعري ولفيته خليت مكياج خفيف  لبست الكب وفوكاه الشال عدلت نفسي ورشيت عطري ونزلت صبحت على اهلي وطلعت بدون ريوك مشتاقه للدوام شغلت سياراتي وانطلقت للجامعه وصلت ركنت السياره بالكراج ونزلت خابرتني سمر .

سمر::، الو صباح الخير

ساره، صباح العسل

سمر،  انتي  وين

ساره::، دخلت للجامعه هسه انتم وين

سمر::، احنه بنفس مكانه

ساره::، تمام جايتكم ...رحت للبنات لكيتهم كاعدات حظنتهم حيل مشتاقتلهم

هند::، هلا بمرة الشيخ شلونج

ساره::  حبيبتي زينه الحمد الله

سمر:"، كلششش مشتاقيلج

ساره::، اني هم والله ... ضلينه انسولف بين ما بدت اول محاضره دخلنه استلمنه الدكتور تحاضير شادين علينه هاي السنه كملنه محاضره وطلعنه

هند::،يمه هذا شبي انطانه واجبات بكد التمن

سمر:: اندري شادين علينه من اولهه

ساره::، امشن يمعودات بطني موتتني ممتريكه

هند::اي والله حته اني

ساره::،جاي نمشي نريد انروح مطعم وقفنه يونس

يونس::، صباح الخير

البنات::، صباح النور

يونس::، ممكن احجي وياج ساره

ساره:: اتفضل احجي

يونس::، تعالي هناك نحجي

ساره:: اذا اتريد احجي هنا

يونس!!،، اسف على الازعاج اخذي راحتج

هند:: طننن شهل فشله

ساره::، دخل يولي ميشوف الحلقه بيدي

هند::، اتخيلي ضرغام يدري

ساره::، علمود يجنزه ..

سمر::، هف ياربي شوكت نوصل للمطعم متت جوع

ساره::، والله حته اني انوب يريد يحجي ويايه الافندي واني روحي رايحه من الجوع

هند::، ههههه خطيه

ساره::، وصلنه المطعم طلبنه كومه أكل جنه ميتات جوع والبارحه ما تعشيت واني بالدوام اجوع هوايه نزلنه الأكل شكله يشهي والمقبلات كعدنه نأكل ونحشش ونضحك بسكته كملنه ورجعنه للجامعه كملنه المحاضرات وطلعنه ودعت البنات واتوجهت للكراج بأثناء مجاي امشي اجه كبالي يونس .. كلبت عيوني ..نعم