عشك شيوخ ❤

البارت 29

عِندمَا أتذّكر أنِي عَزِمتَها عَلىٰ قَهوَةُ فِي إِحِدىٰ المَقَاهِي ، فِي المَقهَى الذِي كانَ أوّل موعِد لنَا فِيه ، كإنِما عَزمتَها عَلىٰ رُوحِي .. لأنَها كَانِت تَرتِشِف كُل رَشفةٍ وتَسحَب ألالَم مِن أجزاءِ رُوحِي عِندمَا تَبتسِم ، حَركةُ شِفتيِها وهِيّ تتّكلّم .. لَقد وَجدتُ قَهوّتي بارِدة وقَلبِي لَم يَبرَد .

عشكَ شيوخُ

للكاتبه آيات الساعديِ 😍

ساره:: نايمين بالليل وجان نسمع صوت طلق قوي منا لحد ما الطلق كام يخترق بيتنه متت رعب نزلت جوه ركض اباوع على بابا واحمد وكرار لازمين اسلاح وما ادري شنو السالفه وامي تدعي ... ماما شنو السالفه

ام ساره بخوف:: ولج يمه ما ادري شنو السالفه

ساره:: دك تلفون بابا بقه يحجي دريت بي ضرغام

ابو ساره:: هااا شيخ شنو السالفه

ضرغام:: هااا عمي صارت طلابه بعدين انسولف بيهه بس دير بالك اطلعون احنه جايينكم بالطريق حضروا نفسكم

ابو ساره:: غير اتفهمني شصاير

ضرغام ::، عمي من اجي افهمك بس استعجلوا

ام ساره:: هااا محمد شصاير

ابو ساره::، يكول حضروا نفسكم راح نجي ناخذكم خطر علينه الكعده هنا روحوا حضروا نفسكم بسرعه

ام ساره:: يااا يمه سترك ربي

ابو ساره:: يله استعجلن

ساره:: ركضت فوك سحبت جنطتي بسرعه خليت بيهه ملابس اجيب واخلي وعطورات لبست جبتي ولفيت شالي ولبست شحاطه((تكرمون)) نزلت جوه على السريع لكيتهم متحضرين الطلق هدء شويه ورجع اقوه انرعبت موقف لا نحسد علي اسمع بابا خابر ضرغام

ابو ساره:: يله بابا اجه ابن عمكم اطلعوا بسرعه

ساره:: طلعت بسرعه اباوع على الشارع مكلوب كلاب ولد عمي واصدقاء الولد امشي وصافنه فزيت على صوت

ضرغام راص على سنونه ::: دنكي راسج واصعدي بسرعه

ساره:: هاااا ييي صاعده ..صعدت بسياره ضرغام ورانه سيارات والكل لازمين سلاح انطلقنه للعماره ومندري شنو السالفه

ابو ساره::، مكتلي شنو السالفه بويه

ضرغام ::، ذب الجكاره من ايده :: والله عمي شكلك هذا ايمن ابن عمي جاسم رايح متعارك عركه جبيره وهو العايل بالولد فوكاهه ضارب الولد على راسه والولد حالته خطره كلشش

ابو ساره::: مو خوش سالفه الله يساعدك خويه جاسم على ولدك

ضرغام :: ادعي الولد يطلع سلامات لإن اذا ما طلع تصير بحر دم يا عمي

ام ساره:: يمه اسم الله ان شاء الله ماكو شي

ضرغام :: ان شاء الله..بس لو الزم ايمن اذا ما اطيح حظ الصكط