عشك شيوخ ❤

البارت 27

أمراة يهابُها الجُبناء مِن الرُجال ،وتغار منها الفارِغات مِن النساء🖤

للكاتبه آيات الساعدي ☘

سجاد :: منتظر على  نار رد ضحى جنت كلش،متفائل بعد ما رجعت امي واختي منهم ..اجيت عليهه ..هااا يمه بشري

ام سجاد "::، والله يمه الابنيه شحلاتهه ومبين مؤدبه واهلهه خوش ناس

سجاد ::، ببتسامه (( اكيد طالعه تضوي بزونتي)) ايي يمه شكالوا

ام سجاد :: يااا يمه على كيفك شمالك مستعجل غير ننتظر يوم يومين ويردون جواب

سجاد ::، حممم ان شاء الله يله اترخص اني عندي شغل

ام سجاد ::،محروس يمه

سجاد ::، شنو يومين شدعوه هل كد ..هو اني انتظرت اشهر ما انتظر هسه ...رحت شفت ضرغام شكله جان كلش فرحان وناوي يخطب بت عمه الحب مالته تعب السنين يوم الالي ..وره يومين سمعت امي تحجي بالتلفون

ام سجاد ::، ياا ليش خيه خو ما سامعين علينه شي ... هاي هي خيه كلشي قسمه ونصيب ...يااا لا خيه عليمن ازعل بعد.براحتهه ..هلا بيج الله وياج سدت التلفون وكعدت على التخم

سجاد ::، هااا يمه شبيج

ام سجاد.::، يمه كلشي بالقسمه وهل ابنيه مو قسمتك

سجاد ؛::، شنو ما فهمت

ام سجاد ::، اهل الابنيه دزولنه خبر انو هي ما موافقه

سجاد ::، شنووووو ...شنو ما موافقه بكيفه هي

ام سجاد :: شبيك يمه اسودنت ابنيه وما وافقت ازوجك غيرهه

سجاد ؛:: كمت على حيلي ..وانا ما اريد غيرهه ..كمت لبست وطلعت امي اصيح ولا يمهه عفتهه وطلعت روحي شايطه من وراهه ليش بس كليلي ليش ما قبلتي ولجج عشكتج من كل كلبي. اخاف اتحب غيري والله اله اعدمهه ما لكيت نفسي اله واكف باب بيتهم اباوع عليهه بلكي المحه متجي على سيارتي وادخن

ضحى ::، جاي اكوم اشرب مي واطفي الضوه شربت ورجعت اطفي الضوه المحت خيال من البرده جانت متحركه شويه عبالي يتهيألي طفيت الضوه وقربت من الشباك علمود محد يشوفني اباوع اكو شخص واكف بس ما اشوف بضوح دنيه الليل اركز بي وفتحت عيوني على وسعهن ..عزا هذا سجاد واكف يدخن ويباوع على بيتنه ..لحظه انقهرت علي بس شسوي ما اريده ..اباوع علي  داس على الجكاره وصعدت سيارته وراح ..رحت مددت على جربايتي وافكر بي احسه مهموم من وره قراري

سجاد :: شاطت روحي خابرت على ضرغام كتله نلتقي يم الشط سبقته وهو اجه وراي بس وجهه ما يكصه السيف .. هااا شخيرك

ضرغام بعصبيه ::، منين يجي الخير

سجاد ::، تعال اهده واكعد كلي شصاير

ضرغام ::، نفخ بضوجه وحزن :: سجاد ضيعتهه من ايدي 

سجاد ::، يا ستار شسويت هل مره