عشك شيوخ ❤

البارت 25

وأنا أيضًا يؤسفني أنني لم أصنع شخص واحد حقيقي!
ينصت إلي عندما أبقى أنا ومخاوفي بمفردنا كل ليلة
نتحدث مع الجدران.. ︎ ︎

للكاتبه آيات الساعدي ❤😍

بيت ابو اسد الساعه ٧ صباحاً

ساره ::، كعدت نشيطه ومرتاحه حيل امط بروحي بالفراش كمت رحت للحمام غسلت وفرشت اسناني وطلعت خليت معطر جسم ولبست دشداشه نيلي فاتح وخليت كحل عيوني منفخات ومورد خدود وشويه مرطب لفيت شالي وترست نفسي عطر ونزلت رحت للمطبخ صبحت عليهم

ام ساره::، صباح الورد حبيبتي

ساره::، رحت بوستهه ماما جوعانه

ام ساره::، هسه أسويلج ريوك تدللين

الجده::، جا شمالهه ما اسوي لروحه عاجز لو مكرمه

ساره::، رحت لبيبي بوسته يا احلى بيبي بالدنيا هسه اسويلي ريوك ولا يهمج ..جان تهمسلي

الجده:: اشوفك كاعده نشطه اضنه ضرغام مريحج

ساره::!!!!!!!!!!!! بيبي 😳

الجده::، وجع قابل مجذبه

ساره بخجل::، دائماً اني نشيطه شنو الجديد

الجده::، اكو فرق يا بيبي اليوم احسج طايره ما تمشين على الكاع وذاك كاعد من الصبح شاك حلكه بالضحكه وكاعد يم الولد يتغشمر(( يشاقه)) وهاي مو من عوايده هو  ما يحب يتغشمر وي احد

ساره بخجل ::، اوي بيبي شلي دخل اني يجوز صاير وياه شي ومخلي فرحان

الجده::، بس انتي اتفرحينه انا ابني واعرفنه هاي اول نوبه اشوف هيج يضحك دومه ينزل يتعارك وي ذبان وجهه ... انا كل الاريده منج يا بتي ديري بالج علي ضرغام صح جامد شويه بس وي اليحبهم حنين  حافظي علي ولا تخسرينه بعنادج

ساره::، ان شاء الله بيبي اكدر اسعده

الجده::، دكومي يل مسعده سويلج ريوك

ساره:: صار بيبي ..بقيت بس اني وبيبي بالمطبخ اسوي ريوك ونسولف وهي كضتهه ترزل بيه غسلتني غسل هاي عود اتحبني لو ما اتحبني شلون خليت الريوك على الطاوله جبت بيبي كعدت كبالي بعدني اول لكمه ودخل ضرغام

ضرغام::، صباح الخير

الجده::، صباح النور وليدي اتريكت لو لا

ضرغام :؛ اتقدمت كعدت بالكرسي ليم ساره .. بيبي محد سوالي ريوك عود متاني مريتي طلعت تتريك وعايفتني

ساره:: اجيت اغص بالكلمه

الجده::، كومي ولج سوي لرجلج شي يأكله

ساره:: صار بيبي ..بس تره بعده مصاير زوجي

ضرغام:: تره اكوملج وتدرين بيه شسوي