عشك شيوخ ❤

البارت 22

بارت 22

للكاتبه آيات الساعدي 🌿❤

سجاد ::، صار فتره ما شايف ضرغام مسافر فقررت اليوم لازم اروحله وبلكي المح بزونتي ما انكر اشتاقيتلهه رحت دكيت الباب طلعلي فهد ...يا هلا بالفهد شلونك

فهد ::، هلا بصاك العشيره شلونك

سجاد بضحك::، لك كوا....مشتاقين

فهد :: اني الأشوق اتفضل يمعود البيت بيتك

سجاد ::، زاد فضل ضرغام وين

فهد.::، موجود بس طاكات عنده هل ايام

سجاد :: خير يا ستار

فهد.::، والله ما أدري ادخل جوه كاعد بالديوان

سجاد :: دخلت للديوان لكيته صافن ويدخن جكاير صارت الجكاره ونيسته ..يابه الله بالخير

ضرغام ::، يا هلا بعضيدي شلونك

سجاد ::، انت فد واحد سرسري لك مشتاقلك والله

ضرغام ::، اني اكثر والله استريح بعد اخوك ..شخبارك

سجاد :: والله الحمد الله..انتي شلونك جنك مو على بعضك

ضرغام :: طلعت جكاره ورثتهه اخذت نفس منهه وزفرته بعيد

سجاد ::، مبين السالفه قويه

ضرغام ::، سجاد تعبان ..تعبتني ما أدري شتريد ساعه اتريدني وساعه لا بس كلي انا نلعبه بيدهه لو جي (لإن )) شافتني احبهه

سجاد ::، شصار اخر مره شفتك مرتاح واتفقتوا انو اتصيرون اصدقاء وكتلك بدايه حلوه تتقرب منهه

ضرغام :: اي صح بس بعدين خرب كلشي وما جنت متوقع نوصل لهيج مواصيل

سجاد :: ضرغام احجي شصار انا اخوك وسترك وغطاك هاي اذا ما جنت واثق مني

ضرغام :: افه عليك يا خويه شلون اتكول هيج تدري بيه ما اسولف لغيرك

سجاد :: جا احجي شني السالفه

ضرغام :: زفرت اخر نفس من الجكاره وطفيتهه جريت حسره وسولفتله بس مو بالتفصيل لإن ما احب كلشي ينحجي حته لو لأقرب صديق الي

سجاد ::، اسمحلي أكلك يا خويه استعجلت مايصير هيج اتفاجأه بهذا التصرف وهي مشاعرهه مو ثابته لحد الآن يعني اكيد راح تنفر منك

ضرغام ؛:، دك على كلبه ولك شسوي لهذا ليعشكهه كلي ما اكدر اسيطر على روحي وهي يمي كلشي بيه يتخردل

سجاد :: طبطبت على جتفه ..حقك يا خويه بس بدال ما تقربهه خطوه بعدتهه عليك عشر خطوات

ضرغام :: اخخخ يا سجاد مرمرتني

سجاد :: اصبر يا خوي وبعدين انت اتكول مجاهلهه واحسهه راح اطك من هل تجاهل ..خليك هيج وبلكي اطك وتعترفلك بحبهه