عشك شيوخ ❤

البارت الثاني ❤

البارت 2 ❤

نزلت جوه رحت للمطبخ احضر الضيافه انتظرت ماما تجي علمود افتهم منهه المهم انتظرت اشو امي ماكو لا صاحت ولا كالت !! كلت خل اروح اقدم الضيافه عيب المهم دخلت كلت مساء الخير الكل رد مساء النور ، رحت قدمت الضيافه وكعدت يم ماما شفت اثنين نسوان متوسطات بالعمر وابنيه شابه مبتسمات بوجهي اني هم ابتسمت 😊

ام يونس :: ما شاء الله بنتي وجهج محبوب ويدخل القلب

ساره:؛ تسلمين خاله من ذوقج

اخت يونس :: يي والله ماما الله يحفظهه الكم خاله

ام ساره::، تسلمين حبيبتي

ام يونس :: ما عدكم بعد وحده ناخذهه لاخو يونس وضحكت

ساره :: اتفاجأت من كالت يونس!! معقوله هو !! شنو يجي يخطب بدون ميحجي ويايه بالموضوع بقيت حايره اريد اعرف منو هذا يونس !؟،

حجت ام يونس : خاله احنه نريدج لابنه يونس وياج بالجامعه وهو شايفج مؤدبه وثكيله والنه الشرف تصيرين جنتنه ويونس خوش ولد مو لإن ابني امدحلج بي بس معدل وينشد بي الظهر وانتي يا يمه فكري زين وان شاء الله خير

ساره :: ابتسمت هيج😅 ان شاء الله خاله ،، ممم ياربي اشو هذا بهل السرعه اجه خطب حته ميعرفني زين مجرد سلام (بكلبي طبعآ )

وراهه اترخصوا وراحوا امي جلبت بيهم على العشه مقبلوا بعدهه اجتي امي تحجي ويايه .

ام ساره :: هااا ماما ساره شنو رأيج احنه منجبرج أي قرار تاخذي احنه وياج حبيبتي

ساره :: ماما ما اعرف هو الولد خوش ولد بس احس ما مقتنعه

ام ساره ::، يوم حبيبتي بكيفج كتلج من جبرج واذا خوش ولد فكري بالموضوع زين

ساره:: الله كريم ماما اشوف

اجه كرار ينكز ويهوس ويصيح واخيرآ راح تزوجين ونخلص منج كللللوووووششش

ساره:: ماما صيحيله مدري شبي ويايه وبعدين منو كلك حوافق

كرار:: يمعوده وافقي وفكينه متنه منج

ساره:: كاعده على كلبك 😝😝

ام ساره:: كافي كرار ماما عوفهه براحتهه يجي ابوهه وانشوف

وراهه كمت لغرفتي فتحت الباب ودخلت شمرت نفسي على الجربايه افكر بيونس ( ممم هسه اوافق لو لا ..لا لا ما اوافق اصلآ حته ما احبه ولا هو كال شي فجأه اجه خطب حمممم اني افكر هوايه خل انهي الموضوع وارفض احسن ) ....

رحت ثاني يوم للجامعه لبست تنوره بنفسجي طوخ و قميص كريمي وشال بنفسجي وحذاء بيضه وجنطه بيضه اول مدخلت خابرت على هند وسمر دائمآ نلتقي بمكان بالجامعه ننجمع بي اجتي سمر من بعيد

سمر : صباح العسل شطالع اليوم الحلو

ساره:: صباح الكيك حياتي عيونج الحلوات كلبي😙 لعد وين الخبله هند

سمر :: ما اعرف هسه تجي تلكيهه تأكل ام كرش

بين ما نحجي اجتي هند وبيدهه كيك وعصير ياربي هل الابنيه اتموت على الأكل انوب ما تسمن !!!!!

هند وهي تأكل: هلاووو بنات شلونكم

سمر ساره هلاو كبد صباح الخير

سمر ::، يا خير!! كولي صباح الأكل

ساره::😂😂

هند:: ابقي انتي احسدي بيه

سمر:: يمعود على شنو احسد بيج تاكلين عجل باليوم😂

هند :: امداج يل الفاهيه اقلها مو اليحجي ويايه ما اعرف ارد علي ابقه فاتحه حلكي

ساره:: يمعودات كافي اثنيكم طايحات حظ يله بس اسكتوا😂

اليوم كله لازم سمر وهند وحده تقلد على الثانيه ياربي اموت عليهم همه محلين ايامي وراهه رحنه حضرنه محاضره .المحاضره كلهه سمر وهند يكركرن 😂 منا لحد ما اترزلن ههههههه حل خلصت المحاضره ورحنه للكافتريه التفت اجيب مي ،، شفت يونس واكف يباوع عليه بنظرات فرح اني كلش خجلت ، رحت اجيب مي جان هو دفع مكاني

يونس ::، احمد الحساب يمي حبيبي

ساره:: هااا لا والله شكرآ ميصير

يونس :: لا تحجين هيج ازعل عليج

ساره :: بس

يونس:: لا تبسبسين يا حلوه هنيالي لو اتخسريني عادي اتمونين

ساره:: عززززا متت بدمي ،، حممم شكرآ اخويه ما قصرت

يونس : عقج وجهه وكال حممم بس اني مو اخوج ولو تدللين

ساره::😅😅

يونس:: اخذي راحتج وفكري بالموضوع

ساره:: ان شاء الله 😑

لهنا وينتهي البارت الثاني😍(( للكاتبه ايات الساعدي))