عشك شيوخ ❤

البارت 12 🕊

لطير العافني وحط على غير أخصان
لا يرجع بعد دلالي مو شجره
أنا الطلسم جنت ومدوخ ليقرون
ليفتح بيه شفره يشوف ألف شفره
بس لخاطرك صاير سهل وياك
بحيث مغمض ولازمني من تقره

البارت 12 🕊 للكاتبه آيات الساعدي 🕊

ساره::، كعدت لكيت نفسي نايمه يم الباب واحس براسي يريد ينفجر من الوجع صافنه بيني وبين نفسي ومو مصدك لصار البارحه شلون ضرغام طلع يحبني وشلون اجرئ وباسني ما اعرف راسي حيموتني من قله النوم وكثرة التفكير اباوع على الساعه ب ٧ ونص حته ما الحك اداوم خليني احسن ما بيه حيل كمت غسلت وجهي وعدلت شعري ورجعت للغرفه لبست البرنص فوك ملابسي لإن بارده شفت تلفوني دك ..الو هااا سمر حياتي صباح الخير

سمر"::، صباح النور لجج ساره وينج كليلي ليش ما مداومه

ساره:: بصوت رايح من البجي حياتي تعبانه كلُش

سمر:: الف سلامه عليج كلبي

هند::، لججج سارونه ام الكمل وينج حته متراسلين

ساره:: ضحكت على سوالفهه كتلهه نجبي لج والله تعبانه

هند::لا حياتي مبين من صوتج الف سلامه عليج

ساره::، تسلمولي حبيباتي مشتاقتلكم ان شاء الله باجر اداوم بس دزولي الواجبات

سمر:: احنه الأشوق والله دير بالج ع نفسج حبي وان شاء الله بس انخلص اندزهم الج

ساره:: يله باي

سمر.هند:: باي

ساره::، سديته من البنات خليت تلفوني على الشحن ونزلت جوه اسمع بابا يحجي بالتلفون وخايف وماما يمه كاعد تسأله

ام ساره::، محمد شكووو شصاير

ابو ساره:: هذا ضرغام مسوي حادث على الطريق وناقلينه للمستشفى

ام ساره::، ياااا يمه اسم الله .. لازم انروح نطمأن علي

ابو ساره:: كولي للولد خل يتحضرون انروح

ساره::، اني سمعت هيج كلبي انقبض رغم ضايجه منه ومن تصرفه بس انقهرت علي ..هااا بابا خير شبي ضرغام

ابو ساره :: مسوي حادث لازم انروح انشوفه  حضري نفسج بابا لازم كلنه انروح

ساره:: هااا لا بابا انتم روحوا اني ما اكدر تعبانه وعندي دوام ما اريد اتفوتني دروس خل اروح يم خوالي بين ما تجون (( بعد لصار ما ردت اشوفه ابد))

ابو ساره:: براحتج بنتي اوديج الخوالج بين ما نجي يله حضري نفسج

ساره::، رحت حضرت نفسي لبست جبه سوده وبيهه تطريز اسود ولفيت شالي شلون ما جان ولبست شحاطه بناتيه واخذت ويايه جنطه بيهه ملابس بيت وملابس طلعه خاف اروح باجر للجامعه ومعجون اسناني وفرشه وطلعت مالي خلك نزلت شفتهم مبدلين واحمد وكرار عبالك رايحين لعرس كتله يله بابا جاهزه