عشك شيوخ ❤

البارت السابع❤

"دافئةٌ فكرة أن تكونَ مصدر الأمان لأحدهم، أن تكونَ عونهَ الدائم الذي يلجأُ إليه عندما لا يجدُ أحدًا يفهمه، دافئة فكرة أن تجد أحدهم يشاركُ معك أمورًا خاصة به ويقول لك لا أعلم لمَ الحديثُ معك مريح
أو أن يرى شيئًا لطيفًا يذكرهُ بك ويأتي مسرعًا ليخبرك أنه تذكرك، لطيفٌ جدًا أن تخطرَ على بال أحدهم فيبتسم بسببك".❤

البارت 7 🕊 للكاتبه آيات الساعدي

مريم ::، شفت ايد انمدت على خصري بسرعه جفلت درت وجهي شفته احمد

احمد:: شبيج حياتي هاي أني

مريم:: عزااا لك أحمد شجاي اتسوي حباب أطلع لا احد يشوفنه تره احنه بالمطبخ

احمد:: خل يشوفونه علواه بلكي يحنون ويزوجونه

مريم::، احمد فدوه اطلع لا تجينه مصيبه

احمد::، شبيج خايفه حياتي عادي اكللهم جاي اشرب مي لو اطلع أي حجه واقنعهم

مريم:: لا والله ومن يكلولك ليش مجلبك بخصر بنته شدكللهم

احمد ::، ابتسم وكتلهه اكللهم يا ناس احب بتكم يا عمي اريده مريتي

مريم:: صرت طماطه من كلي هيج ما عرفت شحجي كلش ارتبكت

احمد::، اباوع عليهه مرتبكه وخجلانه من قربي خليت أيدي على وجهه أتلمس بي ترف وناعم وهي خاله ايدهه على صدري واني بعدني مجلب بخصرهه واباوع عليهه وبس انفاسنه تحجي جاي ابوسهه من خدهه بعدني ما واصل وجفلتني ساره

ساره::، ولكم عززااا شجاي اتسون

مريم::، متت بدمي ياربي.. ساره مو احمد اجه يريد يشرب مي

ساره::، لا بله وليش مجلب بحظنج اذا يشرب مي ليش أحد كله عليج ثلاجه

احمد::، هههههههه شبيج لج مريتي وكاعد اسولف وياهه

ساره::، هاي شنو من شوكت وليش اني ما ادري

احمد ::، من زززززمان بس جنه اثنينه ساكتين منحجي البارحه يله اعترفنه واحد للثاني

ساره:: يابه على عيني وعلى راسي و اول وحده افرحلكم بس شعدكم بالمطبخ ما خفتوا اتصير مشكله وتوكعون بيهه

مريم:: ساره والله كتله وهو ميسمع الكلام

احمد:"، هاي هيج اتبيعيني بسرعه فوك ما اتغزل بيج

ساره:: تتغزل بيهه بس مو بالمطبخ الرايح والجاي يشوفكم أحمدو ربك محد منتبهلكم جان صارت مشكله جبيره من تصرفون تصرف فكروا بعواقبه

احمد::، صار يابه ست ساره تدللين

ساره::، عفيه هيج اريدكم اتسمعون الكلام ويله مريم تعالي خل نصعد

مريم::، ماشي هسه بس اخلص الريوك

ساره:: عوفي حياتي هسه اصيح لنور اتكمله بدالج لإن الجو هنا مو أمان