عشك شيوخ ❤

البارت 31

عشكَ شيوخُ

للكاتبه آيات الساعدي 🦋

ساره :: سمعنه صياح قوي برده الكل اجه يركض ناس اتباوع من الباب وناس من شباك المطبخ انباوع على اسد وعلي يسحلون ب ايمن وهو صاير جنه جريذي بنصهم ..اسمع عمي يصيح وطلع ضرغام مشدوده ايده

جاسم ؛؛، تعال ولك اليوم انهيك ذبيتنه بطلابه وتالي شردت

ايمن ::، يابه هو العال عليه شتريدني اوكفله

جاسم:: يا طايح الحظ دافع على نفسك بس مو هيج مدمي الولد

ايمن ::، ما جان قصدي اضرب هيج قوي

ابو اسد :: اسمع ولك تكعد وتنجب هنا وممنوع تطلع بعد منا لحد ما اتفض السالفه

ايمن ::، انا ما اكدر اكعد بالبيت مثل الحرمه

ضرغام ::، زين من شردت وعفتنه بنص النار هاي رجوله لا والله حرمه واخس من الحرمه اقلها اكو نسوان بمية رجال

جاسم :: لا عاب حلكك بويه

ضرغام :: راح تبقه اتبات بالديوان وي الولد وطلعه منا ماااكووو لا قسماً بالله اسلمك الهم وشيسون بيك ما ندخل مفهوووووووم

ايمن ::، اي مفهوم

ضرغام :: يله كل واحد يروح يرتاح لازم انفكر عدل ونلكه حل لهل الطلابه

ابو اسد ::، محلوله ان شاء الله بس ادخل ارتاح جرحك بعد اخضر

ضرغام ::، لا اتخاف انا بخير .. رجعت للاستقبال لكيتهن واكفات بالمطبخ .. هاا شكوو يا ستار ادخلن جوه

ام اسد :: يمه فدوه اروحلك اكعد انت بعدك تعبان

ضرغام :: يمه شني سالفتج كتلكم زين

ام اسد ::، يمه غير اخافن عليك

ضرغام:: بست ايدهه لا اتخافين ماكو شي .. اباوع على ساره ..ادخلن جوه وممنوع وحده تطلع بعد مفهوم

ساره::، يحجي وموجهه نظره الي عرفته يقصدني

ام اسد "::، صار يمه .. يله بنات همن اديجن ورانه غده

ساره::، واكفين بالمطبخ نسوي أكل ومخبوصين لإن راح انسوي غده لفيلق كلهه واكفه حته بنات عمي جاسم دخل احمد انتبهت على سالي نطت من مكانهه

احمد ::، سارونه فدوه مي للخطار

ساره::، اي هسه تدلل

احمد::، موجه نظري لمريم عبالك بس هي كبالي

ساره::، بهمس سياده العاشق اخذ المي

احمد ::، هاا ايي انطيني

مريم ؛: دخل احمد ياخذ مي وهاي سالي حارت شسوي تضحك بصوت وتسولف سوالف تافهه بس علمود ينتبهلهه بس هو ما شال عينه من عليه وهذا شي فرحني احسه ميشوف غيري .. وره شويه دخل ايمن ابو البلاوي