عشك شيوخ
للكاتبه آيات الساعدي 🌿☘
شايفين الشعور اليمر بيك من تحب انسان تحبة يعني تحبة تعشكة حب يعبر العشق يعني تموت على التراب اليمشي عليه وسنوات تمر بهل سنوات تعيش وياه احلى ايام وسنين وتجي فترة ويجي ضرف وتضطرون تبتعدون بهل فترة بكل لحظة منتظر منة رد بكلمة شتاقيتلك او شلونك العشرة والحب والصداقة وكلهن معقولة هيج راحن
ومن كد متحبة تبرر الة لنفسك لا يمكن يمر
بهيج ضرف لا يمكن مشغول لا يمكن ويمكن
يجي مرضك وتطيب وهوة ماكو تكبر سنة
وهوة ماكو يعني هاهية مابرر لنفسي بعد
من تحب وتعشك وتنخذل وكلشي بنفس لوقت
الله يساعد كلب كل شخص يمر بهل مرحلة
اليحبك والجان بيوم يحبك متهون علية بيوم ولازم مينسة الحب والعشرة بسهولة♥️
ضرغام ::، اتفقنه انروح اني واهلي لبيت عمي ابو ساره نعتذر منهم وما اريد اعوف ساره بدون ما اصالحه اعرف غلطت واسرعت بس من حبي الهه انطلقنه لبغداد ابويه و امي والبنات خواتي ويانه اخوي فهد ومنتظر ...وصلنه للمنطقه لبيهه حبيبتي احس ردتي روحي نزلنه من السياره دكينه الباب طلعنه احمد بس وجهه بعد ثكيل
احمد ::، اهلاً وسهلاً اتفضلوا
ابو اسد :: شلونك بويه
احمد ::، هلا بيك عمي اتفضل
ابو اسد ::، زاد فضلك
ضرغام ؛:: شلونك ابن العم
احمد : هلا شيخ اتفضل
ضرغام :: رحمه الله والديك..دخلنه واستقبلنه عمي وعمتي ام ساره احسن استقبال ..بس رويحتي ماكو اكيد بعدهي زعلانه ..بعد ما كعدنه
ابواسد ::، الله بالخير
ابو ساره:: الله بالخير والعافيه
ام اسد::،جا وين نسيبنه ساره هم ماكو
ام ساره:: خيه كرار راح يعلم ساره سواقه مدري شبيهه على هل سوالف
فهد :: بالعكس عمه خليهه تتعلم اتفيد نفسهه
ام ساره::اندري يا يمه بهاي سوالفكم
ابو اسد :: ابو ساره خويه احنه اجيناكم اليوم مخصوص نعتذر عن البدر من الشيخ ضرغام اتجاه بت عمه واجينه انحل الموضوع علمود لا يبقه بخاطركم
ابو ساره::جيتكم على راسي ليش تعبتوا نفسكم واني الله شاهد عليه ضرغام مثل ولدي وما شايل بكلبي علي بالعكس هذا دليل انو هو يخاف على عرضه
ابو اسد :: ونعم منك ابو ساره ما اتقصر خويه ..بس انريد انشوف ساره علمود انصفي النفوس
ابو ساره:: خابرت كرار ان شاء الله يجيبه ويجي
ابو اسد :: ان شاء الله براحته
.............................................
أنت تقرأ
عشك شيوخ ❤
Romanceقصه رومانسيه ❤ اتمنى تعجبكم القصه وتصعدونهه وتابعون حسابي كاتبه جديده مع قصه جديد الكاتبه ( ايات الساعدي ) ❤
