البارت 3 ،،، الكاتبه ( ايات الساعدي)
لطير لعافني وحط على غير
أغصان لا يرجع بعد دلالي مو شجره،،
خلص اليوم بين صديقاتي هند وسمر والمحاضرات وبين نظرات يونس لكلهه حب وغرام بس اني ما اريد احب ولا اريد انجرح مره ثانيه حته كرهت الزواج لإن حبيت انسان ما يستاهل وجرحني الحمد الله مصار بينه شي جان هسه كاعده اندب بحظي ومرات اكول مو حب مراهقه لإن جان عمري ١٧ تقريبآ ما اريد اوهم يونس بالحب واني اصلآ لا احب ولا اقبل بي هففففففف،،
رجعت للبيت دخلت للمطبخ كبل ميته جوع رغم أكلت وي صديقاتي بس انفجعت
ساره :: هلا بنبع الحنان شلونج يوم
ام ساره :: هلا ماما حبيبتي الله يساعدج
ساره:: موووووححح ياروحي وين بابا والولد
ام ساره:: ابوج عنده شغل واخوانج اجوي قبلج
ساره ::ممممم اوك .. بس ماما متت جوع فدوه صبي غده بسرعه
ام ساره :: ماشي حبيبتي روحي صيحي اخوانج يتغدون وياج
ساره:: تمام كلبي
رحت اصيح كرار واحمد للغده
ساره:: كرار يله تعال اتغده
كرار ::وعليكم السلام ورحمة الله وبركاته دسلمي اول شي
ساره::يبوووو ديله انزل على الغده
كرار ،، ماشي
ساره رحت ورجعت علي
ساره:: بس اني احبك🌝
كرار:: امشي لج اموت منج
ساره :: مو صوجك صوجي لإن احترمتك
كرار :: يله اطلعي وفضيهه اريد ابدل
ساره😒
رحت لاحمد ..حمودي يله تعال حبيبي اتغده
احمد :: ماشي حبيبتي جاي
نزلت جوه لكيت ماما محضره الغده وبابا كاعد على الطاوله سلمت علي وكعدت بالكرسي ليمه وامي على الجهه الثانيه يم بابا واجه احمد وكرار كعدوا اتغدوا ويانه كملنه غده بدون كلام ما اعرف اليوم شكو الكل ساكت ما اعرف لأن تعبانين خلصنه ولمينه الغده وكعدوا اهلي يشربون جاي ماما وبابا واخواني واني مو هل كد وي الجاي وراهه بابا كال
محمد :: اكلج نهاد لازم نروح للعماره الجمعه الجايه علمود اشوف اهلي صار فتره مشايفهم
نهاد::، براحتك محمد وهم حقك صار هوايه مرايحين واني هم اريد اشوفهم
محمد حضروا نفسك الجمعه نتوكل
ساره : بابا ليش متخليهه الخميس من ارجع من الجامعه لإن مترهم نروح الجمعه ونرجع السبت تعبانين عاد انروح الخميس علمود نبقه خميس وجمعه والسبت نرجع شكلت
محمد:: اذا هيج ماشي لعد على الخميس
الشباب:: يي عيني ساره كالت الخميس لازم الخميس
محمد . بنتي وتدلل عليه شتردون منهه
احمد :: يي ست الحسن بعد شتريد الحكومه بصفهه بعد
ساره .. على عنادكم 😝
وراهه رحت للفوك ارتب ملابسي واغسل الوصخات كملت ونزلت يم ماما بالمطبخ اساعدهه واني اشتغل امي سألتي اذا جنت موافقه على يونس او لا فجاوبت ماما بدون تردد كتله لا ما موافقه فأمي بدون متحجي بس هزت راسه بالايجاب
صعدت فوك حجيت وي البنات اشويه وراهه خليت راسي على المخده اجيت انام هاجمتني الافكار والذكريات وكولشي مريت بي ونقهرت على يونس بس مو بيدي الله يرزقه بت الحلال بعدين اذكرت لروحه لبيت جدو صار هوايه مرايحه اجتني فتره السادس اعدادي والجامعه صار ٤ سنوات مرايحه بس بعرس بت عمي يومين ورجعت وبعد مرحت اول مره ما اروحلهم كل هل المده يله شسوي مشاغل الايام العدت كلهه نفس الروتين منا لحد ما اجه يوم الخميس لازم نروح لبيت جدو اهل بابا اول ما وصلت للبيت دخلت كبل سبحت وخليت مرطب لجسمي و ركسونه ومعطر جسم ولبست نفنوف ماروني وشال ( شيله) كريمي وحذاء وجنطه كريمي وتعطرت ونزلت طبعآ محضره ملابسي من البارحه
ام ساره :: هاي شنو الماروني يخبل عليج ماما
ساره :: 💋💋 فدوه ماما جزء من جمالج
ابو ساره: ها يله نمشي وكف اشويه كال هاي منو الكيكه !!
ساره. وام ساره ::هههههههههه
ام ساره : هاي بتنه ساره الكيك
ساره:: بابا خجلتني 🤭
ابو ساره.. ياروحي يلوكلج حبيبه بابا
احمد .. هاي شنو كعدنه على دلال ساره لعد اني شنو😔
ساره:: انت اخويه العسل الجميل
احمد .. فديت اختي بس صدك طالعه حلوه
كرار .. منيلهه جنهه ست ايمان ام الرياضيات بالابتدائيه
ساره:: بابا صيحله
ابو ساره.. عوفي بابا يغار منج
ام ساره :: كافي امناكر مو وقتكم هسه يله يا ابو ساره راح نتأخر
ابو ساره.. يي صح يله حبايبي امشوا للسياره
ساره .. سياره بابا من هاي العاليات ولونهه اسود فحمي يجنن كلش احب السيارات واتمنى اسوق كعدتني من الصفنه امي .. ساره يله ماما
ساره ييي جايه باوعت ع نفسي بالمرايه اخر مره ورحت
كعدت يم احمد وكرار وره وماما يم بابا كاعده الطريق كله اتناكر اني وكرار منا لحد.ما وصلنه يله سكتنه طبعآ ما تعبت من الطريق لإن متعوده وكرار نساني حته التعب من المناكر وبابا كل ساع يصيح علي ولا يمل هل الولد
نهايه البارت الثالث
جاءت عيني في عينك صدفه واصبحت انت عيني نفسها💋❤
أنت تقرأ
عشك شيوخ ❤
Roman d'amourقصه رومانسيه ❤ اتمنى تعجبكم القصه وتصعدونهه وتابعون حسابي كاتبه جديده مع قصه جديد الكاتبه ( ايات الساعدي ) ❤
