عشك شيوخ ❤

البارت 11❤

گلب بأوراق عمرك ناس راحو ناس اجو
‏ ناس رايدهم يـضلون ومشو
‏اكو ناس اتعوفهم ترتاح منهم
‏ناس ضلتهم حمل ؛
‏اكو ناس طيوفهم تگعد براسك
‏ مـثل خرخاشة بحجل

البارت 11 ❤❤

ساره ::، فزيت على صوت بابا يكعدني

ابو ساره::، اكعدي بابا وصلنه ساره

ساره::، ممم ايي كعدت كمت امط بروحي واباوع على ضرغام بعده بس سياره وباقين بس اني وياه بابا وماما دخلوا جوه وكرار واحمد ينقلون بالغراض

ضرغام ::، صح النوم بت عمي

ساره:: يصح بدنك شيخ

ضرغام::، كعدت الحلوه مالتي اباوع عليهه شلون اتمط بنفسهه يالله راح ارتكب جريمه بيهه ..حممم لا شهل الحجي خل اثكل شويه اباوع عليهه بعدهي نعسانه وما بيهه حيل تتحرك ..كتلهه بت عمي انزلي ما كافي نوم اريد اطبك السياره

ساره:: رديت علي واني مغمضه هااا ايي هسه بس شويه وانزل

ضرغام::، فدوه للنعسان

ساره::، شنو مسمعت

ضرغام::، كتلج انزلي ارتاحي جوه بالبيت بأثناء ما جاي نحجي اجه أحمد

احمد:: لججج بعدج نايمه دكوووومي نامي جوه الولد يريد يطبك السياره

ساره:: احمد حباب بس شويه انام ما بيه انزل

احمد::، دتعالي شلتهه ودخلتهه جوه نومتهه بغرفه أهلي

ساره:: فزيت على شيلة أحمد كتله شبيك راح اتوكعني

احمد:: اسكتي كسوله هو منو شايلج اصلاً

ساره:: رجعت نمت على جتف احمد حسيت من خلاني على الجربايه وبعدهه غفيت ما دريت بالدنيا

ضرغام::، اويلي يا الله شلون شالهه احمد له ردت انجلط وهي نايمه على جتفه بت.... استغفر الله كمت امشي واسب بالعشيره من وراهه شطت للستار احسني دخنت وماكو احد يطفيني بس اذا ما أطلع هل الدلال من عينج فزيت من افكاري على صوت عمي يحجي وي احمد

ابو ساره:: احمد وين اختك

احمد:: هاي الكسوله ما قبلت تكعد له شلتهه ونومتهه بغرفتكم

ابو ساره::، اي خليهه ترتاح شويه البارحه سهرانه وي البنات اعرف سوالفهن من ينجمعن ام ساره حضريلنه الغده علمود يتغده ويانه ضرغام

ضرغام:: لا يا عمي مشكور بس يا دوب ألحك ارجع

ابو ساره:: ما يرد الكريم له البخيل وبعدين شعندك انت ابقه يمنه الليله وارجع باجر من الصبح

ضرغام:: ما ردت ارد عمي كتله هاي هي عمي براحتك

كرار:: تعال ضرغام نلعب كيم بين ما يسون الغده