عشك شيوخ ❤

البارت 24

‏خُذ دائمًا ما يُليق بك ويوازي رُوحك
من حلم ، وأشخاص ، وحتّى كلمات .

للكاتبه آيات الساعدي 🌿❤

ضرغام ::، احس بروحي مثل الطير فرحان بساره حيل بس كون اتبطل اعنادهه كاعده كبالي اسولف وي البنات واني بس اتحرش بيهه اباوع على خدودهه حمر وتخجل من حركاتي بدي هسه اهجم عليهه فدوه للخجلان دخل الزمج وشوفي شسوي بيج

ساره : ، صاحتنه عمتي ام اسد نفرش السفره وننقل المواعين رحنه مريم فرش السفره وكمنه ننقل مواعين الأكل مسوين برياني وكبه وزلاطه وطرشي وعصاير ولبن ومركه لحم بيضه اجه ضرغام انطي مواعين وهو يخلي بسفره كل ما يأخذ ماعون يشمرله حجايه احسه فرحان واني هم فرحانه بي كعدنه نتغده وهو ما نزل عينه حته ما عرفت آكل من وراه ..كملنه غده وكمنه ننقل مواعين وهو كلي لا ادنكين وراج الولد كاعدين كملنه وغسلنه الصحون رجعت للصاله ما لكيت ضرغام ...اكلج مريم

مريم ::، ها حبي

ساره::، وين ضرغام

مريم ::، حممم حممم بدت علينه ست ساره هي وحبيبهه

ساره::، وجع غير اسأل علي

مريم ::، راح يم سجاد

ساره::، شكد يروح يمه ما يمل

مريم::، يمه فديت ليغار

ساره::، ما غار

مريم::، لا ابوي ليغار اشو دوخر خل اكمل شغل

................................

ضرغام ::، بعد ما كملت غده رحت يم سجاد شويه دكيت علي ...انت وين

سجاد ::: اني بالبيت

ضرغام::، اني جايك

سجاد :: صاير شي

ضرغام::، لا مصاير بس ميصير اسير عليك

سجاد ::، يا هلا بيك البيت بيتك

ضرغام ::، سديته منه اخذت السياره ورحت لبيتهم دكيت الباب طلعلي سجاد وراه ام سجاد

ام سجاد ::، يمه هلا بالشيخ عاش من شافك

ضرغام::، بست راسهه هلا بيج يمه شلونج

ام سجاد ::، يابعد روحي ما تسأل على امك كطعت بيه

ضرغام:: يا حجيه مشاغل والله اعذريني

ام سجاد ::، معذور يمه اتفضل فوت

ضرغام::، زاد.فضلج

سجاد:"، تره بديت اغار

ام سجاد ::، يااا يمه غير انت روحي

سجاد ::، رحت بستهه اموت عليج يمه بس جيبيلنه شي نشربه وياريت لو عصير الجو حار

ام سجاد ::، تدللون يمه

سجاد ::، تعال عضيدي اكعد سولف

ضرغام::، شسولف ؟؟

سجاد:: علينه 😏 دحجي شصاير ومخليك شاك حلكك بالضحكه و وجهك مرتاح