عشك شيوخ ❤

البارت 41

ومرات أحسد ثيابه
لان شبعن من عطره شم ♥️🥺.

عشكَ شيوخُ

للكاتبه آيات الساعدي

نور::، بعد.ما رجعنه للبيت اتوالت الأيام وعايشه احلى حب وي كرار مدللني دلال وعمامي خوش ناس يحبوني وره شهرين رحت لأهلي بتت يمهم اسبوع بعدهه رجعت لبيت عيالي واني جاي اصفط الملابس دخلت عليه ساره

ساره::، دخلت على نور الغرفه لكيتهه جاي اصفط بالملابس ..اكلج نور

نور::، كولي حبي

ساره ::، هاي مريم ادك عليهه صار تقريباً اسبوع تلفونهه مغلق

نور:: تلكينهه مشغوله بالشغل

ساره::، لجج يا شغل اسبوع على الأقل تفتح تلفونهه حته لو ساعه

نور::، اخاف متعاركه وي احمد

ساره::، رحت سألته ما بيهم شي وهو هم قلقان

نور"::، قلقتيني خل اخابر وحده من البنات

ساره::  اي عفيه لإن ما عندي ارقامهن

نور::، دكيت على مرة اسد فتحت الخط ..الوو ها فاطمه

فاطمه::، هلا بنواره شلونج

نور"::، حبيبتي الحمد الله بخير

فاطمه::، دومج حبيبتي

نور::، اكلج فاطمه ..وين مريم

فاطمه::  فوك بغرفتهه ليش

نور::، مو صار هوايه اندك عليهه تلفونهه مغلق

فاطمه::، لا موجوده كاعده بغرفتهه

نور::، اشو انطيني خل احجي وياهه

فاطمه::، ماشي

نور::، وره مده سمعت صوت مريم ..لج وينج انتي متكليلي

مريم::، سمعت صوت نور وكمت اشهك

نور::، شبيج !!!! ليش تبجين

مريم بجي::، نور شوكت تجون حيل محتاجتكم

ساره::، لج شبيج احجي

مريم::، بس تعالن حبابات

ساره::، ايي نجي بس اهدي شويه هسه اكول لبابا يجيبنه

نور::، غير تحجي شبيهه

ساره::، عوفيهه متكدر نروح ونفتهم شنو السالفه بعدهه سديت الاتصال ورحت جوه لكيت اهلي منجمعين واحمد كاعد على اعصابه بس شافني رفع راسه يريد يشوف ملامح وجهي كعدت يمهم ..اكلك بابا

ابو ساره::، كولي سارونه

ساره:: خل نروح باجر للعماره

ابو ساره:: شنو يابه حنيتي لخطيبج

ساره بخجل::، لا بابا بس اشتاقيت لمريم

ابو ساره مبتسم ::، ان شاء الله نروح