عشك شيوخ ❤

البارت 19

🌿🌿☘☘

19 للكاتبه آيات الساعدي

ضرغام ::، كمت بره ادخن شفت ساره واكفه وضوه القمر صاير عليهه تتنفس وترجع اتغمض احس بصراع داخلهه واتحاول اسيطر علي وكفت يمهه وهي ما حاسه بيه عبالك بغير عالم ...حمممم ساره

ساره ::، اختنكت من التفكير ومن المشاعر لتصير ويايه اتجاه ضرغام ساعه اكره ومدري شيصير بيه من يقترب مني مشاعري مخربطه وراسي مشوش ما اريد احب وأنخان ما اريد أتعلق وانكسر احس كلبي ورم وراسي صدع من التفكير ..فزيت على صوت يصحيني من عالمي لجنت عايشه بي ...التفتت على ضرغام بنبره هادئه عكس لبداخلي ...كول شيخ

ضرغام ::، منو وياج

ساره بنفس النبره ::، باوعت علي بتركيز وكتله واذا أكلك انت وياي

ضرغام ::، اخذت نفس من الجكاره وزفرته .. ليش انا شمسوي لإن حبيتج لإن ردتج بالحلال انام واكعد وأكل واشرب واشتغل وانتي بالي واتمنى اتصيرين الي ما اكدر اتخيل حياتي بدونج احب كولشي بيج ضحكتج صوتج طفولتج وقوتج بنفس الوقت احب ثقتج بنفسج سويتج شيخه كلبي كليلي شنو ذنبي من ردت اسويج أميره واكعدج على عرشي جربت الحب الحقيقي وياج انتي راحتي وعذابي ساره

ساره::، صافنه على كلامه كلبي يرجف من يحجي وملامحه مبين عليهه الحزن وعيونه تحجي حته وهو ساكت ..دنكت راسي الحجي سهل شيخ ما اريد اتعلق وانكسر

ضرغام ::، اتقربت منهه ما عاش ليكسرج ياروح شيخج انا لأحميج حته من نفسي انتي بنتي

ساره ::، شيخ ما اكدر اردلك جواب مشاعري مشوشه ..بس عندي الك اقتراح

ضرغام ::، اسمعج

ساره::، شنو رأيك انعوف الحب بالوقت الحالي ونصير اصدقاء يعني اسولفلك كولشي يدور بالي وانت هم وتتعرف على حياتي الشخصيه واتعرف على حياتك

ضرغام ::، هاي هي متفقين بس حبي الج ما اعوفه تمام

ساره::، دنكت راسي ما اعرف شحجي ..حممم شوكت اتعلمني خيل

ضرغام زفر دخان الجكاره :، شوكت متحبين

ساره::، بعد شهر وتبدي امتحانات اخير السنه اخلص واجي اتعلمني

ضرغام ::، هاي هي تأمرين امر

ساره::، شويه ارتاحت نفسيتي من اتفقنه انكون اصدقاء لإن مشاعري مو واضحه لحد الآن

.....................................

كرار::، كاعد وكاعده بحظني نور ونسولف اني وياهه حبيت اخليهه تجرئ ويايه بحجي شويه ..نور حياتي

نور:: هااا

كرار::، شنو  رأيج نلعب لعبه صراحه وتحدي

نور::، ماشي يله

كرار ::، خل ابدي اني شتحبين صراحه لو تحدي

نور::، صراحه

كرار::، اتحبيني لو بس مجرد وافقتي لإن إبن  عمج ومواصفات وهيج شي