عشك شيوخ ❤

البارت 21

ㅤ
- فَتاةٌ، بَل إمرَأةٌ، بَل غَيمةٌ، بَل نَجمةٌ سَقطَت مِن السَّماءِ وَإستَقرَّت مُطمئِنةٌ فِي سَماءِ 
صَدرِي💜."

21 للكاتبه آيات الساعدي ☘🌿

ساره :: نزلنه من الفندق ودعنه اربيل بقيت اخر وحده نزلت لكيت السيارات كلهه مقبطه وكرار كاعد يم نور بقه بس الكرسي ليم ضرغام فتحت الباب على كرار ..انزل يله اكعد بالأمام

كرار:: ما ما اريد يم مريتي

ساره:: شبيك بابا ما تشبع ملطلط

كرار"::- ايي ما اشبع ..حقج اتكولين هيج ما مجربه الحب

ساره::- رفعت راسي على ضرغام بعده مجاهلني وما يباوع عليه ابد

كرار::، دصعدي وفضيهه

احمد ::، طلع راسه من الجامه يمعوووده اصعدي فضيهه

ساره::، ايي عابت خبصتوني ..صعدت يم ضرغام اباوع علي من جوه الجوه  ولا جني كاعده يمه هاي اني عود متحلفتله انوب هو هيج سوه بيه

كرار::، دطلعنه اغنيه يمعود

ساره::، طلع اغنيه ماجد المهندس اوقعلك عقد للموت اضل وياك صوره وصوت❤ ..كمت اباوع علي شلون شكله حلو لابس بنطرون جينز وقميص زيتوني مفتوح اول دكمتين وصدره طالع وعضلاته مبينات وشعره اسود يخبل ولحيته محددهه بطريقه جذابه وملامحه حادات بقيت فتره طويله مركزه بي بس هو ابد ولا نهز

ضرغام ::، احس بساره اتباوع عليه ما انكر فرحت بداخلي بس بقيت مجاهلهه بس لحد شوكت ما اعرف المهم اعلمهه درس مو لعبه بيدهه اني اوف كل ساع اذكر ذيج الليله الكضيتهه وياهه جانت من اسعد ايام حياتي حسيت بحبهه من بادلتني اذكر منظرهه من ذايبه بحظني واتئن بأسمي خلصت باكيت الجكاير كله وتعبني التفكير اباوع عليهه نامت مثل الملاك هسه اكدر اباوع عليج براحتي

ساره:: نص الطريق ونمت ما حسيت بالدنيا ما احس اله احنه واصلين للعماره كرار يكعد بيه ما بيه حيل ارد علي من التعب ما حسيت اله انشاليت

كرار::، هاي ما تكعد التنبل دتعالي وشلتهه ودخلت بيهه جوه الكل اتفاجأ عبالهم بيهه شي

الجد::، والك كرار شبيهه اختك

كرار::، كولشي ما بيهه جدي بس صار ساعه اكعد بيهه متكعد موتتني

ساره::، كرار والله كعدت بس نزلني ..نزلت سلمت على الكل وركضت على بيبي ابوس بيهه مشتاقتلج هوايه بيبي

الجده:: يابعد كلبي انا هم عبن كلش اشتاقيتلج

ساره::، اجه ضرغام باس ايد بيبي وباس راسهه وكعد يم رجليهه

ضرغام::، اعصابي تلفت من هل ساره شلون شالهه وهي نايمه على جتفه اشرب جكاير وهم ما يبرد غليلي راحت سلمت على بيبي وتحظن بيهه واتبوس اني سلمت على الكل ورحت وصلت لبيبي دنكت عليهه بست ايدهه وراسهه دنكت يم رجليهه هي كاعد على الكرسي.. مشتاقلج بيبي