အဖြူရောင်စာမျက်နှာ(Complete)

14

14

.
.
ဒီနေ့က မင်္ဂလာပွဲနေ့ပါပဲ။

ဝါလကင်းလွတ်ပြီဖြစ်သလို ရက်လည်းကောင်းတာ
ကြောင့် လူကြီးတွေကရွေးချယ်လိုက်ခြင်း။

မနက်လေးနာရီထကာ ဆွမ်းချက်၍ ဘုန်းကြီး​ကျောင်းသို့ဆွမ်းချိုင့်ပို့ပြီးအပြန်မှာ ခြံဝင်းထဲကားရောက်ပြန်ပြီ။

ငါးနာရီလောက်သာရှိသေးတာကြောင့်ကြက်တွန်သံတွေညံနေသလိုအလင်းရောင်လည်းမတိုးသေး။

Solar မီးက လျှပ်စစ်မီးလောက်မလင်းထိန်သော်လည်း မီးအိမ်ထက်တော့သာသည်။

ဧည့်သည်တွင်ထိုင်နေသည့် ဦးလွှမ်းဝဏ္ဏထည်က သွေး ကိုတွေ့တော့အဝတ်အိတ်တစ်ခုကမ်းပေးလာသည်။

"သွားလဲကြည့် မင်းနဲ့တော်မယ်ထင်တာပဲ''

"ဟုတ်ကဲ့''

အဖြူရောင်စတစ်ကော်လံရှပ်အင်္ကျီကိုမှသွေး တို့ရိုးရာ ပုဆိုးမိုးသားရောင်အပြာလေးနှင့်တွဲဖက်ထားသည်။

ဦးလွှမ်းဝဏ္ဏထည် ကလည်း သွေးလိုပဲဝတ်ဆင်၏။

မင်္ဂလာပွဲကတော့ရိုးရှင်းပါသည်။

လူကြီးမိဘတွေရှေ့လက်မှတ်ရေးထိုးပြီးဆုံးမ သြဝါဒ ခံယူသည်။

နေ့ခင်းမှာတော့ရွာရှိဘုန်းကြီးကျောင်းတွင်ဆွေမျိုးအပေါင်းသင်းတွေနဲ့အတူဆွမ်းကပ်ပြီးတရားနာသည်။

ခမ်းခမ်းနားနားမဟုတ်ဘဲ အကျဥ်းချုပ်လေးသာကျင်းပသော်လည်း အဓိပ္ပါယ်လေးကလှပသည်။

ရာသီဥတုကလည်းသာယာနေသည်။

ဦးလွှမ်းဝဏ္ဏထည် ကိုမြင်တွေ့ချင်သည့်ရွာသားတွေကအရမ်းများနေတော့ ခြံစည်းရိုးအားတစ်ချိန်လုံးဖွင့်ထားရသည်။

ဧည့်ခန်းတွင်သွေးနဲ့ဦးလွှမ်းဝဏ္ဏထည်ကကပ်ရက်ထိုင်၍အရှေ့မှာတော့ ရွာကလူကြီးတွေရှိနေကာအရမ်းဖော်ရွေသောအခါ တော်ရုံနဲ့စကားဖြတ်လို့ရမှာမဟုတ်။

ဦးလွှမ်းဝဏ္ဏထည် ငြိုငြင်မှာစိုးရိမ်မိသော်လည်း အထင်နဲ့အမြင် ကွဲပြားစွာဦးလွှမ်းဝဏ္ဏထည် သည် ရွာကလူတွေနဲ့ပြောပြောဆိုဆိုရှိသည်။