အဖြူရောင်စာမျက်နှာ(Complete)

32

32

.
.
"ဦး''

"ပြန်လာပါတော့ ဦးရယ်''

"ဦး''

ရင်ဘတ်တစ်ခုလုံးကိုကွဲကြေစေတဲ့အသံ
ငိုနေခြင်းကြောင့်တုန်နေလေသောအသံ

မြူမှုန်တွေကြားငုတ်တုတ်ထိုင်ကာကိုယ်လုံးကိုကျုံ့နိုင်သမျှကျုံ့ပြီးငိုနေရှာသောကလေးငယ်တစ်ယောက်။

မငိုပါနဲ့ကလေးငယ်လို့ပြောချင်သော်ငှားလည်း တစ်ခုခုကသူ့ကိုဖိထားသလိုနဲ့ နည်းနည်းမျှလှုပ်၍မရ။

"ဦး''

ကလေးငယ်ရဲ့အော်သံကပိုကျယ်လာတဲ့
သူ့ရင်ဘတ်ဟာပေါက်ကွဲထွက်တော့မတတ်။

ထွေးဖက်လိုက်ချင်သော်ငှားလည်း သူ့ကိုတစ်ယောက်ယောက်ကချုပ်ထားသလိုပုံစံမျိုးနဲ့မို့ သူဘယ်လောက်ပဲကြိုးစားကြိုးစားပင်ပန်းသွားရုံလေးသာ အဖတ်တင်သည်။

နောက် မြူမှုန်တွေကြားထိုင်ငိုနေတဲ့ကလေးငယ်က မျက်ရည်တွေနဲ့ထရပ်ပြီး
သူအနားက ချောက်တစ်ခုထဲခုန်ချမည်လုပ်နေလေသည်။

မလုပ်နဲ့လို့သူအကျယ်ကြီးအော်ပစ်လိုက်ချင်သော်လည်း ပါးစပ်က လုံးဝဟမရတော့ သူ့တော်တော့်ကိုဒေါသထွက်ချင်လာပြီ။

သူ့အားဆွဲချုပ်ထားသောအရာဆီက
အတင်းရုန်းရင်း ကမ်းပါးနားရောက်နေသောကလေးငယ်ကိုလည်းအော်ခေါ်ပြန်သည်။

ကလေးငယ်ကချောက်ကမ်းပါးနာရပ်ကာခုန်ချဖို့မျက်လုံးပိတ်နေလေပြီ သူ့မှာတော့အခုထိရုန်း၍မရသေး။

ကျောက်ဆောင်ကြီးအောက်ပိနေသည်လားထင်ရလောက်အောက်ရုန်းလေ သူကပဲမောလေ သူကပဲနာကျင်လေမို့ သူ့မျက်ဝန်းအိမ်ထဲမျက်ရည်တို့ဝဲစလာပြီ။

သူ့အားချုပ်ထားသောအရာဆီမှအစွမ်းကုန်ရုန်းထွက်နေစဥ် ကလေးငယ်က ခုန်ချနေပြီမို့ သူ့ကျယ်လောင်စွာအော်မိတော့ငယ်။

"ငယ်!!!''

ကလေးငယ်ဆိုပြီးအကျယ်ကြီးအော်ခေါ်လိုက်ရာမှ ငယ်ဆိုတဲ့နောက်ဆုံးလုံးသာ
ရှင်းရှင်းလင်းလင်းထွက်ကျလာသည်။

ငယ်ဆိုသောအော်သံနောက်မှာတော့

"သား! "

သားဆိုသောမိန်းမကြီးတစ်ယောက်ရဲ့အော်သံကသူ့နားထဲဆူညံသွားချိန် Doctor ဆိုသောအသံကထပ်တိုးလာပြန်သည်။