13#သူ့မှာကလေးရှိနေပြီလား#
သူမတို့ လေဆိပ်အပြင်ဘက်တွင် ခေတ္တစောင့်ဆိုင်းပြီးနောက် သူမသူငယ်ချင်း ဖန်းရှောင်ချန်သည် ပစ်ကပ်ကားဟောင်း တစ်စီးကိုမောင်းကာ ရောက်လာတော့သည်။ သူမတို့ချိန်းဆိုထားသည့်နေရာတွင် ဟိုကြည့်ဒီကြည့်နှင့် ရွှီရှီယန်ကိုရှာဖွေနေပေမဲ့ သူမ၏မျက်စိရှေ့တွင်ရှိနေသည်ကို မမှတ်မိပေ။
Oops! This image does not follow our content guidelines. To continue publishing, please remove it or upload a different image.
နောက်ဆုံးတော့ ရွှီရှီယန်ကပဲ အရင်စခေါ်လိုက်ရသည်။
"Orange ငါရောက်နေပြီ နင့်ရှေ့မှာလေ''
ဖန်းရှောင်ချန်သည် သူမရှေ့မှ သူစိမ်းအမျိုးသမီး၏ အလွန်လှပသောမျက်နှာကိုကြည့်ပြီးအံ့သြသွားသည်။ သူမ၏သူငယ်ချင်းဖြစ်သူမှန်း သိသွားသောအခါ အားရပါးရငိုချလိုက်တော့သည်။
"နင်...ကောင်မကြီး ငါးနှစ်တောင်ပျောက်သွားလိုက်တာ...အကြင်နာတရားမရှိတဲ့မိန်းမ...နိုင်ငံခြားမှာကောင်ချောလေးတွေအများကြီးနဲ့ပျော်နေတာမလား နင့်သူငယ်ချင်း ငါ့ကိုရောသတိရသေးရဲ့လား''
မှန်ပါသည်။ အဲ့ဒါ ရွှီရှီယန်ပါပဲ...
သူမ၏မိတ်ကပ်ပြင်ထားပုံမှာ အလွန်လှပနေသောကြောင့် ဖန်းရှောင်ချန်သည်ပင်လျှင် မမှတ်မိနိုင်ခဲ့ပေ။ ရွှီရှီယန်၏ အိတ်မှ ဝက်ဝံရုပ်သော့ချိတ်လေးမှာ ဖန်းရှောင်ချန်ပေးထားသောမွေးနေ့လက်ဆောင်ဖြစ်ပြီး သူမအခုထိ သိမ်းထားတုန်းပင်...
သူမတို့ တစ်ယောက်ကိုတစ်ယောက်ပွေ့ဖက်နှုတ်ဆက်လိုက်သည်။ ဖန်ရှောင်းချန်၏ ပွစိပွစိ စကားများကိုနားထောင်ရင်း ရွှီရှီယန် အလွန်ဝမ်းသာနေမိသည်။ ဝမ်းသာလွန်းလို့ မျက်ရည်များပင်ကျလာတော့သည်။
YOU ARE READING
အဖိုးတန်လေးရဲ့ဖေဖေကြီး
RomanceName>>Priceless baby's super daddy Translator>>Flamingo(me😁) သူဆိုတာ လိုချင်တာအားလုံးကိုရနိုင်တဲ့ ဖျော်ဖြေရေးလောကရဲ့ဘုရင်တစ်ပါး။ နှစ်ပေါင်းများစွာ singleဖြစ်နေပြီး အရှုပ်အရှင်း ကင်းတဲ့သူ... တစ်နေ့မှာ အမျိုးသမီးတစ်ယောက်နဲ့ မိန်းကလေးငယ်လေးတစ်ယောက် သူ...
