အဖိုးတန်လေးရဲ့ဖေဖေကြီး

20

20#အနည်းငယ်စိတ်ဖိစီး#

လွန်ခဲ့သောရက်အနည်းငယ်က ပိုင်ယွမ်ဘုရားကျောင်းမှ ဘုန်းတော်ကြီး ချင်ရွှေ က
'ကောင်းကင်ဘုံက အကြီးအကျယ်ဆုံး ပျော်ရွှင်မှုကျရောက်လာလိမ့်မယ်' လို့ နိမိတ်ဖတ်ခဲ့သည်မှာ အံ့သြစရာမရှိတော့...

ဒီအချိန်မှာတော့ ဟော်ယွင်ရှန်းတစ်ယောက် အလွန်အားရကျေနပ်နေတော့သည်။

"သူ့ကိုမ လိုက်''

ဟော်ယွင်ရှန်း အမိန့်ပေးလိုက်သည်။ လူနှစ်ယောက်သည် သူတို့ထွက်သွားတော့မည့်အချိန်တွင် သူတို့ဆရာ၏အမိန့်ကိုကြားလိုက်ရသောအခါသိသိသာသာကို လန့်ဖျန့်သွားကြတော့သည်။

"သူ့ကိုထားခဲ့''

ထိုနှစ်ယောက်အံ့သြလွန်းသဖြင့်စကားပင်မပြောနိုင်တော့ပေ။

"သွားတော့ ဒရိုင်ဘာကိုပြောလိုက် ငါတို့ဟော်မိသားစုကိုမပြန်တော့ဘူး ရှန်းရှီယွီကျင်း ကို သွားမယ်''

ဟော်ယွင်ရှန်း အမိန့်ထပ်ပေးလိုက်သည်။

ထိုလူနှစ်ယောက်ထွက်သွားပြီးနောက် သူတို့ကား၏ ပိုင်းခြားထားသောအကန့်ကိုပိတ်လိုက်သည်။

ကျယ်ဝန်းသောRVကားပေါ်တွင် သူနှင့်ရွှီရှီယန်နှစ်ယောက်သာကျန်ခဲ့တော့သည်။
ဟော်ယွင်ရှန်း ထိုမိန်းကလေးဆီသွားရန် ဝှီးချဲကွန်ထရိုးကိုလှုပ်ရှားလိုက်သည်။

သူမကို အချိန်အတော်ကြာဂရုတစိုက်ရပ်ကြည့်နေပြီးနောက် အမှန်ပင်သူမ ဖြစ်ကြောင်း အတည်ပြုလိုက်သည်။ စိတ်လှုပ်ရှားလွန်းသ​ြဖင့် လက်တို့ပင်တုန်ရီနေပြီး သူ့နှလုံးသားကလည်း အရူးလိုခုန်ပေါက် နေတော့သည်။

အချိန်အကြာကြီး ကျယ်ကျယ်ပြန့်ပြန့်ရှာဖွေနေခဲ့သည့်အရာကို ကံကောင်းမှုအနည်းငယ်လေးရှိရုံဖြင့် စိတ်ကူးလိုက်သည်နှင့် ရှာတွေ့သွား​ေလခြင်း...ဟုတွေးနေမိသည်။

ရုတ်တရက်ထွက်ပေါ်လာသောမိန်းကလေး၏မျက်နှာကိုကြည့်ရင်း ဟော်ယွင်ရှန်း စိတ်လှုပ်ရှားနေမိသည်။
သူကလက်နှစ်ဖက်ကိုဆန့ ်၍ သူမကိုထိတွေ့ကြိုးစားလိုက်သော်လည်း ထိလိုက်လျှင် သူမပျောက်ကွယ်မည်ကိုစိုးရိမ်သောကြောင့်တွန့်ဆုတ်စွာလက်ပြန်ရုတ်လိုက်သည်။