အဖိုးတန်လေးရဲ့ဖေဖေကြီး

17

17#အခုထိ မုန်းနေတုန်းပဲ#

ချူယွီဟော်သည် ကုမ္ပဏီပါတီပွဲရှိသဖြင့် ရောက်ရှိနေခြင်းဖြစ်သည်။ ဖုန်းဖြေရန် အခန်းထဲမှထွက်လာပြီး မိတ်ဆွေနှင့်ဖုန်းပြောပြီး ပြန်လှည့်ထွက်ရာ ရင်းနှီးနေသောပုံရိပ်လေးကိုဖျပ်ခနဲမြင်လိုက်ရသည်။

ကော်ရစ်ဒါမှမီးရောင်သည်အနည်းငယ်မှိန်နေသောကြောင့် မသေမချာဖြင့်...

"ယန်ယန် တကယ်ပဲမင်းလား''

ရွှီရှီယန် ရပ်တန့်သွားပြီး သူနှင့်မနီးမဝေးမှ လူကိုကြည့်လိုက်သည်။ သူမမျက်လုံးများထဲတွင် တုန်လှုပ်နေသောအရိပ်အယောင်များထွက်ပေါ်လာသည်။

ဘယ်သူဘယ်ဝါဆိုတာ အသိအမှတ်ပြုပြီးနောက် သူမ မလေးမခန့်ကြည့်လိုက်သည်။ အတိတ်မှာဖြစ်ခဲ့သော စက်ဆုပ်ဖွယ်ရာမြင်ကွင်းများကို ယခုထိမှတ်မိနေဆဲပင်...

လွန်ခဲ့သော ငါးနှစ်က ညစာစားပွဲတစ်ခုတွင် သူမကိုမူးယစ်ဆေးတိုက်ရုံသာမက ကုမ္ပဏီအကျိုးအမြတ်ရရန် ရင်းနှီးမြုပ်နှံသူတစ်ယောက်ဆီသို့ ရောင်းရန်ကြံစည်ခဲ့သည်။ သူမကိုအမှိုက်လိုဆက်ဆံပြီးတာတောင်မှ သူမကိုပျက်စီးစေချင်နေခဲ့သေးသည်။

အဲ့ဒီညတွင် ရွှီရှီယန်၏နှလုံးသားများတစ်စစီကွဲကြေသွားခဲ့သည်။ သူမ အယုံကြည်ရဆုံးလူနှစ်ယောက်ထံမှ သစ္စာဖောက်ခံခဲ့ရပြီး ဓားနဲ့မွှန်းတာထက်ပို၍နာကျင်စွာ ခံစားခဲ့ရသည်။

သူမ ယခုထိ မုန်းတီးနေဆဲပင်...

သူမ ခံစားခဲ့ရတဲ့ အရှက်ရနာကျင်မှုထက် နှစ်ဆနာကျင်အောင်ပြန်လုပ်ပစ်မည်...
ထိုအရှက်မဲ့တဲ့စုံတွဲအတွက် အရမ်းလွယ်ကူနေမလားပဲ...

ယခု ငါးနှစ်ကုန်လွန်သွားပြီးနောက် ချူယွီဟော်လည်းအများကြီးပြောင်းလဲသွားပြီး သူဌေးကြီးအမူအယာ ဖြစ်နေတော့သည်။

လက်ချုပ်ဝတ်စုံနှင့် စတိုင်ကျသောဆံပင်ပုံစံတို့အပြင် သူချမ်းသာကြောင်း အခြားသူများမသိမှာစိုးသဖြင့် ခန္ဓာကိုယ်တစ်ခုလုံးကို နာမည်ကြီးဘရန်းများသာဝတ်ဆင်ထားသည်။

...လယ်သမားရုပ်နဲ့ကောင်...

ချူယွီဟော် ကိုထပ်တွေ့လိုက်ရသောကြောင့် ရွှီရှီယန် စကားပုံတစ်ခုကိုသတိရသွားသည်။