19#ဘုရားသခင်စီစဥ်ပေးတဲ့ အံသြစရာလက်ဆောင်#
သူမဖုန်းအသံသွင်းတာကိုပိတ်လိုက်ပြီး နူးညံ့သိမ်မွေ့ကာ ရှက်တတ်သည့်ဟန်လုပ်လိုက်သည်။ သူ့ရင်ဘတ်ကို တမင်သက်သက် လက်ချောင်းဖြင့် ပွတ်သပ်လိုက်ပြီး လက်ဖက်စိမ်းတော့သည်။
"ယွီဟော် ကျွန်မတို့အကြာကြီးဝေးနေခဲ့တာ ကျွန်မရှင့်ကိုသိပ်လွမ်းတာပဲ...ရှင်ကျွန်မကို လိုချင်ရဲ့လား''
"ယန်ယန်...ကိုယ်...''
သူမမျက်လုံးများ မှေးစင်းနေပြီး သူမရည်ရွယ်ချက်ကရှင်းနေသည်။ ချူယွီဟော် နှာခေါင်းသွေးလျှံတော့မည်...
"ရှင် ကျွန်မကိုလိုချင်ရင် အကုန်ချွတ်လိုက်တော့လေ''
ရွှီရှီယန်တိုက်တွန်းလိုက်သည်။
"အို့ အို...''
ချူယွီဟော် မတရားပျော်ရွှင်နေလေသည်။ ရွှီရှီယန်က သူ့ကိုအခုထိချစ်နေပြီး ဒီနေရာမှာ သူ့ကို ဒီလိုတောင်းဆိုလိမ့်မယ်လို့ သူမမျှော်လင့်ထားခဲ့မိပေ။ ဆက်ဖြစ်လာမဲ့အရာကိုကြိုတွေးမိချိန်တွင် သူ့ကိုယ်သူ ကမ္ဘာကြီးရဲ့ထိပ်ဆုံးမှာရှိနေသည်ဟု ခံစားလိုက်ရသည်။
ချူယွီဟော်အများကြီးတွေးမနေတော့ဘဲ ဂျက်ကက်အင်္ကျီနှင့်ဘောင်းဘီရှည်ကိုချွတ်ပစ်လိုက်သည်။
ဘောင်းဘီရှည် သူ့ခြေထောက်အောက်ကိုရောက်သွားသောအခါ မမျှော်လင့်ထားသော လက်သီးထိုးချက်များက သူ့မျက်နှာပေါ်သို့ပြင်းပြင်းထန်ထန်ကျရောက်လာတော့သည်။
ထို့နောက် ကောင်းကောင်းရိုက်နှက်ပစ်လိုက်သောကြောင့် ချူယွီဟော်တစ်ကိုယ်လုံး ယောင်ရမ်းလာပြီး သွေးဖြိုင်ဖြိုင်ထွက်လာတော့သည်။
"အားးးးးးးးးးးး''
ချူယွီဟော်ထွက်ပြေးချင်ပေမဲ့ သူ့ဘောင်းဘီက ကျွတ်နေပြီး ကြမ်းပြင်ပေါ်ပြုတ်ကျနေသည်။
ရွှီရှီယန်၏မျက်လုံးထဲတွင်အမုန်းတရားတို့ပြည့်နှက်နေသည်။ စားပွဲပေါ်မှဘီယာပုလင်းတစ်လုံးကိုဆွဲယူလိုက်ပြီး ပုလင်းဖင်ကိုစားပွဲစောင်းနှင့်ရိုက်ခွဲလိုက်သည်။ ချွန်ထက်နေသောပုလင်းကွဲဖြင့် သူ့တင်ပါးကိုထိုးပစ်လိုက်သည်။
YOU ARE READING
အဖိုးတန်လေးရဲ့ဖေဖေကြီး
RomanceName>>Priceless baby's super daddy Translator>>Flamingo(me😁) သူဆိုတာ လိုချင်တာအားလုံးကိုရနိုင်တဲ့ ဖျော်ဖြေရေးလောကရဲ့ဘုရင်တစ်ပါး။ နှစ်ပေါင်းများစွာ singleဖြစ်နေပြီး အရှုပ်အရှင်း ကင်းတဲ့သူ... တစ်နေ့မှာ အမျိုးသမီးတစ်ယောက်နဲ့ မိန်းကလေးငယ်လေးတစ်ယောက် သူ...