البارت 14
غزل كلش فرحت بعيد ميلادها عكس ماجانت ضايجه ومتكأبه اليوم كله وانوب تركص هي وزينب ومريم وقتيبه يكمز بيناتهن
انتبهت على سرمد الواكف بالباب ويتأملئها ومبتسم اي مبتسم والله هي صفنت عليه وضحكت لضحكته
بعدين انتبهت على روحها وشهكت من شافته يباوعلها من جانت تركص وهي وملابسها واكفه كدامه (اكيد شافني عززه بعينج غزل والله عيب ) كمشت زينب ولبدت وراها
زينب : ولج شبيج شو وخري عني اريد اركص
غزل بهمس : عززه بعينج زينب ابوج واكف بالباب يحظي وشافني اركص والله عيب
زينب ماسمعت لان صوت الاغاني عالي : ولج شنو ابوج. ماسمعتج شكلتي ووخري من وراي شبيج لازكه بيه
غزل اشرتلها عالباب وهي خجلانه مابدها تختفي من كدامه
زينب باوعت عالباب شافت ابوها واكف ويباوعلهن ومبتسم هي ضحكت ورجعت باوعت على غزل 😒 وعلى شنو مستحيه لعد علساس بابا ماشايفج شو وخري خل اطفي الاغاني وملصت روحه من غزل كوه وسدت مسجل الاغاني
غزل ركضت كعدت بصف الحجيه ودحست روحها وراها
ووجها انطعن احمر وهي بيضه فكلش يبين عليها
زينب سلمت على ابوها وقتيبه ومريم كالعاده يركضوله واحد حاضنه من رجل والثاني من رجل
هو بوسهم وكعد
سرمد وهو ماشال عينه من غزل : الله بالخير
الحجيه : الله بالخير والعافيه وليدي شلونك يمه
سرمد : بخير دامج بخير
الحجيه. : عساك دوم اكول يمه متعشي لو اكوم اصبلك
سرمد : لا حجيه متعشي وباوع للكيكه ورجع باوع الغزل بس اريد من هاي الكيكه مبينه كلش طيبه وابتسم
الحجيه : اي يمه هسه يله غزوله حبيبتي كومي قدميله كيكه
غزل : لازكه بالحجيه ماتريد ادكوم كدامه لان لبسها كلش ضيك وبارز
كالت بهمس : يمه حبابه كولي لزينب والله استحي اكوم كدامه بهاي ملابسي فدوووه
الحجيه ضحكت وكالت بصوت عالي : يااع تستحين منه ليش غير رجلج يايمه وعاقد عليج
هنا غزل كامت ترجف من التوتر وانوب فشلتها بالزايد
سرمد حك لحيته وابتسم ودنك رأسه
كامت زينب وهي تضحك كصت قطعه من الكيكه ووياها عصير وانطته
غزل بس تريد تشرد اخذت الإذن من الحجيه واركضي لغرفتج سدت الباب وحطت أيدها على كلبها على كد ماخفق من الخجل والخوف بسرعه بدلت ملابسها ومسحت المكياج وحطت شال على رأسها ونزلت
لكته ماموجود ضلن يسولفن ويضحكن شويه ونزل مبدل ملابس البيت
كامت زينب وغزل عزلن الهوسه ورجعن كلشي المكانه
طبعا هناء بس اكلت كيكه وأخذت امير ومشت لغرفتها
الحجيه اشرت الزينب وكالت : بيبي زينب اكو علبه موجوده بالكنتور جيبيهه وتعاي
زينب : اي بيبي
شويه واجت وهي شايله العلبه انطتها للحجيه
