البارت 17
خلصت العطله الصيفيه
قبل اسبوع من الدوام سرمد اخذهم يشترون ملابس للمدرسه غزل وزينب اشترن من كل شغله اثنين ودفاتر وقرطاسيه
غزل كلش فرحت بالغراض لان جانت كل سنتين تشتري مره وهالمره سرمد ماخله شي ماجابلهه
قتيبه تسجل اول ابتدائي ومريم صارت ثاني
غزل وزينب صارن رابع علمي غزل رادت تروح ادبي لان مو زينه بالرياضيات سرمد ماقبل كاللهه روحي علمي واني ادرسج واذا مافهمتي احطلج مدرس خصوصي
ووافقت
بده الدوام ماكو شي تغير غير مشاعر غزل اللي تتجه لسرمد وتفرح من تشوفه كدامهه من يجي من الشغل هي تركض تسويله عشه ومن يسولف هي تصفن عليه من ينتبهلها تنزل راسها وتخجل وادكول بعد ماباوع عليه بس ترجع تسرق نضرات عليه هي ماتنكر أن هي حبته بس خايفه من فكره الزواج ومامتقبلتها
دائما يجن بنات عمه وكرايبهم لان بيوتهم قريبه
مره اجت بنت عم ابوه هي وامها هي مامزوجه ومحاميه
اجت دخلتهن الحجيه للصاله وزينب قدمت الضيافه
غزل كامت تحوص تريد تعرفها منو
غزل : اكلج زينب منو هاي المره
زينب : تصير بنت عم بابا بيتهم بالفرع الورانه
غزل : شو ابد ماشايفتهه
زينب: اي ماتجي مو موضفه تشتغل محاميه وماتلحك تجي
غزل :اممم وشكد عمرها بله وشتريد
زينب : وشبيج تسألين هلكد شهالفضول
غزل:انتي جاوبي واسكتي يله
زينب :يمه منج عمرها يمكن 27 مامزوجه عايشه هي وامها وحدهن لان ابوها متوفي هسه ارتاحيتي يله امشي نكعد يمهن
غزل سلمت عليهن وكعدت
هنه يسولف ويه الحجيه والعرفته يريدن سرمد بشغله مهمه
غزل ضلت تباوع لمروه وشون تحجي ولبسها وعطرها ومكياجهه مارتاحتلهه ابد
ضلن للعشه لان سرمد جان عنده شغل وماكدر يرجع صبن عشه وقدمن جاي
ومروه تباوع لغزل بنضرات كلتها اكل غزل تضايقت وكامت كعدت بالمطبخ عالميز
شويه ودخل سرمد هي فرحت ابتسمت بوجهه
سرمد : السلام عليكم شلونج بنيتي
غزل :وعليكم السلام .زينه الحمد لله
اصبلك عشه
سرمد : لا مو هسه عندي شغل دخل للهول سلم عالكل وكعد
مروه : اكولك ابو قتيبه عندي موضوع وياك وكلش مهم
سرمد : اي اكيد تدللين تفضلي احجي
مروه : اممم خاص هو يعني لو ...
سرمد : فهمتج تفضلي للصاله نحجي اذا تأذنلنه ام مروه
ام مروه : اي يمه تفضلوا اني اعرف بالموضوع بس والله يايمه خايفه عليها وهي هالوحيده عندي
سرمد :لا عمه أن شاء الله ماكو شي
دخل سرمد ومروه للصاله وحدهم وغزل كامت تفور من الغيره مابدها تروح وراهم وتسمع شيحجون وشتريد منه مروه
