البارت 19 والاخير
اجت الحجيه واسعد حاولوا يوخروه بالكوه اسعد لزمه وطلعه من الغرفه
زينب تبجي عليها اول ماطلع ابوها ركضت لغزل كومتها هي والحجيه من الكاع وغزل مامفتهمه شصار ليش يضربها شمسويه حست جسمها تكسر ماتكدر توكف من الضرب بس مو مثل كسرت كلبها من مد أيده عليها وغلط على ابوها وتربيته وهي اصلا ماتعرف شنو السالفة
باوعت على الحجيه وببكاء وصدمه ...ماما شكوو
الحجيه: اووف سوده عليه اهدي امي حبيبتي انتي كون كسر بيده ولايسوي بيج هيج ..زنوبه ساعديها تغير ملابسها وعلاجي جروحها خل اشوف ابوج شبيه هاج عالبنت استغفر الله وكامت وهي فايره من القهر
الحجيه : ولك سرمد شبيك عالبنت كدرتك عاليتيمه والله ماعرفت اربي صح
سرمد يفور من الغضب كلساع يريد يروحلها بس اسعد والحجيه مانعيه شبر الغرفه رايح راجع مايريد يصدك بس شاف بعينه
كسر الغرفه من الغضب بعد مايعرف شيسوي
الحجيه : ولك سرمد شبيك تخبلت اهدء خل نفتهم شصاير
سرمد:اي تخبلللت وخروا عني خل اذبحها لهاي الساقطه مخلي كح..ه ابيتي مع الاسف والله
الحجيه : ولك يمه شبيك شو اكعد اكعد اسعد جيبله ماي راح يرتفع ضغطه وانت اكعد وفهمني شجاك شسوت البنت شو النهار كله كدام عيني وتروح وترجع من المدرسه للبيت
سرمد وهو يلهث وعيونه حمر يفرك بايده يريد يهدأ
كام يريد يطلع
الحجيه : وين رايح عوف البنت سرمد كافي راح تموتها
سرمد :لا ماسويلها شي بس احجي وياها
راح الغرفه وفتح الباب بقوه
غزل شهكت من شافته رجليها كامن يرجفن من الخوف
لبدت وره زينب
سرمد اشر لزينب تطلع بس غزل مجلبه بيها سرمد خزرها
خافت وطلعت فاتت الحجيه وسد الباب
الحجيه حضنت غزل وتحاول اطمنها
بس وين وهي تشوف سرمد هايج من الغضب اول مره تشوفه هيج وره ماجانت تحسه امانها هسه تحس بالرعب والخوف منه
كال يله احجي كلشي ولاتجذبين بحرف تره اموتج هنا ولايرفلي جفن
غزل بخوف وهي مامستوعبه ...ش شنوو.وو
سرمد تقدم منها راد يضربها بس الحجيه منعته ...ولك يمه بالتفاهم مو هيج البنيه راح تموت جوه ايدك
سرمد كور أيده وعضها حيل وضرب الميز وتطشرت الغراض الفوكاه
غزل زادت بالبجي وهي تحس كلبها راح يوكف
طلع موبايلها وانطاهيا ...شنو هذا صخام الوجه هذا شنوو منو هذا التحجين وياه ومنين تعرفيه هسه تحجيلي كلشي وحده وحده
غزل شالت وجهها باستغراب لسرمد وباوعت عالحجيه اللي هي هم متفاجأه اخذت الموبايل منه بخوف
وشهكت من شافت الحجي مايلبس عليه ثوب كله +18 وصورها اي هاي صورها بعيد ميلادها اخذتهن بس دقيقه هذا منو الولد وشجابه على موبايلي
الولد ...غزوله حبي يمته تطلكين واخذج
غزل ..شبيك حياتي اصبر بعد واني بس الك
الولد ..بس اني اغار وهذا سرمد الحيوان حاط عينه عليج
غزل ..خل يولي اني احبك الك ومشتاقتلك هوواي يمته تجي للمدرسه حتى اشوفك
وحجي هوواي بينهم والمشكله صورها عنده
