နဥ္ရႈ Arc 16 (Stockholm Syndrome) Unicode

1023 - Unicode

1023 - အဆက်အဆံရှိခြင်း

ချူရှောင်ရန်က ရှရှောင်မန်အား နဉ်ရှုနှင့် မိတ်ဆက်ပေးလာခဲ့၏။ ဒါပေမယ့် မိတ်ဆက်ပေးစရာတောင် လိုရော လိုလို့လား? ရွှီဝမ်လန်နဲ့ ရှရှောင်မန်ဟာ တစ်ယောက်နှင့်တစ်ယောက် ဆယ်နှစ်ကျော်ကြာ သိလာခဲ့ကြတာဖြစ်ပြီး၊ ချူရှောင်ရန်က ရှရှောင်မန်နှင့် အဆက်အဆံရှိတာထက်ပင် ပို၍ ရင်းနှီးကျွမ်းဝင်ချိန်ကြာမြင့်ခဲ့သည်။

ချူရှောင်ရန်က ဒါကို တမင်သက်သက်လုပ်တာပင်။

နဉ်ရှုသည် မျက်ခုံးတစ်ဖက်အား ပင့်ကာရယ်နှင့် သူမ၏ လက်အား ရှရှောင်မန်ထံသို့ ဆန့်ထုတ်ပေးလိုက်၏။

ရှရှောင်မန်မှ သူမ၏အစ်ကိုဝမ်လန် ဤကဲ့သို့ ပြုမူနေသည်အား တွေ့လိုက်ရတော့ နာကျင်မှုဟာ သူမ၏ မျက်နှာပေါ်တွင် အရောင်လက်သွားခဲ့သည်။ သို့သော်ငြား ချူရှောင်ရန်ဟာ လက်ဦးမှု ယူလိုက်ကာ နဉ်ရှုနှင့် လက်ဆွဲနှုတ်ဆက်လာခဲ့သည်။

ချူရှောင်ရန်သည် ဆုပ်ကိုင်ထားမှုအား အနည်းငယ် အားထုတ်၍ ဖျစ်ညှစ်လိုက်သည်။နဉ်ရှုက ဒီအပေါ်မှာ ဘာမှ မတုံ့ပြန်တာ တွေ့ရတော့ သူက လက်ကို ပို၍ပင် အားထုတ်လျက် ဖျစ်ညှစ်လိုက်သည်။ နဉ်ရှုက ခပ်ဖျော့ဖျော့လေး ပြုံးလိုက်ကာ သူ၏ လက်အား ပြန်၍ နာကျင်အောင် ညှစ်လိုက်သည်။ ချူရှောင်ရန်၏ မျက်နှာအရောင်ဟာ ရုတ်ချည်း ပြောင်းလဲသွားပြီး နဉ်ရှု၏ လက်အား လွှတ်လိုက်သည်။

သူ၏ ပတ်လည်၌ ခြိမ်းခြောက်၍ ဒေါသငွေ့သမ်းနေသည့် လေထုဟာ ဖြစ်တည်လို့သွားခဲ့သည်။ သို့ပေမယ့် သူက ကောက်ကျစ်စွာ ဆက်ပြုံး၍ နေခဲ့သည်။

"ရှေ့နေရွှီက တကယ်ကို စိတ်ဝင်စားစရာကောင်းတဲ့သူပဲ။ ဒီလိုပဲ ဆက်နေပါ။ ကျွန်တော်လည်း ခင်ဗျားလို စိတ်ဝင်စားစရာကောင်းတဲ့သူတွေကို သဘောကျတယ်"

နဉ်ရှု ခေါင်းညိတ်လိုက်သည်။

"သေချာပေါက် ဒီလိုပဲ ဆက်နေသွားမှာ..."

ရှရှောင်မန်တောင် သူတို့ကြားက အခြေအနေကို ရိပ်မိလာတာမို့ သူမက ချူရှောင်ရန်အား ဆွဲခေါ်ထုတ်လိုက်သည်။