အခန်း ၁၀၄၁ - အချိန်ကိုက်ရောက်လာသော ဟီးရိုးအရောင်အဝါ
နဉ်ရှု သူမ နားကြားမှားတယ်ထင်မိတော့မလို့...။ ရှရှောင်မန် ဘာပြောလိုက်တာ...? ရှရှောင်မန်က သူမနဲ့လက်ထပ်ချင်တယ်?
နဉ်ရှုမျက်နှာ ရှုံမဲ့သွား၏။
"မင်း ဘာပြောနေလဲရော မင်း သိရဲ့လား?"
ရှရှောင်မန်က ဇဝေဇဝါဖြစ်သွား၏။ ပြီးမှ ...
"အစ်ကိုဝမ်လန်...လက်ထပ်ကြရအောင်"
နဉ်ရှု : →_→
ဒါဖြင့် သူမ နားကြားမမှားဘူးပေါ့လေ။
"ဘာကြောင့်လဲ? ဘာလို့ ငါနဲ့ လက်ထပ်ချင်ရတာလဲ? ငါ အခုမှတ်မိသလောက်တော့...မင်းက ချူရှောင်ရန်ရဲ့မိန်းမ၊ ကလေးကလည်း သူ့ရဲ့ကလေးနော်။ ဒါပေမယ့် အခုကျတော့ မင်းက ငါ့ဆီ အပြေးလာရှာပြီး ငါနဲ့လက်ထပ်ချင်တယ်လို့ ပြောလိုက်တယ်လား?"
နဉ်ရှုသည် ရှရှောင်မန်အား မယုံကြည်နိုင်စွာ ကြည့်လိုက်သည်။
ရှရှောင်မန်ကို ကြည့်ရသည်မှာ ရှက်နေသလိုပင်။ ထို့်နောက် သူမက ဝမ်းနည်းနည်းနှင့် ပြောလာ၏။
"အစ်ကိုဝမ်လန်၊ ညီမက ကိုယ့်ကိုယ်ကိုယ် တန်ဖိုးတွေချပြီး၊ အရှက်မရှိနဲ့ တစ်ခြားသူရဲ့အပျော်မယားလုပ်နေတာမှန်း သိပါတယ်။ ဒါပေမယ့် ညီမရဲ့ကလေးကို နာမည်ဆိုးတပ်မပေးချင်ဘူး။"
နဉ်ရှုက မျက်နှာသေနှင့် ရှိနေဆဲပင်။
"ဒါဖြင့် ဘာလို့ သူနဲ့ကိုယ်ဝန်ရှိအောင် လုပ်ခဲ့သေးလဲ?"
ရှရှောင်မန်က ရှပ်ပြာပြာနှင့် ဖြေရှင်းလာ၏။
"အစ်ကိုဝမ်လန်...စိတ်မပူပါနဲ့။ ညီမတို့က ဟန်ဆောင်လက်ထပ်ရုံပါ။ ညီမ ဒီကလေးကို တရားမဝင်ကလေး ဖြစ်မလာစေချင်ရုံလေးပါ"
နဉ်ရှု : pfff...
နဉ်ရှု အခုမှ သဘောပေါက်တော့သည်။ ဒါက သူမကို အချိန်ကိုက်ရောက်လာတဲ့သူရဲကောင်းအမည်ခံစေချင်နေတာပဲ။ တစ်ခြားသူရဲ့ကလေးကို ပျိုးထောင်ရမည့်အပြင်၊ ဇနီးကလည်း အတုကြီးဖြစ်နေပြန်သေးသည်။
နဉ်ရှု ရယ်သာရယ်လိုက်ချင်တော့သည်။ ရှရှောင်မန်က နဉ်ရှုကို ဟန်ဆောင်လက်ထပ်မယ်လို့ ပြောတယ်ဆိုကတည်းက သူမက သူမရဲ့ဖြူစင်မှုကို ထိန်းသိမ်းချင်နေတာပဲ။ ရှရှောင်မန်က သူမရဲ့ကလေးကို တရားဝင်ကလေးဆိုတဲ့ နာမည်ပေးချင်နေပြီး သူမကတော့ ဇနီးတစ်ယောက်ရဲ့တာဝန်ကို ယူစရာမလိုအပ်လာအောင် သေချာအကွက်ချထားတာပဲ။
YOU ARE READING
နဥ္ရႈ Arc 16 (Stockholm Syndrome) Unicode
ActionQuick Transmigration Cannon Fodder's Record of Counterattacks (Ning Shu)
