فتحت الدولاب ووقفت اتفرج عشان انقي البس شنو طلعت 3بناطلين جينز وتشيرتات ورديين مع عبايه عشان البيت ح يكون مليان اولاد ما بقدر اتحرك بي راحتي لقيت سناء جابت لي بجامتين طوال قلت زيادة الخير خيرين وكان عندي فستان جديد قصيتو لي عرس وحده قريبتنا وما لبستو فشلتو معاي وطرحتي عند مروة مشيت شلتا منها قالت لي على وين قلت ليها ناس حبوبه مش كلمتك بي عرس بت خالي بس ماشين واوعى تعملي امورك وما تجي قالت لي ان شاء الله بجي لكن سر الفرحه دي شنو؟قلت ليها نور جاء🙈قالت لي عشان كدا متحمسه😂قلت ليها اشتقت ليو شديد يااخ🥺قلت ليها بنتواصل قالت لي طيب
سمعت سناء بتنده لي جريت عارفه امي ح تشاكلني وتقول انا الاخرتم😂لقيت نور قاعد في الصاله😳
-نور
نورالدين:يا عيونو
-اخص عليك لي كم شهرين ما جيتنا ولا عتبت بابنا🙂
=عارفه مضغوط في الشغل ياداب ما برجع البيت ارتاح وبمشي تاني😴
-شغل في عينك هسي دا عذرك الاقبح من وشك🙂
=ما عذر والله وعارف نفسي مقصر لكن تقولي شنو كدي خشي حضن انا اشتقت ليك
-احترم نفسك يااخ نحن في بيتنا خلي لمن نكون برانا😂🙈
سناء:براكم قلت لي😏كدي اخلصي عشان نمشي
-دقيقه الم هدومي واجيك
=طيب منتظرك
رميت الهدوم في الشنطه من غير ترتيب ما شفقانه😂ولبست عبايتي وطرحتي ومشينا امي قعدت مع سناء ورا وانا قعدت معاو قدام ونحن بنتونس وبنضحك اكتشفت قدر كيف كنت مشتاقه ليو🥺وصلنا ناس امي البيت واستأذن منها وطلعنا على شارع النيل عشان يعوضني عن الجفا الحصل بينا💛🌻
=سما
-عيونه
=انت كويسه؟
-الحمدلله بصحه وعافيه
=الحمدلله...اها لسه ما لقيتي البتفتشي عنو دا
-اخخخ يا نور لسه والله ابتديت افقد الامل انو موجود😔
=لي تفقدي الامل طلما انت مقتنعه وبتدعي ربنا بكل يقين وبدون شك وعارفه انو ربنا قادر على كل حاجه وامرو بين الكاف والنون (كن)ما تيأسي وان شاء الله بتلقي ولو بعد حين
-انت الوحيد البتطمني كلهم بقولو لي ما ح تلقي وانت عايشه في وهم وجو روايات🥺
=ما تشتغلي بيهم ح تلقي وتفرحي بيو
-خليك مني وعد كيف😏
=ماخده على خاطرها مني
ضربتو في كتفو وقلت ليو زعلتا لي يا عوير😒
=غصبا عني والله مع ضغط الشغل ما بلقى وقت عشان اتونس معاها
-انت عارف البت دي لو كنت بتحارب وفي نص الورجغه ديك والدم والطعين لو يدك كانت مشلوله ورجلك مقطوعه وراسك واقع بعيد لازم تقيف عشان تضرب تقول ليها اشتقت ليك وح تفرح شديد
=انتو غريبات خلاص😂
-ما غريبات منطقنا مختلف ما بنقيس الامور بي عمليه زيكم العاطفه عندنا بتجي في المقام الاول وحنينات شديد عايزين الهين اللين بي كلامك الحلو بتخليها تسمع كل البتقولو ليها لكن لو عملت فيها شفت وبتمشيا بي مزاجك وقتها صدقني ح تمشي وتخليك فاتح خشمك للهوا لانو هي واقع ليها اي حنك في الدنيا وبتتحنك ليك بمزاجها فأنت ما تعمل فيها شفت ممسح بالزفت😏
=بتتكلمي درر
-شغلتي كمان😌👋(ايه عادتني وبقيت بتكلم زيها😂)
نور قلبي بضرب شديد
=انت كويسه؟
-حاسه بيو هنا
=منو؟المنتظراو
-اي حاسه بيو
=بطلي شغل الهنود دا😂
-ما بهظر والله
=فتشي طيب
قمت من الكرسي بتلفت لكن الحته مليانه اولاد اعاين لي منو واخلي منو قلت ليو فعلا دا شغل هنود😂دردشنا وبعدها رجعنا البيت بنات خالي لامو نور لي يسوقني براي ولمن يقولو ليو طلعنا بتحجج بالشغل وانو تعبان وما قادر قال ليهن دي سما يا جماعه آآآه اتكسفت🙈💛
