شلت تلفوني وعبايتي لبستها قشقشت دميعاتي وطلعت لقيت سارلوس منتظرني في الشارع طوالي زي الشاطرة عملت خلف دور😂
عمرو:رجعتي مالك
-سارلوس قاعد برا🥲
=ارح يا جبانه😂
طلع وانا وراو ماشه جنب الحيطه وووهبااا بس سارلوس جاء من وين ما عارفه مش قلت ليكم خسيس🙂قلبي بقى يضرب شديد ورجليني ماتو ما قدرت امش قلت لي عمرو يشهد الله ما قادرة اتحرك قال لي امشي ما تشتغلي بيو قلت ليو والله ما قادرة بس الكلب جاء وقف جمبي وانا قربت ابول مسكت في يدو وقلت ليو طلعني من هنا قبل تجيني سكته واموت ليك في الحته دي الكلب يجي بي جاي وانا امشي بي جاي بقيت لافه حولين عمرو والكلب وراي لفاني ورا ضهرو وشال طوبه فلعو بيها وجرا ومن خوفتي قعدت في الواطه وهو السغيل بضحك فيني🙂قال لي شفتي اهو جرا لانو خاف قلت ليو ما اكتر من الخوفه الدخلت فيني بسببو😭💔قال لي انا الله يخليني عشان اعديك من الكلاب والكدايس😂قلت ليو مشكور وما بتقصر💛🌻قال لي ما يحتاج وصلني قدام الباب وقال لي يلا خشي قبل ما يجيك تاني😂هزيت ليو بي راسي وهو مشى كم خطوة كدا ندهت عليو عمرو قال لي اها ما عرفت اقول شنو ولساني اتربط قال لي عايزة حاجه قلت ليو لالا سلامتك اشر لي بي يدو ومشى👋
سناء:الوداع صعب صااح😏
-ننا اطلعي من راسي احسن ليك انا ما ناقصه🙂
+شايفاك مع عمرو صحوبيه شديده
-ماف اي صحوبيه في الحته دي قدمني عشان سارلوس كان برا
+البركه في سارلوس البقى ليكم سبب عشان تتلاقو😏
-ما ح اتناقش معاك
+عامله فيها ما منتبه يعني
-انتبه لي شنو لكن؟
+ما شايفه عمرو ولا ما شايفه نظراتو ليك
-نظراتو عاديه شديد لكن انت مخك وسخان
+سمح بكرة اشوف المخو وسخان ونضيف منو😏
اكذب لو قلت ما فكرت في كلام سناء لكن ماف اي حاجه بتأكد البتقولو تعاملو معاي اقل من عادي وما في اي حاجه مميزة بتجمعنا غير التوتر والخوف لمن يكون قريب مني وعندو هيبه كدا غريبه قدامو ببقى هبله وما بعرف اتصرف قطع حبل افكاري صوت تلفوني لقيت sms من رقم غريب
(كنت عايزة تقولي شنو؟)
-انت منو اصلا؟
=خليك مني انا منو وجاي من وين وردي
-ارد على اي اساس يا فهيم انت وانا ما عارفه حضرتك
=عمرو يا سما
سرت في جسمي رعشه كدا غريب لمن قريت الاسم قعدت كويس وعدلت جسمي رسلت ليو ما كنت عايزة اقول حاجه قال لي متأكدة قلت ليو ماف حاجه بتمنعني اقول ليك لو في شي قال لي عايز اتكلم معاي قلت ليو حاليا انت بتتكلم قال لي بطلي هبل عايز اضرب ليك قلت ليو والسبب؟ قال لي لمن اضرب ح تعرفي قلت ليو قبل شويه ما كنت معاك ما اتكلمت لي قال لي هسي عايز اتكلم اضرب ولا اكسر الحنك كنت عايزة اقول ليو اكسر الحنك لكن الشمار ما خلاني عايزة اعرف ح يقول لي شنو قلت ليو طيب اخد مسافه عشرة دقايق كدا ماف منو اي حركه شميتو شديد قاصد يعمل كدا🙂جدعت التلفون وطلعت اشرب مويه رجعت لقيت منو مكالمه ابيت ارجع ليو وبدعي يضرب تاني😂وربنا استجاب وضرب💛🌻
عمرو:عامله فيها تقيله
-واعمل تقيله لي
=ما رديتي
-كنت بشرب مويه
=ايواا كويس
-عايز تقول شنو؟
=طوالي كدا
-ايوون
=خليني اجمع الكلام اول
-لسنه كم؟
=انت قطيمه كدا مالك
-ربنا خلقني كدا
=اجابتك على طرف لسانك
-حالي وفالي
الونسه جرت وما حسيت بالوقت الا سناء جات خاشه شافتني بتكلم قلت ليو انا ماشه انوم قال لي ما لسه بدري قلت ليو بدري من عمرك يلا تصبح على خير قال لي وانت من اهلو💛🌻لمن عاينت للمكالمه لقيتها تمت 1:27:13 اطول مكالمه اتكلمتها في حياتي انا نور ما بتكلم معاو قدر دا😳
ولو سألتوني اتكلمتو عن شنو ما عارفه بس كلام هسي لو كانت جلسه كان حلو مشكله الشرق الاوسط😂
سناء:دا منو البتتكلمي معاو للزمن دا وقفلتي لمن جيت😏
-ننا ممكن يكون عندي خصوصيه شويه واحتفظ بي حاجه لي نفسي
+خصوصيه قلتي لي طيب بي راحتك مصيرك بكره تتدردقي وتجيني😏
-خلاص لمن اجيك اعملي العايزاو هسي خليني براحتي
+طاااايب ياببا
ما كلمتها عشان عارفه ح تفهم الموضوع غلط وتألف من راسها حاجات مافيشه🤦♀️
