شفتو طالع ولابس الساعه وفرحت شديد معناها عجبتو💛🌻
بس قلبي بضرب مالو طالما الدكتور قال انا كويسه وما فيني شيء ولا نتايج التحاليل دي فيها غلط وانا شاردة باغتني بي سؤال مفاجئ
عمرو:بالنسبه لي موضوع امبارح بتاع الزواج عن حب انت متأكده انو في زول في الدنيا دي مخلوق بس عشان يعرسك؟
-ايوون متأكدة مليون في الميه صح ما عارفه هو هسي وين ولا بعمل في شنو لكن في يوما ما ح نتلاقى واعرفو✅
=ح تعرفي كيف؟
-ما عارفه والله لكن ح اعرفو😂
=انت بتناقضي نفسك
-ما تناقض لكن عارفه ح احس بيو
=ما قادر اصدق
-صدق والله في انسان موجود بس عشانك...
انت شكلك ما حصل حبيت
=ما مؤمن بوجودو الحب دا في الروايات والافلام وبرضو خيال ما حقيقه
-كييف؟معقول ما بتأمن بيو
=ايواا لانو دي حاجه بديهيه ماف حاجه اسمها تحب زول اكتر من نفسك الا لو كنت بتحبي تكذبي على روحك
-كدي اسالك بالنسبه لي امك ما بتحبك اكتر من نفسها؟
=عشان هي امي وانا ولدا
-نفس الشيء في الحب ح تحس بيها امك التانيه وانت ابوها التاني
=ماف زول ح يحبك زي امك وابوك
-حبيبتك بتبدا تنافسهم في الحب دا وبتحاول تكون ليك اختك صاحبتك ومرات اخوك وصحبك زميلك في الكورة وبتاع الجمبه بتحاول قدر ما تقدر تكون ليك اي حاجه انت محتاج ليها
=وهل ح تقدر قطعا لا
-منو القال ليك ما بتقدر اصلا بكون عندها انفصام شخصيه وعادي تمثلم كلهم😂
=الا كدا😂لكن لسه مصر على موقفي ماف حب من النوع دا
-اقول ليك حاجه أنا بقدّس الحُب جداً وبشوف الحياة مستحيلة من غيره..
الحُب أكيد ما كفاية عشان يعبُر بعلاقة للبَر، ويكون بيت آمِن من الخلافات والضيق والزعل..
بس البشوفه إن الحُب بولّد التضحيات والتنازلات ، والإتنين ديل هم أساس العلاقة وأساس الزواج.
الزواج مابنتهي بفستان أبيَض وتصوير وخاتم ، في الجهة المقابلة للحاجات دي في مسؤوليات،أزمات، ضيق، زهج، تراكمات ، وهنا بظهر دور الحُب
الحُب ح يخلينا نتقبّل ونصبر ونرضى
ح يخلينا نحاول ، نضحّي ، ونعافِر
ح يخلينا نختلف مع الزول الاخترناه دا بين أربعة حيط، ونطلع منها نورّي العالم إنو أحسن زول اخترناه ، وإنو النصيب الحلو الرزقنا بيه ربّنا!
بالحُب ح نمسك يد بعض عشان نتجاوز المشكلة ، ما ح نكتف يدينا وننتظره يحلّها.
ح نقسم من العندنا عشان نكمل العنده ، ما ح نطالب ونلوم إذا ما اتوفرت.
بالحُب ح نتعَب ونحن مبسوطين، ح نضحي ونحن مبسوطين، ح نتشاكل ونحن متطمنين إنو دي خلافات عابرة والأصل ثابَت...
" الحُب زي علاقة الإنسان بربّه ، بتزيد وبتنقُص لكن الأصل ثابِت" !
يعني ممكن نختلف ونبعِد والحب يرجّعنا ، أو نقرب شديد والحب يزيد بيننا..
ما تتزوج عشان تجرب مرحلة جديدة في حياتك اتزوج عشان لقيت إنسان ح يجمّل المرحلة دي ، ماتتزوج عشان العمر عدّى والخيارات قلّت ، اتزوج عشان باقي العمر يستاهل يتعاش مع زول ح يخلي الدنيا جميلة في عيونك...
إتزوج عن حُب وبحُب ، ودا بعتبره إنجاز ، في زمن كل المعطيات الفيه بتحاول تكسر مجاديف الناس، في اتنين بحاولو ينجو بي بعض ، ويتوّجو حبهم بالزواج..
وسط الجفاف دا ، خلي علاقتكم تورّد، وشوف نِتاج حبكم قدامكم ، ببيت صغّير ، وأطفال حلوين، ومودة ورحمة..
"ربنا يجمّع دروب المتحابين"
دا كلام #رغد_عبدالرحمن وانا مقتنعه بيو شديد وبدعي ليك تلقى وحده تخطف قلبك وتخليك زي المجنون بحبها ووقتها ح تفهم كلامي دا كويس✅
ضحك وقال نشوف نزلني جمب الجامعه ومشى لقيت ايه جريت عليها وحضنتني قالت لي خير مالك ارتبطي من وراي مش ضربتا في راسا وقلت ليها بالك دا ما فيو غير الارتباط قالت لي تعبت من السنقله وقلت الرووووب😭نفسي احب واتحب يااخ معقوله الدنيا دي كلها ما فيها نفر فاضي يحبني قلت ليها اصبري بس لانو البحبك دا ح بجي ويعوضك عن كل لحظة مرت وهو بعيد قالت لي ان شاء الله🥺انت فرحانه كدا مالك قلت ليها جبت ليك حاجه حلوة غمضي عيونك عشان تستلميا قالت لي سريع من الشمار ح اموت😂طلعت الخاتم وجريت يدها ولبستو ليها فتحت عيونا وقلت ليها انا عرستك خلاص بيقنا احلى زوجه وزوجه😂قالت لي يا مجنونه انت لكن الخاتم روووعه😍💛قلت ليها ما اروع منك😍💛قلت ليها جبت ساعه لي اسامه اديا ليو قالت لي خليها معاك بعدين جاي يوصلني وسلميا بنفسك قلت ليها انت عويرة مش اخوك اديو وخلاص قالت لي ابييت يا زوله مش هديتك سلميا بنفسك شنو الاتكاليه دي😒ضحكتني ضحك البت دي والله مجنونه😂دخلنا وكان اليوم ظابط لمن بهناك💛🌻
