من شفتها دموعي جات نازله مطره بس ايه مسحتها لي وقالت يا هبله في زول بجيبو لي هديه ببكي😂قلت ليها الهديه رهييبه شديد وفاقت توقعاتي🥺💛قالت لي تلبسيم بالهنا قلت ليها امييين لكن دقيقه انت ما قلت ليو اللبس دا لي سما صااح🙂قالت لي لا اطمني😂قلت ليو حقي انا مع انو اعترض عليو لكن قلت ليو جيبو لي ولو ما عايز ما تجيب اي حاجه وما طالبه منك شيء خشيت ليو بي زعله كدا فقام جابم لي وهو اصلا كان جايب ليك عبايه مع شنطتها والاسبورت وعرفتها ما ح تعجبك زي اللبسه دي فقمت بدلتم قلت ليها يافاهمني انت🙈💛قالت لي شغلتي كمان😌👋
مروة:انا ما جاب لي حاجه
ايه:كويس ذكرتيني
طلعت ليها من الدرج علبه كدا بتاعت عطر حلوه💛
مروة:مالك شامه فيني ريحه زريبه لمن بتهديني عطر😒
ايه:الفي راسو ريشه بتحسسا ودي الهديه الجابها ليك لو ما عايزاها رجعيها😏
مروة:الهديه لا تهدى ولا تباع ولا بتترجع
ايه:يبقى احتفظي بيها واتعلمي تقولي شكرا😒
مروة:المرة الجايه
-خلاص بعد كدا نحن نقوم عشان ناس البيت ما يشاكلونا
ايه:بكلم اسامه يوصلكم
مروة:ماف داعي ضربت لي عمرو بي تلفونك يا سما عشان ما كان عندي رصيد وحاليا واقف لينا برا
-طيب ارح ما نتأخر عليو
مرقنا ودعنا خالتو انتظرنا في الشارع اسامه جاء
-شكرنن على الهديه حلوه شديد🥺💛
=ولو يااخ ما بيناتنا المهم انها عجبتك
-عجبتني شديد والله ربنا يقدرني واكافيك
=ما شرط على فكرة
-ما بحس اني مرتاحه لمن زول يقدم لي حاجه وما اردها ليو
=مدام كدا ايه قالت انك بتعملي كيك حلو فأنا عايز
-بس كيك ما عندك اي مشكله في اقرب فرصه بصلك😂💛
=ولا اقول ليك انت اعملي الكيك وايه تعمل لينا شاي لبن من تحت يدينها السمحات ونمشي شارع النيل نقعد بي مزاج
ايه:فكرة ظابطه اتاريك بتشغل بطيختك دي😂
=انا شايف انك تتلمي احسن لسه عندك حاجات عندي ولا استغنيتي عنها😏
ايه:برري والله اخوي دا عسل خلاص🙈💛
-شفت بس بي لسانا دا بتحنكك وتخليك تعمل العايزاو🤦♀️
ايه:شغلتي كمان😂
وعمرو جاء ودعتم وركبت اشرت ليم بي يدي👋 واتحركنا
مروة:يابت سمعتيها قالت شنو
-ياتو قواله من القوالات😂
+ركزي يا هبله لمن قلت ليها بنات اهلك نشيطات قالت ليك اخوها نزل عشان يعرس وما عايز من بنات اهلو وبفتش برا ودي فرصه🙈
-كلامو صااح اي زول في الدنيا دي بكون خاتي مواصفات لي شريك حياتو ومن حقو يعرس الحاسي بيها هي الانسانه المناسبه ليو وينفع تكون مرتو وام لي اولادو✅
+خلينا من فلسفتك دي شوفتي بتراشق لي كيف السلام ونبرة الصوت والا الضحكه🤤
بتتكلم وما منتبه لي عمرو وهو يشيل ويحمر ليها وهي ولا شغلتا بيو😂
-اي شكلك عجبتيو
+ان شاء الله يااخ على الاقل اعرس واحد سمح واعيش مروقه وكل طلباتي اوامر🥺
-يابتي العيشه ما كلها قروش اي نعم هي مهمه لكن في حاجات اهم بي كتير✅
+اها يا ابو العريف ياتو حاجات دي المهمه😒
-اتخيلي معاي اتقدم ليك زول وعندو قروش ولا بتتحسب وانت بي عقلتك دي واقفتي وعرستي بس عشان عندو قروش وانت ما بتكني ليو اي ذرة مشاعر حياتكم ح تكون باهته وروتينيه لمن غلط تصحي الصباح تعملي واجباتك يمشي شغلو يجي يلقى الاكل جاهز وعلى كدا تعيشو وحبه حبه ح تبدو تزهجو من بعض والمشاكل تكتر وكل واحد ح يبدا يفتش الحب المحروم منو برا تخيلي الموقف ساعتها ح يكون قاسي ح تظلمو نفسكم شديد اما لو حبيتي واحد وعرستي حياتكم ح تختلف توتلي تصحي الصباح مبسوطه تعايني في وشو وتتمعني ملامحو تكوني كلك نشاط لانك اتمليتي حب بس من شوفتو تقومي وتنضفي وانت بتغني تعملي الشاي وتشربو سوا وهو بتغزل فيك تودعي لمن يمشي الشغل وتكرهي بالمكالمات خلال الدوام وبكون على قلبو زي العسل تستني على أحر من الجمر متين يرجع البيت تتغدو سوا وتتونسو وتحضرو مرة مباراة ومرة مسلسل تتجننو مع بعض وكل ذكرى ليكم تحتفلو بيها اول طلع واول شكله واول حاجات كتيره بينكم وما ضروري الاحتفال يكون هيلمانا كفايه انكم مع بعض ومتذكرين البجمعكم ما هين❤
اقسم بالله حياه من غير حب ولا تجازفي وتخشي فيها الحب بهون حاجات كتيرة من غيرو يستحيل تتعاش عشان كدا بقول ليك وبكرر اياك ثم اياك تعرسي واحد انت ما بتحبي ولا مقتنعه بيو او ما عجباك افكارو او ان شاء الله اصغر تفصيل في شكلو او شخصتو يااخ لو ما عاجباك طريقه لبسو ما تغامري الحب قائم على التقبل ما التحمل انا ممكن اتقبل طباعك السيئه لكن ما بتحملا عشان الا ما يجي يوم واتعب من التحمل دا وصبري ينفذ بعدها العيشه ح تكون كيف وماف زول بتغير عشان زول لو ما التغير دا كان عشان نفسو في المقام الاول✅ وقصه انك بعد الزواج تمشي على مزاجك انسيها لانو الطبع بغلب التطبع لو سمع كلامك مرة واتنين في التالته ما بشتغل بيك فأنت لي تتعبي نفسك من البدايه وتخشي في حرب نتيجتها محسومه؟
مروة:خلاص انزلي وصلنا
-هي بسم الله وصلنا البيت متين😂
مروة:انت فاضيه ما الوك لوك لوك لوك🙂
عاينت لي عمرو وقالت مش قلت ليك لمن تبدا السيرة دي ما بتعرف تسكت تاني😂
عمرو:اي اتعمقت شديد
-لا دقيقه نحن بنعمل شنو قدام المستشفى🤦♀️
+ح تعملي رسم قلب ونشوفك مالك وقلبك بضرب كل مرة لي
-ااا...😨لا ياميمي معايزة وبعدين بطاقتي ما جبتها معاي والوقت اتأخر ناس امي بشاكلوني وما بحلوني اطلع تاني و...
+ياستي بطاقتك هندي طلعتها من شنطتها وكلمت امك انو ح نتأخر ارح وبطلي حجج فاضيه
-البطاقه جبتيها من وين كانت في دولابي🤦♀️
+قلت لي سناء عندنا فحص في الجامعه بالبطاقات اديني ليها عشان سما بتنسى وهي الشاطرة سمعت الكلام وجابتا لي
-لي بتعملي كدا وتختيني قدام الامر الواقع😔وعارفه اني بكره الحاجه دي
+عشان عارفه لو وريتك ح تطلعي لي بي ستين عذر😒وتقعدي تأجلي الليله وبكرة لغايه ما تنسيني الموضوع
-أمري لله اقول ليك شنو تاني😔
سجلنا وانتظرنا دوري دخلنا للدكتور عشان يفحص لي وانا متجرسه من حتته الفحص دي لو كانت دكتورة ما مشكله شكلو حسى بي متوترة قال لي يا آنسه انا حالف قسم ومهمتي اعالجك حتى اطمنت بعد كشف قال لي اعملي رسم قلب وتعالي بالنتايج بعد سويتها ومشيت ليو قال لي انت كويسه وما فيك الحبه بتدلعي مالك لو كنت كبيرة كان قلت عايزة تلفت الانتباه لكن انت صغيرة بطلي امورك واكلي كويس واشربي مويه وعصاير كتير عشان دمك حبه قلت ليو حااضر ح اعمل القلتو كلو قال لي شاطرة وطلعت طمنتم علي ورجعنا البيت
كنت فرحانه شديد اليوم كان لطيف جدنن قريت قران كتير ك.شكر لي ربنا على لطف اليوم وسقت معاي سناء المكتبه اشتري هديه لي مروة وعمرو لزوم وقفتم معاي اخترت سلسال شكل مجرة وحولينو تلاته نجوم وساعه وسناء عجبها سلسل بتاع فراشات اشتريتو ليها وخطرت في بالي ايه وهي بتحب الخواتم شديد فشلت ليها واحد على شكل وردة زرقاء وتاني قلت أسامه برضو جاب لي هديه حلوة لازم اردها ليو مع انو فلست😂
لكن ما خساره فيهم يستاهلو كل خير💛🌻
قمت دغش عشان متحمسه اديم هداياهم واشوف ردت فعلهم لما يشوفوها جهزت ومشيت لي مروة لقيتها راقدة في السرير وعليها حرارة قالت لي من يوم لعبنا تحت المطره حسيت روحي ما كويسه وعلى العلي شكلي اتصبت بمكروبات من المستشفى قلت ليها الف سلامه عليك انت عارفه كل ما تمشي بتمرضي مشيتي لي🥺قالت لي اخليك براك يعني قلت ليها وينفع يعني تكوني كدا قالت لي يابت هاا بعدين بتجي تلقيني زي الحصان قلت ليها ح اكلم سلمى تسجل ليك المحاضرات قالت لي طيب طلعت العلبه براحه وقلت ليها الجاب ليك هديه منو قالت لي هديه شنو قلت ليها شوفي لقيتها طرف السرير مديتا ليها فتحت وكوركت واااي عان ليو حلو كيف😍قلت ليها تلبسي بالهنا قالت لي دي انت مش قعدت اضحك ضمتني عليها وقالت يخليك لي قلت ليها ويخليك كمان😍💛عمرو قاعد قالت لي اي في حاجه قلت ليها جبت ليو ساعه وعايزة اديها ليو قالت لي ختيا بديا ليو بعدين قلت ليها لا عايزة اشوف ردت فعلو اذا حبها ول لا قالت لي بكون لسه نايم سمعت صوتو بتكلم مع خالتو سلافه قلت ليها ود حلال اهو صاحي يلا لي بعدين طلعت صبحت عليهم وقلت ليو جبت ليك حاجه لو تقبلا مني قال لي لو حلوه بقبلا مديت ليو العلبه وقلت تلبسا بالهنا قال لي شكرا ومشى قلت ليو دقيقه كدي افتحها اول شوفها حلوة ول لا ضحك وقال لي كويس فتح العبله وعاين مسافه ملامح وشو ما مفهومه عجبتو وحباها ولا شينه وانا متوترة عاين لي وقال يعني ما بطاله لمن شافني اضايقت وصريت وشي ضحك وقال ذوقك حلو💛🌻
اخخ اخيرا نطق بي شيء مفيد بعد غاظني🤦♀️
سلافه:الليله عيد ميلادك
عمرو:لا والله ولا عارف مناسبه الهديه شنو
-حاجه بسيطه لوقفتك امبارح معاي
عمرو:ولو ما مستاهله
-برضو شكرا ليك يلا انا ماشه
عمرو:مش الجامعه انتظري انا طالع وشارعنا واحد
-شكرنن ليك ما يحتاج
سلافه:خليو يوصلك يابت شارعكم واحد وتترفقو
-لالا يا خالتو ما عايزة اتعبو معاي
سلافه:تعب شنو يابت عمرو دا في مقام اخوك الكبير ما فيها حاجه لو وصلك ولا انت عاجباك شحططت المواصلات دي
بعد اصرت علي ما قدرت اكسر بي خاطرها ووافقت
طلعت برا سعدل العربيه وركبت ورا قال لي خلي عندك ذوق حبه انا ما السواق بتاعك🌚قلت ليو معليش والله ما قصدي🤦♀️ركبت قدام واتحركنا
"الإرتباط الروحي الذي بينّي وبينك كفيل بأن يثبت لهذا الكون الفسيح أننا لبعض دائماً وأبداً"
💜ابقوا عافيه💜
